Ka Nupepa Kuokoa, Volume XLVIII, Number 50, 13 December 1912 — HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino. [ARTICLE]

HE MOOLELO NO Cicilia Vanakouva A I OLE Ke Kaikamahine Iloko o na Hana Hoomaewaewa a Kona Kaikoeke Lokoino.

Ua lilo i hana nui ma ka aoao o Magarita ka moni ana aku i kela puna laau, oiai ua hele kona puu a ku haiki, mamuli o ka paa i na i»uu ma ke!a ame keia aoao o kona puu, a i ka pau ana aku nae o ka laau i ka moniia, ua akakuu mai la ota. me ka moe maiie aea aku, a huli mai ia ke kauka a nana ia Mrs. Lalana. Aia wale no na maka o Mrs. Lalana maluna o ke kauka i na manawa apau, a ua hoohuoi aku oia no kela kauka, me kona hoikeike ole aku nae i kekahi mea e ahuwale mai ai kona ano maoii. aka e ake ana nae oia e kaawale koke aku kela kauka mai ka ha!e a»cu, aole no kona hiiinai ole i ke akamai o keia kauka, aka no kona manao, ua maoj>opo i ua kauka la, aole kela kaikamahine o kana keiki j»otu)i, aka he keiki i loaa mai iaia, inamuli o kekahi hana kolohe. "Ke manao nei au, e hiki ana ia'u ke hoolako mai i kekahi mea makaukau loa i ka inalama ana i na ma'i o keia ano, a maluna ona ke kau ana o ka'u mau manaolana no ka palekana o ko bebc mai keia ma'i mai." "Alaila he mea ka paha ia i maka'u ole no keia ano ma'i ea?" i ninau hoomaoe aku ai ua o Mrs. Lalana. "Alaila he maka'u ka paha oe i ka noho pu aku me kekahi mea ma'i o loaa mai oe i ka ma'i ea?" "Ke ae okoa aku nei au imua ou e Kauka Motimea, he maka'u wale au i ka noho pu me kekahi mea ma'i. aka 110 ka pono nei o kuu kaikamahine, he mea na'u e hauoli loa ai, ka makaala loa ana iaia mai ka ili ana aku o na hoopilikia ana a ka ma'i maluna o kuu keiki.'' "Aole no o'u kanalua no kou haawi ana i kau mau kiai makaala ana 110 ka pono o kau kaikamahine. no ka mea he mea maa 1 na makuahine ka pulama ana no ka lakou mau keiki ponoi," eia nae ua lilo kela mau olelo a ke kauka i mea hoopii aku i ka huhu iloko o ua wahine nei, no kona manao, ke hoohenehene aku nei keia kauka iaia. Ua papaluaia iho la na manao *hoohuoi iloko o Mrs. Lalana, i ke kumu o ka hoohele mau aku o keia kauka i kana mau olelo ma kahi e pili ana i kona ano, eia nae mamuli o kona maopopo mua ole i na ano apau o keia kauka, nolaila aole he wahi e loaa aku ai ka ike iaia, no kana mau hana kolohe ike kaikamahine a Cicilia. Ma kela manawa a Cicilia o ke kamailio ana aku iaia no ka mea nana i kokua aku i kona mau pilikia, aole oia i hoike mai i ka inoa o kela keonimana, koe wale no kona hoike ana mai, no Kapalakiko oia. "Ua ike au, i ka nui maoli o ka hana i ili aku maluna o na makuahine no ka lakou mau mea aloha, a he nani hoi ia ua olelo mai nei oe, ua ike oe i kekahi mea makaukau loa i ka malama ana i ka poe ma'i, nolaila ke waiho aku nei au i ka'u keiki malalo o kau lapaau ana mai, a e hana aku hoi ma na alahele apau e loaa ai iaia ka palekana. "E hooko no au i na hana apau a'u i ike ai he pono no kau keiki, v. ahi a Kauka Motimea, me ka olu ana iho o kona manao, no ka mea ke hooikaika wale nei no oia i wahi e hoohuiia ai ka makua me kana keiki, oiai nae i na hora kakaikahi wale no i hala aku, ua haa*ele aku oia i ka makuahine, iloko o na manaolana poho, me na manao kaumaha no kana lei aloha he keiki. "Ke waiho aku nei au i ke ola ame ka make o kuu keiki iloko o ka poho o kou lima e Kauka Moūmea, e hana aku oe elike me kau i Ike ai he pono. He hana hiki 110 ia'u ke hooiaio aku imua ou, i kekahi mea kupono nana e malama i ka'u keiki, ina aia au maloko o ko'u kulanakauhale ponoi, a oiai he malihini au ma keia wahi, me ke kamaaina ole i kekahi mea, nolaila o oe ka i ike i ka poe kupono, a ke apono aku nei au i kau mea e hoouna mai ai no ka makaala ana i kuu kaikamahine." "Ke hooia hou aku nei au imua ou e Mrs. Lalana, aole loa o u kanalua no ka niakaukau o ka wahine a'u e hilinai nei, oia hookahi wale 110 ka inea kupono nana e malama i ko kaikamahine, a hiki i ka palekana ana mai keia ma'i mai i loaa iaia,' me kela nana pono no o Kauka Motimea maluna o na maka o kona hoa olelo. 4, lna eae mai ana kela wahine e hele mai no ke kiai ana i kuu keiki. alaila ke kauoha aku nei au ia oe, e hoouna koke mai iaia elike me ka hikiwawe e loaa ana, a pehea e hoea mai ana 110 anei oia i keia kakahiaka, a e ae inai ana no anei oia e auamo i na ko'iko'i o ka makaala ana i na manawa apau. me ke kunukunu ole?" "lna aia kau mau hilinai ana mai maluna o'u, ahila ke ole au e kuhihewa, e hoea mai ana kela wahine ma keia kakahiaka, i ko u wa e hoike aku ai iaia, no kona makemakeia ma ka e o ka moe ma'i o kau keiki/' • "Akahi a hooluoluia mai ko'u manao, no kou makaala e Kauka Motimea no ka pono o ka'u keiki," wahi a Mrs. Lalana, me kona moeuhane mua ole nae i ka upena a Kauka Motimea e hohola aku Yrei imua ona ? e poholo okoa mai ai oia, a kumakaima ae kuna niau hana kotohe o ka hilahila ole. Ma kela manawa a Kauka Motimea o ka ike ana me ka hooh*wahewa ole o kela kaikamahine ma'i, oia no o Magarita, ua hooholo l:okc iho la oia i kona manao, aole loa e lanakila kela keiki mai ka ma'i mai, ke ole e hoea mai kona makuahine ponoi, ka mea ana e noke mau la i ke kahea, a ma ia ano i noke mau aku ai oia i ka imi e loaa ka aeia mai o Cicilia e komo maloko o kela hale, oiai ua paa loa kona manao, pela wale iho la no e ola ai kela kaikamahme, aole we ke akamai o ke kauka. Aia no nae ka hopohopo iloko o ke kauka no kela ike mai o Mrs. Lalana ia CiciUa. ke kaikoeke ana o ka hoowahawaha loa ana, a pela hoi ka loaa pono aku o kana inau hana kolohe, e hoohilahilaia aku ai oia imua o ke akea, aole no nae he nana o ua kauka nei no ka lakou mau mea e hana mai ai, ma ke ahewa wale ana i keia mau hana ma ka aoao o Kauka Motimea f oiai ua pili ka hewa ma ko lakou aoao; o kana wale no hana aku nei, no ka hoopakele ana mai no ia i ke ola o kela keikl hewa ole. Ua paa loa kona manao, aole he laau hoolnohi e ae i ka mea ma'i. 0 ke ala wale ae no mai kona hiamoe mai, a ike i ka nana iho o na maka aloha o kona mama. a o ka ae ana aku i kona kahea mau mai 1 kona mama i kela ame keia manawa, he kumu hoomahuahua aku ia i ka eha o ka puu, e pau ai na manaolana no ke auhee aku o ka ma'i. Haawi aku la nae o Kauka Motimea i na kuhikuhi ana i ke ano e *aawi aku ai i ke puna laau. i ka wa e ala mai ai o Magarita, me kona hoike pu ana aku no hoi, e hoea mai ana no oia iloko o ka manawa kupoiio ma kekahi kakahiaka ae. I ka makaukau ana o na niea apau ana e wpiho mai ai no ka haawi ana aku ia Magarita. ua ku ae la oia iluna a i aku la ia Mrs. Lalana: u He mea pono e kiai makaala loaia ke kamaiki mai keia manawa aku a hikt i kuu hoea hou ana mai. a e haawi aku hoi i keia laau iaia, elike me na kuhikuhi a'u o ka hoakaka ana aku nei, a o ke paleia ana o kekahi o keia mau kauoha a'u, aole loa e ili mai na ko'iko'i inaluna o % u, ina e loli ano eae ana ke kulana oka ma'i .'nai keia manawa aku. 4 'Ua maopopo ia'u, ua ikaika maoli ka fiva maluna ona, aole no nae o'u hopohop«> no ia ma'i, o kela eha wale no o ka puu ka u ma'i naka'u, aia nae au a hoea hou mai» alaila maopopo ka*u mau mea e liuna hou aku au"

Ua kanalua no o Kauka Motimea i ka haalele iha i kela kamaiki. no kooa hilinai ole no. e malamaia ana paha kana mau kauoha aole | piha. eia nae aole e hiki iaia ke noho, a haalele aku ta Cicilia e | kakaii mai iaia ma kekahi la ac, nolaila ua hooholo iho !a oia, he <?i ae ka pono o kona haawi ana akn i kana kauoha ma ke ano uahoa, rso ka hookoia o na kuhikuhi i pili i ka laau, a + hoi aku oia imua 0 Cicilia, a hoike piha aku i kana mau "iea apau i ike ai no Magarita. "E hookoia no kau ifiau L*uoha apau e Kauka Motimea,** i pane mai ai o Mrs. Lalan- ka hoomamaia ana aka o kona noonoo no kana kaikamahine ana e hookohukoha la. a E ku kiai like aku ana mana me Mrs. Kumana, a oiai he wahine ia o maua i maa i ka makaaia ana i ka pono o ka poe ma*i, nolaila aole au mau hopohopo ana, no ka hoohemahema waleia o na mea e pono ai ka mea ma'i.** Ia haalele ana mai hoi o Kauka Molimea, ua hoi aku la o Mrs. Lalana ma ka aoao o ka moe o Magarita e moe mai ana, me ka namuaamu ana iho nae, no ke ano o na olelo a kela kauka e pili ana iaia: "Ma ke ano o na olelo a Kauka Motimea e noke mai ana i ke kamailio ia'u. e hoike okoa mai ana no ia. me he mea la he wahine au 1 makee ole no ka'u keiki; eia nae hoi haawi mai nei no nae oia i na kuhikuhi ana o ka laau ia'u, a pela pu hoi m.e ka malama ana aku i ka'u kaikamahine a hiki i kona hoea hou ana mai. "Aole i maopopo iki i kela kauka, aole keia he kaikamahine ponoi loa na'u, aka ma kana mau olelo nae, he ku maoii no i ka maikai ole i ko'u noonoo, kana mau hana r aole nae o'u manao, ua loaa aku kekahi ike iaia e pili ana i ka makuahine oiaio o keia kamaiki." Ke noho malie loa la ua o Mrs. Lalana ma ka aoao o ka moe o Magarita, me ke kiai makaala ana o ke ala mai o ke kaikamahine. aiaila haawi aku i ka laau, i kulike ai me na kuhikuhi a Kauka Motimea, me kona moeuhane mua ole nae, o ke koena o na hora i koe ana e ala hoomanawanui aku ai i ke ala ana, he mau hora ia e hoea mai ai i kona kumakaiaia aku no kana mau hana kolohe e hoohilahilaia aku ai oia imua o ke alo o kona mau hoaloha ponoi. MOKUNA XIX. Ua hoea aku la o Kauka Motimea no kona mau rumi, mahope iho e ka hora elua o kela po, a me ka nihi malie oia o ke komo ana aku, a iaia o ke kaalo ana ae mawaho o ka puka o ko Oieilia rumi, aohe ona lohe aku i ka nakeke mai oloko, a minoaka iho la ua kauka nei. no ka inea, e hoea mai ana i ka manawa, ana e hoike ae ai i kekahi nuhou e hoohauoliia aku ai ka mea e moe mai la me na manaolana uoho me ka piha i ka maluhiluhi i ka noke i ka huli i kana lei aloha iie keiki. j "E hiamoe malie no hoi oe e Cicilia pela, aole au e hoonioni wale j aku ana i kou hiamoe ua nanea, eia nae ua hele au a piha me ka na- j uki, e ake wale ana no o ka haawi aku i kekahi nuhou e hookahahaia ; ai kou manao," alaila, hoi pololei loa aku la ua kauka nei no kona keena moe, no ka hooluolu ana i na hora aku i koe o kela po, me ka manao, aia no a oili mai ke kakahiaka, o kona manawa ia e hoike mai ai i kana nuhou, no ka loaa ana o Magarita iaia. Aole i puoho iki mai o Cicilia a hiki i ka hora ewalu o kekahi kakahiaka ae, he mea malihini loa keia iaia, aole hoi pela i na kakahiaka aku mamua, o ke kumu nae, mamuli no ia o kona noke ana i ka uwe ma kela po, a ia haule ana aku no e hiamoe, ua moe naaupo oia a hiki i ke awakea loa ana. Aole hoi he olelo ana no Kauka Motimea, ua loihi kona ala ana ma ka po aku mamua, a iaia o ka hele ana mai no ka paina kakahiaka, loaa mai la o Cicilia iaia e noho aku ana, me ka hoopa ole nae i na meaai e waiho ana imua o kona alo. Ua loaa aku ka hoomaopopo ana ia Kauka Motimea, mai ka ona hale aku, no ka ai nui ole o keia wahine malihini i ka ai, nolaila ma kela kakahiaka a Kauka Motimea o ka noho ana mai e ai pu me Cieilia, e noke mau mai ana oia i ke kamailio ma ke ano hoolana manao, a i kekahi manawa e kauoha okoa mai ana i ua o Cicilia e hoao aku e ai i kekahi mau meaai, ana e hookomo mai ai iloko o ka Cic\lia pa. a ma ia ano wale iho la no i hoowalewale mai ai ke kauka ia Cicilia a hiki i ka mahuahua ana o na meaai, a ua wahine nei o ka ai ana, e paa aku ai ka houpo lewalewa. Ia pau ana nae o ka laua nei ai ana, ua hoi like aku la laua noloko 0 ke keena hookipa, me ke pani ana mai o Kauka Motimea i ka puka a paa, alaila hele aku la a mamua o ke alo o Cicilia, lalau aku la i na iima o ua wahine opio nei, a mahope iho o kana nana pono ana aku ma na maka o Cicilia, ua pane mai la oia i ka i ana mai: 4 'E Cicilia," wahi ana no ka manawa mua loa i kahea mai ai ika inoa pololei o Cicilia, aole hoi elike me kana e kapa mau ana i ua wahine nei ina manawa e ae. o Mrs. Monogomore. "E hiki ana anei ia oe ke hoomanawanui i na manao haku'iku'i no kekahi nuhou a'u e hoike aku ana ia oe i keia kakahiaka?" "Heaha ia mea au i olelo mai la?" wahi a Cicilia me ka hiki hou ole iaia ke hoopuka mai i hookahi huaolelo, aka puliki loa iho la kona mau manamanalima i na lima o ke kauka e paa aku ana iaia, aia nae ke kikoni kapalili la ka pana ana o ka puuwai o ua kauka opio nei, no ka mea ua komohia maoli aku no ke aloha iloko ona, no keia wahine, mamuli hoi paha kekahi o ko laua pipili mau iloko o ia mau la. Ua loli ano e ae la o Cicilia mai kela ano haka-nu ona, kela ano kukule o na minuke koke aku no mamua. a laua e ai like ana maluna o ke pakaukau, a i keia manawa, ua hele kona mau paphlina a lamalama. a o ia ka Kauka Motimea e nalu wale la no iloko iho ona, ina no hoi paha e lilo loa aku ana keia mea maikai nana, aole ana mau mea e noonoo hou aku ai, o ka pulama wale no i keia wahine huapala, nana e hoonioni mau la i kona puuwai. Leha aku la nae na maka o Cicilia maluna o ke kauka opio, me he mea la e kono okoa aku ana i ka mea nana e puliki la i kona mau lima, e hoike mai i kana nuhou, a o ia ka Kauka Motimea o ka minoaka ana iho, a pāne mai la: "He nuhou hauoli ka'u e hoike aku ana ia oe, elike me ia a'u o ka puana mua ana ae nei." "Alaila ua loaa anei ia oe kuu lei momi. kuu kaikamahine aloha?" | "Ae, ua loaa oia ia'u, aka nae—" ua tyhamaha e mai la o Cicilia 1 ke kauka, ma kona kulou ana iho ilalo a honi iho la i na lima e paa ana iaia, me ka hiolo makawalu ana mai o na kulu waimaka ma I kona mau papalina, alaila pane mai la: "Xani wale kou hoomanawanui o ka huli ana i kuu momi, a ua aie , nui au i kou lokomaikai e kini hoaloha. Eia ihea kuu Magarita leahi | i noho ai, e lawe koke aku ia'u imua ona i keia manawa. ua hele au | a piha me ke aloha nona e noho nei, a ke ake wale nei no o'u mau iima, e hii mai iaia iloko o kuu umauma, kahi a kuu lei e moe mau ai i na manawa apau." Ke naka Ia o Cicilia me ka haalulu elike me ke ano mau o ka poe iloko o na manao pihoihoi, aka aia nae iloko o Kauka Motimea, ke kaumaha i kela manawa. me kona nalu ana iho iloko ona, pehea la osa e hoike mai ai i ka makuahine, no ke kokoke loa ana o kana kai kamahine ma ka*e o ka make. a o ia kana o ka pane ana mai: "E hoopau i kou mau manao pihoihoi apau, a e houluulu mai i ka ikaika iloko o kou kino, no ka mea ua awili puia ka nuhou maikai me ke kaumaha. Ua loaa i o aku o Magarita ia'u, eia nae ke waiho Ia oia iloko o ke kulana kupilikii loa." I kela lohe ana aku no o Cicilia no ka ma'i ioa o kana lei aloha he keiki, ua huki koke aku la oia i kona "mau lima mai ia Kauka MotiMea aku. a hoomaka okoa ae la e kuwo, roe ka puliki ana ae i na lima ma kona poo, e hoike mai ana i ka ehaeha o kona naau, a hoomaka ae !a e kamailio ma ke ano kaukau: "lehia no hoi kau o ke kaumaha a'u e auamo ai. he keu no hoi o ka aihueia ana o kuu keiki, oia hookahi waie iho noia hoi, ka haawina a*u e auamo ai, eia ka o keia pilikia mai aku ka oi, a ua piha loa no anei ka puuwai o kela wahine i ka lokoino, i hoohemahema aku ai oia ika malama ana i kuu Magarita aloha? Hc ma'i kupilikii loa ; nei ko kuu momi i keia manawa?"

"Ae. he kulana kupi!ikii maōli ko Magarita. aole nae o u hopohopo no ka hiki ana ta'u ke hoopakele ae iaia ma: ka make mai. a e lawe āku ana au ia e-e imua ona. a nau pon<>i e kiat a e malama akti ana ; kau keiki ponoi/* wahi a Kauka Mottmca, me kona mx>m*> ana ih«\ he oi aku ka pono o ka hoike ana mai i ka mea oiaīo. Xo kela hooiaio ana aku o ke kauka i ke kulana kupilikii maoli i loaa aku ia Magarita, ua hele ka helehelena o Cicilia a keokeo pu. - 0 ia kana o ka pane ana mai: "Ina e poino maoli ana kuu keiki. e ike ana o Mrs. Lalana, e ili aku ana maluna ona. ka inlina o ka makuahine nana ke keiki ana <> ke kaili ana mai iati aku. a nana hoi i hookaawale ia maua no ka nxanawa pau ole, e hiki ole ai ka nui o kana mau dala ame kona waiwai e hoopakele ae iaia mai ka amana li kanaka ae?" Xo ka ike o ke kauka i ka hele o Cicilia a haalulu maoli, no ke pihoihoi i ka lohe ana aku i na mea apau e pili ana ia Magarita, nolaila *ja kauoha okoa mai la oia i ua o Cicilia e noho ilalo. no ka mea aok 1 manao mua o Kauka Motimea, ua loaa aku ka ikaika ia Lieilia e hoike mai ai i kekahi hiona eiike me ia ana e ike la. maiAuli hoi o ka hohoma o na papaiina, me ka wiwi pu o kona kino, eia ka ua like loa . Cicilia me kekahi wahine kino ikaika, e hiki ole ai e oleioia he mea i.awaliwali. "He mea pono e hoopau o« e Cicilia i kou mau manao uluku, pela waie no e hiki ai ia'u ke lawe aku ia oe imua o kau keiki, aole me keia a'u e ike aku nei ia oe. Mamuii o ko*u manaoio ana. o t>e waie no ka mea hookahi e hiki ai ke hooia ia Magarita. pela au e makemake nei e hoopau koke oe i kou mau manao pihoihoi, a no ka mea no hoi. me ke akahele wale no e malama aku ai ia Magarita a hiki i kona palekana ana mai ka make mai "O oe kona makuahine ponoi, ka mea hookahi wale no i loaa na manao makee a pulama no kau keiki, a ina o kena iho la kou ano e hoea aku ai imua ona. me ka hoaiaia ana mai paha o kou mau manao uluahew a, o ka hoonaukiuki me ka huhu no Mrs. Lalana. he kanaiua loa ko'u ke hiki e hoopakeleia mai o Magarita. He hookahi ana mea nui loa i na manawa apau, a ua iohe pono no hoi au me ko'u mau pepeiao. o ia no kona kahea ana, 'E mama, mama/ pela au e i hou aku nei ia oe. me ke akahele wale no kaua e hana aku ai no kona pono." Leha hou mai la na maka o Cicilia maluna o ke kauka. alaila kalele al u la maluna o ke koki, a hookahe hou aku la i kona mau waimaka aloha no kana lei momi haule ole iloko o kona noonoo. Me he mea la iloko o ko Ciciiia noonoo i kela manawa, aia ke kau mai la ke aka o kana kaikamahine imua ona, iloko o na hoehaehaia a k£ ma'i iwaena o ka poe i malihini iaia, me ka noke mau ana i ke kahea i kona maina, ka mea hookahi nana e haawi aku i na pulama ana iaia elike me ka makuahine i aloha i'o i kana keiki, a ua lilo ia mau mea i mau kumu hooi loa mai i ko Cicilia kaumaha, a na ka wainiaka no e hele, me he wai la i ninini ia iho maluna o kona poo, a kahe aku ma na papalina. Ua ike no o Cicilia i ka nui o na kaumaha ana e auamo nei, no na pule lehulehu o ka nalowale ana aku o kana milimili mai iaia aku, a ina aia iloko o kana keiki ka hoomanao no kona makua, aole aku la e nele ke kau aku o kekahi ma'i nui maluna ona, e aneane aku ai no ma ka'e o ka lua kupapau, oiai ua nele i ka mea nana e haawi aku i na olelo hooluolu. Aole no e kala i hele ai ka puuwai o Cicilia a piha i na haawina luuluu o ke kaumaha, eia nae ua hoomalae waie aku no oia imua o Kauka Motimea, aka nae iloko o kela manawa. ua hiki hou ole iaia ke kaohi mai i ka hookahe ana aku i na kulu waimaka o ke aloha keiki, me kona nana ole ae i kona ku aku imua o keia kanaka i malihini iaia, a i kamaaina wale no i ke ano hoaloha o kekahi me kekahi. Aole no nae he kahamaha wale aku o Kauka Motimea i kela uwe 0 Cicilia, no ka mea ua ike oia, he oi aku ka pono o ka ae ana aku i ka niakuahine e hookahe i kona mau waimaka, a ke noho malie wale la no oia, me ke kakali ana o ka hoomamaia mai o ko Oieilia mau manao, o kona manawa ia e hoike aku ai i ka laua mea pono e hana aku ai no Magarita. Elike me ka huihui huita i luhe i ka wa o ka ino e hoea mai ai, a ;nohala maikai hou ae, pela iho la ko Cicilia ano maoli, ua paiaiewaia oia e na auiui o na hookaumaha ana, aka nae ua hala aku na la o ka ino, a ua kokoke aku oia e pae i ka aina o ka maha. O ka noke ia o ua o Cicilia i ka uwe a hiki i ka hala ana o kekahi nianawa, ua aea mai la kona poo iiuna, holoi ae la no hoi i kona mau j waimaka, me ka noho pono ana mai iluna, alaila pane mai la ia Ka- | vika Moūmea: j "Ke manaoio nei au, ua hala aku la ke kuaua oke kaumaha, a e poha mai ana ka la oka hauoli. Ua panopano maoii ke ao uli nana e pa-ku mai ana i ko'u noonoo iloko o na la ae nei i haia, a hiki wale 1 ka Uanini ana aku nei o ko'u mau waimaka me he mau pakaua la» aka nae ua hala aku la ia, a eia au e Kauka Matimea, ua makaukau e hooko aku i kau mau mea apau i manao ai na'u e hana aku no ka pono o kuu Magarita." Akahi no o Kauka Motimea a hoakaka piha aku no kana huakaa i-ia ka po aku mamua no Xoba llila, o ke kiiia ana mai e hele aku i.o kekahi kaikamahine ma'i, a pela hoi me kona ike pono ana aku, 0 Magarita ka mea i kauohaia mai ai oia e heie aku e lapaau ma keia l>o, kona hui pu ana me Mrs. Lalana, ame kona hoike pu ana aku, o lawe aku ana oia i kekahi wahine malama ma'i akamai loa. 1 "E lawe aku ana au ia oe e Mrs. Monogomore no kahi oko kaikamahine e waiho mai la i keia kakahiaka, a ke komo oe maloko o kela | hale, e hana aku oe eiike me na mea apau au i ike ai no ka pono o kaat | keiki, ina no ia he mea e hoalaia mai ai he mau ku-e ana ma ka aoao 0 Mrs. Lalana, a owau kekahi e nana ole aku ana i kana mau ku-e :.iai ia'u," wahi a Kauka Motimea. | "He ku ika naauao kela hoolala ana au e Kauka Motimea; aka ke makemake nei nae au e ninau aku ia oe, aia no anei he manaolana no ka puka laelae mai o kuu kaikamahine mai kela ma'i kupiiikii mai?" "He mea pono e hoike aku au ia oe i ka mea oiaio loa, he koikoi maoli ka ma'i i kau aku maluna o kau kaikamahine; aka nae ina e hiki ana iaia ke hoomaopopo mai ia oe, o oe i'o no keia kona makuahine ponoi, a e pau hoi kona noke mau ana i ke kahea, alaila e palekana ana oia mai na pilikia mai apau, no ka mea ua ike au, o kona 1 pilikia nui, o ia no kona ake e ike i kona mama." "Auwe no ka hoi kuu lei aloha! Xani waie kou noke mau ana i ke kahea i kou mama," i namunamu iiiiii iho ai o Ciciiia, aiaiia ninau hou mai la i ke kauka: "Heaha ke ano o kona ma'i, au o ka ike ana aku?" t4 Ua loaaia kau kaikamahine ika ma'i eha ma ka puu," i pane aku ai o Kauka Motimea, oiai no nae e kakali waie ana no oia i kona ninauia aku elike ae la me kela. "O kona ma'i anei ia i loaa ai ?" me ka hele o ka helehelena o Cicilia a kunahihi. e hoike okoa aku ana hoi i kona piha ioa me ka menemene no ano ma'i. "Alaila ua lilo anei kela i ma'i maka'u nau e Mrs. Monogomore?** i ninau mai ai o Kauka Motimea, no ka hoao ana ina paha ua iike aku ke ano o keia wahine me ko Mrs. Lalana. "Ina no'u ponoi nei kau e ninau mai nei, aole loa ia he mea no'u e maka'u ai, aka ke weliweli loa nei au no ka'u keiki. He hana maalahi ia'u ka hoopakele ana ae i kuu Magarita mailoko mai o ka waha o na holoholona ahiu, mamua o ka hiki ana ia'u ke hoopakeie ae iaia ,nai keia ma'i mai," alaila hookahe hou aku la oia i kona mau waimaka o ke aloha keiki. Ua manao loa o Kauka Motimea, e kanalua ana la ka makuahine i ka heie ana aku e kokua i kana keiki, aoie nae pela, no ka mea ua ku ae la o Cicilia iluna, a pane mai la: (Aole i pau.)