Ka Nupepa Kuokoa, Volume XLVIII, Number 36, 6 Kepakemapa 1912 — HOOMANAOIA KA LA HANAU O LILIU Piha i ka Moiwahine na Makahiki he Kanahiku-kumamaha ma ka Poaha Nei. KIPA NA HOALOHA E IKE IAIA Hiki Aku ma Kahi o ka Ewalu Haneri Poe i Haawi i na Hoomaikai Ana. [ARTICLE]

HOOMANAOIA KA LA HANAU O LILIU

Piha i ka Moiwahine na Makahiki he Kanahiku-kumamaha ma ka Poaha Nei.

KIPA NA HOALOHA E IKE IAIA

Hiki Aku ma Kahi o ka Ewalu Haneri Poe i Haawi i na Hoomaikai Ana.

Ma kahi o ka ewalu haneri a oi aku uiau kamaaina i hui puia ine na malihini i kipu aku ma ka Poakahi uei ma ka home o ka Moiwahine Xiliuokaiani, ma Wakinekona H.ile, n haawi aku i ka lakou niau hoomaikai ana i ka Moiwahine i pau o Hawaii nei, no ka loaa ana o na makahiki he kanahiku-kuma-maha iaia. Malaila ae ke Keikialii Kalanianaole nine ke Kamaliiwahine Kalanianaole a pela hoi me ke Kamaiiiwahine Kawananakoa no ke kokua ana i ka Moiwahine ma ke apo ana mai i na malihini nia kela la. Ua hoohiwahiwaia ka home o ka Moiwahine Liliuokalani n»e na pua elike me ka maa i na la hanan i kaahope aku nei, a ua hoihoi houia mai hoi na hoomanao ana no na la e nanaia aku ana na alii o Hawaii nei, ma ke ano he neneihikapu iloko o ka noonoo o na inakaainana Hawaii apau. Mnlaila ae ka bana puhiohe kahi i hoonanea ai 1 ke anāina ike, a ma kā aoao hoi o ka Moiwahine, no ka hookipa nna aku i na malihini, ua kaa ia Konela laukea ke koikoi o ia hana, i kokuaia mai e Mr. Dominis ame kona mau kokua, E. K. Lilikalani, Jas. Hakuole ame Hiram Kolomoku. He o ia mau no ka maikai o ke ola kino o ka Moiwahine, eia nae ke hele iho la i ke kulana palupalu, a me ka hoomanawanui no oin i apo mai ai i na malihini apau i kipa nku no ka haawi aua i ka lakou mau hoomaikai iaia. a me ke ohaoha I haawi mai ai oia i kona lima, imua o ka poe i kamaaina iaia. Elike no hoi me*ke ano mau o na kanaka Hawaii, ka hoike. i ko lakou ano haahaa a makee i ka mea kiekie elike me Liliu, pela no lakou i hana ai ma kela la, a ua lilo ia i kumu hoohalike no kekahi poe malihini, ke kunoa haahaa ana ma ke ano makee e. hoikeike aku, he o ia mau no ke kulana Moiwahine iloko o ka noonoo o na makaainana, oiai nae, na hooneleia akn oia i na pono malalo o ka noho hookele aupuni ana. Mahope iho o ke anaina ike, ua hoopaa aku la kela ame keia i kona inoa nmloko o ka buke i hookaawaleia no kela hana, alaila haalele iho la ka Jehulehu ia Wakinekona Hale, no Waikiki. kahi o kekahi paina luau o ka hoomakaukauia ana no ka noomanao ana i kela la i poina ole i ka hoomanaoia.