Ka Nupepa Kuokoa, Volume XLVIII, Number 28, 12 July 1912 — NA WAHI PANA O LANAI. [ARTICLE]

NA WAHI PANA O LANAI.

Hoopau ana Polihua--Aia keia wahi ma kela huli hema o Kalaehi aneane elua mile mai laila aku he awa paena waa keia. Aia ma keia wahi e waiho nei ke kino po haku o kekahi honu, a eia kahi moolelo He elua kanaka mai uka mai o keia wahi a e iho ana i ka lawaia. Paeaea o kekahi o laua *a maa i ka lawaia a o kekahi akahi no a iho i ka lawai'a, a ia laua i hoea ai ma keia wahi. ike iho la laua i keia mea nui e wahi ana i ka ae one. Olelo aku nei kani kanaka i maa i ka ike ana i na ano i'a i ke kokoolua: "E laki maoli hoi kaua" "Heaha ko kana laki?" wahi a kahi hepa. "Laki hoi paha kaua ua loaa ka kaua i'a nui" "Aia ihea?" Eia iho no hoi la." "A heaha ka inoa o keia i'a?" "He honu" wahi a kahi kanaka maamaalea "Auhea oe, e nana oe i ka i'a a kaua." wahi a kekahi kanaka i maa, "a e pii ae au i wahie." "Ae, wahi a kahi Aia kela ke pii la, a o kahi kokolua hoi ke pa'ipa'i la i ke kua o ka honu. a ke panee nei hoi ka honu i kai. "Auwe he i'a nee ka keia me he kanaka la!" wahi a kahi ihepa iaia iho no. A ike aku nei keia i kahi kokoliua e iho mai ana me ka wahie, a ke ike aku nei nae keia i ua honu nei ua kokoke loa e hoea iloko o ke kai. "Auhea ka i'a a kaua?" "Aia aku la iloko o ke kai." A ike i'o aku ia keia i ua honu nei i ka hiu ana aku iloko o ke kai, ulu ae la ka maka'u iloko ona, a olelo aku la i kahi kanaka ihepa: "E, aia ka ua i'a nei la ma-o," (oia hoi he pali pohu, ua ulu ka pohuehue a luhie ilalo). Kona aku nei i kahi kokoolua i hepa ona e u-u mai i ka pohuehue, (o ka naau iho la ia o ua honu nei), a e pii hou ae ana. Ke holo ia kela, a ke huki nei hoi keia i ka pohuehue. A i ka ike ana mai hoi o ka honu i ka mama o kahi taata i ka holo no uka e hoopii mai ana kela i ka nalu, a mai kela wahi kanaka e mamala i ka holo ame keia e u-u nei: O ka hao a ke kai nui, Aohe opala koe. Pela iho la kahi moolelo no keia wahi inoa Palihua. E ka mea heluhelu, ina oe e hele ma keia wahi i hoikeia ae la, e ike no oe i ka nui ino o ka honu ma keia huli o Lanai nei, a i na he ai oe i ka honu, a o ka aina keia e noho ai; makehewa oe. a ina e maalo ae oe mauka o ka aeone i na hora 7 a 8 o kakahiaka, a he wa kai emi ia, kuhi aku no oe ka malihini he ahua pohaku aia iloko o ke kai: eia ka he honu, ua houluulu a kahi hooka hi: ina he umi honu a oi aku no ma kahi hookahi Ke puhi o Kaala--Aia i keia ma kela huli o Pali-o_kahole, e kupono ana ia kahooolawe. He puhi keia, aole nae e like me ke puhi a Kaleikini i kipapa a i i ke kauwila ma Kau ae nei. he pii pololei kona makani iluna, a o keia hoi he puhi ko ia nei makani i kai, a ma keia puhi i kiolaia ai ke kaikamahine a ia alii o Lanai nei, o Opunui, a o Kaala ke kaikamahine; i ke au ia Kamehame ha 1, mamuli o ka huhu no ka lilo ana o ke kaikamahine i wahine na Kaaialii, ka pu-kaua kanaka u'i o Kamehameha. He mea makehewa wale no i ka mea kakau ke hoike piha aku i kona moolelo. oia ua pa'i buke ia ke Puhi o Kaala. Ea, e ka mea heluhelu, e kala mai no kahi pana. i koe. aohe no he mea nui. oiai ua lawa ae la kou mea kakau. oiai ke liuliu ae nei kahi puolo no ka huakai i Kauai no ka Ahahui Paeaina. A malia paha a loaa he manawa kaawale ma keia huakai e makaikai aku ai i kahi mau wahi pana o ka aina i ke ala o ka mokihana. e ike hou no oe i kahi kalohe Kauhilaau Ke haawi aku nei i na hoomaikai palena ole i ka Lunahooponopono o ke Kuokoa ame kona mau keiki oniu hua kepau. Me ka haahaa. P. M. Kai Malino a Ehu.