Ka Nupepa Kuokoa, Volume XLIX, Number 3, 17 January 1913 — HOOKU'I A MAKE ELUA LIO. [ARTICLE]

HOOKU'I A MAKE ELUA LIO.

Nupea a Kuokoa, ke Kilohana Pookela o ka Lahui Hawaii. Aloha nui:---Ma ka auwina la Sabati, Ianuari 5, ma Kahaluu-uka, Apana o Kona Akau, i hooku'i ai o Jim Kauhane me Kuula Kahinu a make loa ko laua mau lio e kau ana. Eia ka moolelo no keia mau u[xx]a: Ma ke kakahiaka Sabati, Ianuari 5, i pauaho mai ai i keia ola ana o Mr. Kapalauhulu Palakiko maloko o ka halema 'i e ku nei ma Kahaluu-uka. He keiki o Mr. Kapalauhulu Palakiko i hoonaauao maikai ia, a ma ke Kulanakauhale o Honolulu oia i huli ai i ke ola, a ma ke kauoha a ke kauka e hoi no Kona nei, ma kahi o na ea maikai. Ma ka ike a ke kauka he piva ikaika keia, ua hoihoiia oia iloko o ka halema'i, hoomalu puia me kana wahine, me kona makuahonowai wahine, a ma kela kakahiaka Sabati i haalele iho ai oia i kana wahine me ko laua mama. Ma ka auwina la i hoihoiia aku ai kona kino ma ko lakou ilina ma Keauhou 2; oiai o keia Jirn Kauhane me keia Kuula Kahinu, o na keiki kupa o ka aina ma keia huaka 'i hooiewa. Oiai na mea apau ke hoi nei, o keia Kuula Kahinu, ua hoi mua mai oia a hala loa no Holualoa, aole i maopopo i ka mea kakau ka manao no keia huakai a Kuula Kahinu, a mamuli o ka lohi loa o Kuula Kahinu, ua kau ae la o Jim Kauhane i kona lio keokeo a kuu aku la i ka holo, oiai o Kahiuu [Kahinu] ke holo mai nei no, aole laua i manao iki eia na ulia poino ma ke alahele. Ma kekahi olaelae e ike ole ai kekahi i kekahi, ua hooku'i laua me ka ikaika loa; ua lele laua a elua i kahi e. Lonoia mai ua haki ka lima o Jim Kauhane, pohole pu ka lae o Kuula Kahinu, o na lio ua make loa. He mea kamailio nui ia i keia mau la keia mau ulia poino, he mau kanaka keia no ka hale hookahi, maha no paha ua pulu no i ka ua ka kehau o ka aina? Ua ike ia aku auanei he po. PETER KAANAPU. Kahaluu, Jan. 8, 1913.