Ka Nupepa Kuokoa, Volume XLVIII, Number 24, 14 Iune 1912 — HE MOOLELO NO KE KI KULA A I OLE Ka Waiwai Hooilina a ke Aloha. [ARTICLE]

HE MOOLELO NO KE KI KULA A I OLE Ka Waiwai Hooilina a ke Aloha.

MOKUNA XXXIX. KA HOOLALA AN'A NO MUA AKU. "E Alisona no hoi, ke manaolana nei au aole no hoi paha oe i hoehaeha loaia e like me fcau i olelo mai la mamuli o ka ikeia ana ae nei o keia mau mea 1 keia la, he mau mea i ike maopopoia nana i hoololi ae nei i ke kulana o na mea mua a pau a like ole ke kulana me mamua. "No'u iho, he oi aku ka pono ia u e hoomau i keia koi ana i ka waiwai ma ke a'no he hooilina no ka waiwai mamua hoi o ko'u haawipio wale ana aku no me ka loaa ole o ka hua ma ia hana ana." "E kuu aloha, e manao ana no ka paha oe o ko'u manaoio no ia e like me o ka hoike ana aku nei ia oe me kela mau olelo naaupo? Aole loa, he'mau olelo hoomeamea wale no ia a'u, o ka mea oiaio ea, i lohe mai oe, ua hauoli loa au no leeia mau hoololi hou au o ka hoike ana mai nei. "Aole loa au e hoao ana e hoololi hou ina no he hana ia e liio holookoa mai ai ke ao ia'u, a no ka mea, oiai oe e makemake ana me kou naau poipoi ole e kaana pu i kela waiwai me kekahi wahi kaikamahine ilihune loa ma na waiwai a pau e loaa ana ia oe, aole loa he hana nana e hookaawale hou ia kaua no kekahi manawa loihi ma nei hope aku. "E lilo ana paha i mea nemaia e ke ao ke loheia ae ua lilo oe ia'u, aka heaha ka'u nana aku i ke kamailio a kekahi poe? E hoike aku au ia oe ano, ua pololi au i ke aloha a no kekkahi home maikai hoi a kaua e noho pu ai a e i iho ai no kaua ia ma keia hope aku." "E kuu ipo, kuu mea aloha, ua maopopo no ia'u he mau olelo hoomeamea wale no kau. E loaa aku ana ko kaua home mahope koke iho oka pau ana o keia hoopii. Ohea kau wahi i makemake ai no kaua e noho aku ai, e Alisona?" "Uoko no hoi o kela hale kahiko, ka hale a makou e noho ai iloko o ka wa hooilo, a i kekahi manawa e hoohala kaua i kekahi hapa o ka makahiki ma kela home ma Lakeview, kahi au i hooiaio ai ia oe iho he koa wiwo ole—aole hiki ia'u ke hoolilo aku i kekahi o kela mau wahi ma ke kuai, no ka mea, o ko'u mau home no ia mai kuu wa kamalii mai a nui, a he aloha no hoi au ia papa e lilo ai ka hooliloia ana aku i mea hoehaeha mai i ko'u noonoo. "No kela hale nae ma Nupota, aole o'u makemake e hoi hou aku ilaila; ua kau loa ko'u weli i kela wahi, no ka mea, i ko'u noonoo iho, me he mea la ua hanaia kekahi laau make iloko o ke ea o keU wahi e Habada i mea e poino ai au." "E kuai aku oe, e Gerala i kela wahi, a o ke dala e loaa mai ana mailaila mai, me ia dala oe e kuai aku ai i wahi nani hou no kaua no ka hoohala ana i na la wela o ke kau." "E loaa a'leu ana ia oe na mea a pau e like me kau e makemake ai, e kuu aloha; a aohe au hana niaikai e ae e hana mai ai nana e hooluolu loa mai i ko'u noonoo, hookahi wale no oia kou koho ana mai Ia e hoi aku kaua ma kahi au i noho ai me koku makuakane, kahi hoi a'u i ike mua aku ai i kou mau helehelena ame kou makuakane—kuu makuakane. "Ile mea kupanaha inaoli no i ka noonoo iho ka olelo ana ae he makuakane oia no'u. o ka manawa mua loa no paha keia a'u i kapa aku ai ia Mr. Buruka he makuakane no'u," wahi a Gerala o ka i ani iho ia Alisona, me ka pii iki ana ae o ka ula ma kona mau papalina no kona kamailio ana ae ia Mr. Buruka ma kela ano. "He kupanaha maoli no ke noonoo iho, oia ka'u e i ae, i ka moolelo oke leaawale ana oko makuahine mai ko makuakane aku. Ma ko*u manao iho, aole paha i manao o Mr. Buruka e hana i kekahi mea pono ole no kana wahine opiopio, no ka mea, he kanaka maemae loa oia ma na aoao a pau; o kona haalele kumu ole ana iaia ka mea pahaohao loa i ko'u noonoo."

"Ua loaa pu no ia'u kena manao i kinohi, aka i ko'u noonoo nui ana nae 110 ia mea mahope iho, aole hiki ia'u ke hoalo ae i ka noonoo ana iho, ina ke ola nei no kuu makuahine, ina aohe kamailio c oili mai ana no laua, aka ua make hoi. "Aia kekahi moolelo pohihihi loa e pili ana mawaena o laua, aka nae, ua lilo ka hanaia ana o ke kiahoomanao maluna o ka he o kuu makuahine i hana nana e hooiaio mai ia'u aole i nele ko M.r Buruka hoomaopopo ana iaia i kona wa e ola ana me ka paa o kona manao c hana aku i kekahi hana maikai loa e lilo ole ai i mea e hoehaehaia aku ai kona noonoo.

"E hooki kaua i ke kamailio ana no ia mea i keia manawa, a e hoakaka pokole mai oe ia'u i ke kumu o ka hoikeia ana ae maloko o -«a nupepa o Miss Buruka ka inoa o kekahi kaikamahine i make ai i ka wa i nahaha ai ke kaaahi?" "O, manao au, o ke kumu paha, malia mamuli o ka loaa ana o ka pepa, e kau ana kuu inoa i kauia ai ma kuu pahulole, a i moku ai, pela i kuhihewaia ai. O ka mea maopopo loa ua loaa ia pepa mawaena o kekahi poe i loaa aku ai ua make, a pela i hooiaio loaia ai o eia mea la i make ai o Miss Buruka ia, oiai nae ua laweia au e Mr. Laimana me ia no kona hale." 44 Eia nae ka mea apiki, o na ohana o kela wahine i make ai e ike iho ana no lakou i ka helehelena o ka mea i make a lakou i kamaaina ai, aole lakou e hoike wale ae ana he inoa okoa kona me ko lakou ike maopopo iho no iaia," wahi a Gerala o ke kanalua ana ihu. "He olelo oiaio no ia, aka, malia paha ua paa mua ka inoa i ke kakauia e ke kanaka lawelawe oluna o ke kaaahi mamua o ko lakou ike ana iho i ka mea i make, a ma ia kumu aole lakou e».ike ana i ko iakou kuhihewa; a i ole, ina no ua ike kela kanaka aole no paha i loaa ka noonoo a i ole ka manawa iaia e hoopololei mai ai i kela mas\ao kuhihewa i hoolaha hewaia ai. O ka'u e makemake loa nei e maopopo oia ka inoa o kela kaikamahine aku la i make ai," wahi a A!isona o ka hooki ana iho me ka noonoo pu ana ia manawa. He mau minuke mahope iho. iho like iho la laua no ka hale olalo a malaila laua i hui pu aku ai me ka ohana me ka hauoli nui, oiai e manao ana o Gerala e haalele iho i kela home ma kekahi ahiahi o leekahi la aku, e like me ia ana i hoolala mua ai, a ina e maikai ana Keknhi kakah:aka ae e lawe aku ana oia ia Alisona i ka holokaa. Ma kekahi kakahiaka ae, he la malaelae loa ia o ka hooilo. a maho\>e o k6 AHsona hoaahuia ana a paa me na lole pumehana, ua hoohalaia e na aloha ehia kekahi mau hora ma ka holokaa ana. Ma ke koena aku o kela la. ua hoohalaia me ka ohana Laimana ame ka Lede Bomale: e kali wale ana no oia o ka hiki mai i ke ahiahi, ka wa e 3oaa ai iaia ka manawa o ke kaaahi lawe leka e holo ai no Nu loka. Maiuua o kona hoomakaukau ana no ka hoi aku no Nu loka ua kukakuka mua iho la lakou ina e 1 oaa ae ana ka ikaika ame ke ola maikai loa ia Alisona. alaila e hoi pu aku o Alisona me ka Lede 'Bomale no Nu loka, a me ia e noho pu ai ahiki i ka wa e pau ai o lea hihia a Gerala, a mahope koke iho o ka pau ana o ia hana e mare koleeia ai laua. Ua nui ke kaumaha o ka ohana Laimana no keia kaawale aku o Alisona mai ko laua alo aku, a no ka mea, iloko o kela mau mahina loihi. ua like maoii no o Alisona me he kaikamahine ponoi la na laua, nka nae, ua hauoli loa laua, ma kekahi ano, i ka loaa hou ana o ka ohana ponoi o A)isona, ka poe i kuleana iaia, a o ka oi aku. oia ka hoohui kokeia ae o na opio ma ka berita maemae o ka mare i kekahi

ia a e loaa ana ke kumu e hiki pinepine ae ai laua no Nu loka no ka ;kc ana iaia ame ke kanaka opio a taua i haaheo loa ai no ka hoo>>no. kona naaiiao me ke akahai. I ka ;a mahope iho o ko Gerala hoi ana, ua aeia mai la o Elena Kasona e hele aku e ike ia A!isona. a he ku ka i ke aloha ka ike ana akn i ka hauoli o kela wahi kaikamahine no kona halawai hou ana me kona hoopake'.e no ka hoihoi houia ana mai o kona noonoo maikai. "Aohe a'u mea hauoli e ae o kuu ike wale aku no ia oe. ua hoihoi houia mai kou ola maikai; e hooikaika ana paha oe Ia e hoihoi houia mai ko waiwai a pau i laweia ai e kela mau wahine pakaha, oia anei?" wahi ana. "Pela leuu manao e hoihoi houia niai ana īa waiwai ia'u. aole nae ia'u ponoi, me he mea la i kekahi mea i kuleana ia*u." wahi a Alisona 0 ka pane ana mai me ka minoaka. me ka hoakaka maopopo ole mai 1 ka mea e ili ana mai ia waiwai. "Ina pela, ua hiki loa ia'u ke kokua aku ia laua ma ka hakaka ana imua oka aha; ua iini mau au e hana aku i kekahi hana kokua ma kou aoao i mea e paa ai kela poe kolohe a e hoihoi houia mai ai kela waiwai ia oe; mai keia manawa mai no au i haawi makana mai ai i kela umi dala ia'u. rnai ia manawa inai ko'u aloha nou. a t keia manawa, e hoike aku ana au i na mea apau a*u i lohe maopopo ai, i hana e paa ai kela poe aihue i ko waiwi." Akaaka mai la o Alisona no kela mau olelo a Elena, me ka olelo pu ana mai ua paa kona manao e pau ana no kela hana i ka hanaia me ka maalahi imua o ka aha, a e hoi hou mai ana kela waiwai a pau mai ka lima mai o ka poe aihue. He mau olelo ia a Alisona i hoakaka mai ai i kahi kaikamahine nana i hoopiha iaia me ka hauoli, a he elua paha la mahope o ka hoi ana aku o Gerala mai Eokekona aku, loaa mai la iaia kekahi palapala mai Ice poo nui mai o ka kanako kahi ana i noho hana mua ai ik> kekahi manawa loihi malalo o Mr. Buruka. He peresidena ame na lunanui hou ka i hookohu houia no ia banako, a ua lawelaweia na hana apau o ia hanako maluna o ke kahua hana okoa loa mai ko ka mua mai. Maloko o kela leka e noi mai ana ia Gerala ina paha e oluolu ana oia e hoomaalo aku ma kela hanako i kekahi o kona mau manawa kaawale iloko o kekahi manawa kokoke loa, oiai he hana ano nui Kekahi ana i makemake loa ai e kukakuka me Gerala.

Mamuli o kela noi, ma kekahi kakahiaka ae, hoea aku la oia i ka rumi ma-lu o ka peresidena, a oiai laua malaila, hoakaka mai la ka peresidena i kona manao o ia kauohaia ana mai ona, oia hoi, e hoakaka aku o Gerala iaia i ke ano e weheia ai o ka pahuhao nui ana i maopopo ai ua hana ka peresidena mua, Mr. Buruka i kekahi pahuhao huna ail mahope, a ua hiki ole nae iaia ke hana ahiki i ka hemo ana, ke ole e kuhikuhiia aku ke ano o ka wehe ana e hemo ai, a oiai aohe kanaka hookahi iloko o kela banako i ike i kahi i waiho ai ame ke ano o ka hana e wehe ai, pela oia i kauoha mai ai iaia e hele aku e hoakaka i ka hana e hiki ai ke wehe. "Ua makemake loa aa i kela wahi pahuhao huna no ko'u pono ponoi wale no," wahi aka peresidena. "He mau hora ka'u oka hoohala ana ma ka huli ana i kahi e hemo ai kela pahuhao huna, aole nae he loaa iki ia'u, a no ia nele au i kauoha okoa aku la ia oe e hele mai e kuhikuhi ia'u i kahi e hemo ai, no ka mea ua ike le'a iho au i ko'u hoka maoli." "Aia no nae paha me oe ka huihui ki a Mr. Buruka?" wahi a Gerala o ka ninau koke ana aku, me ka pii ana ae o ka maeele iloko ona no kona hoomanao ana ae i kela la ana o ke komo ana iloko o ka hanako a paa ai oia i ka hopuia e Habada no ka aihue, ma kela la Sabati poina ole, oiai nae he hooko kauoha wale no ke kumu o kona hiki ana ilaila ma ia la. "Ae, eia no me a'u," a huki mai la oia i ka ume a lalau iho la i kekahi huihui ki a Gerala i ike maopopo aku ai o ka huihui ki io no ia a Mr. Buruka i haawi mai ai iaia. Lalau aku la o Gerala i ka huihui ki a nana pono iho la i ke ki o ua pahuhao huna la a i aku la: "Eia ke ki e hemo ai o kela pahuhao au e makemake loa nei e hemo," a hoikeike aku la i ka peresidena. "Ae, oia io ka; ua koho wale no au o ia no ke ki, aka hoi oiai aohe o'u ike aku i kekahi hoailona laka mahope aku e hiki ai ke ku kena ki, aohe au i huli wale aku," wahi a ka peresidena o ka aka ana mai. "Ua hiki loa ia'u ke kuhikuhi aku ia oe i kahi o 'kela pahuhao huna iloko o kekahi manawa pokole loa ina oe e ae mai ana e hahai mai mahope o'u," wahi a Gerala o ka i ana aku, a owai no hoi ka mea noho iho, oiai o kona mkemake loa ia o ka ike pono i ua pahuhao huna la me ka ike pu i ka wehe ana e pohihihi ole ai oia mahope aku. Ku koke ae la ka peresidena a hele like aku la no kahi o ka pahuhao nui e ku mai ana, a ia hiki ana aku a laua, wehe mua mai la o Gerala i ke pani o ka pahuhao nui a hamama a hoomaka aku la e wehe i ke pani o ka pahuhao huna mahope aku o ka pahuhao nui he wahi pohihihi loa i ka poe holona, o ka poe wale no i kamaaina i ka wehe ana ke hiki e wehe mai a hemo. I ka wa i hemo mai ai o ke panihao o ka pahuhao nui, kii mua aku la o Gerala i ihoiho kukui a hoa ae la, a i mai la i kona hoa. "E oluolu oe e paa mai i keia ihoiho i malamalama kaua ke ike aku, a ia'u e wehe mai ana i ke pani o kela pahuhao e nana pono mai oe i ka wehe ana i hiki ai ia oe ke wehe no kekahi wa hou aku e hooluhi hou ole mai ai oe ia'u no ka hele hou ana mai e wehe." Aohe i hala kekahi minuke ia Gerala o ia wehe ana aku, hemo mai la ke pani o kekahi wahi rumi mahope aku a ike aku la ka peresidena i ka waiho mai o kekahi wahi ume uuku kahi a Mr. Buruka e waiho ai mamua i kana mau mea huna makamae, a mahope aku o ia wahi ume he papahao, a kuhikuhi aku la o Gerala i ka peTesidena oia kahi i maa mau ia Mr. Buruka i ka huna i kana mau mea huna loa e makemake ole ia ai e ike e kekahi poe.

"A laa wale no ka hoi ka hemo la; he iki wale 110 ka hoi kahi e hana aku ai la a o ka hemo mal no ia; ia'u hoi keia o i noke au i ka hoaa a manaka, a no ka hiki ole.ia'u ke wehe oia ko'u kumu o ke kauoha okoa ana aku nei ia oe. Me ka mahalo nui i kou ahonui," wahi a ka peresidena me ka hauoli. MOKUNA XL. KA BUKE HOOMANAO I HUNA LOIHIIA. Huki mai la o Gerala i ka ume a waiho iwaho a waiho wale mai la kekahi papahao maloko aku T hookomo aku la o Gerala i ke ki a wili hapa ae la, oia no ka wa i hemo mai ai ka papahao mamuli o ke paleia ana mai me ka ikaika e kekahi pilina maloko mai a hamama ana ka pahuhao huna, a o ke ahuwale ana ae hoi o ka mea pohihihi loa e hiki ai i ka peresidena ke ike maopopo aku i na mea a pau oloko. "Ea, he hana akamai maoli no kena i hanaia ai e ka mea nana i hana keia pahuhao, aole no i ka nalo i kana mai," wahi a ka peresidena o ka hooho ana ae me ka hoihoi; ke haawi hou aku nei au i ko'u mahalo nui ia oe e Mr. Wineseta no kou hele kino ana mai e kokua ia'u; ina aole oe, aole ana paha e hiki iki ana ia'u ke ike i na mea pohihihi o keia pahuhao a ka hookalakupua nui wale i hana ai!" "Ke hookipa mai nei au i kau mahalo. e kuu haku," wahi a Gerala o ka pane ana mai ma ke ano paa nila loa. "Ke makemake loa mai la au e ike heaha la ko loko aku o kena wahi," wahi a ka peresidena me ke pihoihoi loa. "Manao au aohe paha he wahi ukana iki oloko olaila. no ka mea, ua laweia e a*u na mea a Mr. Buruka i makemake aL Aohe ana wahi olelo iki ia'u la he ukana hou aku no koe oloko o keia wahi, o na wahi pahu wale no kana o ke kena ana mai ia'u e kii mai." 4t Aohc no nae he hewa o kou nana wale aku no, malia he wahi ukana no paha ko loko/* a no ko Gera!a kunana, haha okoa aku la no kekahi lima o ka peresidena iloko o kela pahu, a aole i liuliu, pa aku la i kona lima kekahr mea a hooho ae la: "Aha P a ia huki ana mai iwaho, ike aīeu la o Gerala he wahi buke uuku hoomanao iloko o ka lima o kona hoa. Hapai pono ae la o Gera!a i kahi kukui ihoiho iluna a ike like iho )a laua he wahi buke uuku me kekahi mau huaolelo i kakama obw>-

ho. 'Na mea ano nui hoomanao no ka huakai i Europa i ka 1&56/* .vahi ake keonimana oka heluhelu ana ae a nui ka !eo. Puiwa ae la o G«rala no kona tke ana iho la t keia mau olelo a pit ae la ka ula na kona mahamaha. O ke kumu oko Gerala puiwa ana ae. o kela no ka makahiki i mare ai o kona makuah:ne Mrs. Mmm Hailaki me Mr. Buruka. "E ke keonimana. e oluolu mai ana anei oe ia'u e nana iki aka hoi au i kena wahi buke?" **No ke aha hoi e nele ai kou makemake ike. eia mai." wahi a kon* hoa. a haawi mai la i ua wahi buke la īaia. Me na lima e haalulu ana e hiki ioa ai i kona h*>a ke ike mai. wehe malie ae la o Gera!a a kaholo iho la kana nana ana maluna o kekahi mau aoao o ua whi huke la. a ke kapalili loa la koua puuwai u manawa me ka iho makawalu koke iho la no o ka hovt ma kona lae, lawa e heluhelu iho ana i kekahi mau mea i kakauia maloko. "Mr. Banakorota." wahi ana o ka hoopuka ana ae mahope iho; ke manao nei au e hooiaio mai ana keia wahi buke i kekahi mea ano nui e lilo ai i mea waiwai nui no ka hihia a'u e hoopii nei no ka lioi* hoi houia mai o ka waiwai o Mr. Buruka. a ina nae hoi no kou ae mai, e lawe hoi au i keia wahi buke a hoikeike aku ia Mr. Luelalona.* "I aha hoi ka'u aua ana iho ia wahi buke. ke ae aku nei au ia oe e lawe. Ua ike au aohe o*u kuleana i kena wahi buke. a ina he mea ano nui kekahi iloko o kena wahi buke e lilo ai i hoike nui ma kou aoao. a e lilo ai hoi ka mea pakaha, ke kahuhanai o ke kaikamahine u'i a Mr. Buruka i hewa nona e hoopaiia ai a e hoihoi houia mai ai ka waiwai i ka hooilina pololei loa o ia waiwai ea, aole kanaka e ae e hoopiha loaia ana i ka hauoli mamua o'u. "Mai kinohi loa mai no ko'u koho ana he kanaka limanui a pakaha loa o Habada, a o ka hana ana i hana ai i lilo ai i kumuwaiwai nona» he hana ekaeka haahaa loa ia, a e pono oia e hoopaiia. He hanm hilahila ole maoli no ka Habada i hana ai i ka waiwai o kela kaikamahine, ka hooilina oiaio loa o ka waiwai o Mr. Buruka!" a hooki iho la ka peresidena i kana kamailio ana me ka pii pu ae la o ka wela iloko ona no na hana pakaha wale a Habada i hana ai. "He hana limanui hoi auanei kau a lohe mai i ke a'o, o kona manao mua no ia e lilo kela mau miliona dala a Mr. Buruka iaia," wahi a Gerala o ka pane ana aku. N'o ko Gerala manao n?ua ana iho aohe pono e hoike waleia ae ko Alisona ola hou ana ame ke kumu o kona pakele ana ahiki i kona wt e laweia ae ai imua o ka aha. nolaila, aole oia i hoomahuahua hou aku i ke kamailio ana no Alisona.

Ia pau ana no o ka laua hana malaila, haawi na lulu linia aloha, ana, a hoi awiwi loa aku Ia ke kanaka opio no ko laua keena loio me kahi buke iloko o kona pakeke i hookomoia maloko loa o kona kuka, ekoke ma kahi o kona puuwai. "Heaha keia ou e Gerala e pihoihoi mai nei kou helehelena/' wahi a Mr. Litelatona o ka ninau ana mai, i ka wa i wehe aku ai o Gerala i ka puka; **ke nana aku nei au i kou helehelena ua like loa oe me kekahi mea i haiaia mai nei e kekahi akua lapu!" "Heaha mai hoi auanei kau, eia me a*u kekahi mea e paa nei i aneane e like loa me ke akua nana e lapu ana ia Habada. Ma ko'u noonoo iho, o keia w*ahi mea a'u e paa nei i kuu poli, me he mea la 0 ia na pauku o ke kaulahao i nalowale e pili ana me ka moolelo o ko'u makuahine, a ma kekahi olelo ana ae no hoi, o keia kekahi mea paahana maikai loa no ka hihia a kaua e hoonee nei imu o ka aha, a na keia mea, pela ko'u manao, e wehewehe pono mai ia kaua i ka mea pohihihi e \ ili ana i ke kumu o ka haalele ana o kuu makuakane 1 kana wakine." Huki ae la o Gerala i kahi buke uuku mailoko ae o kona pakeke i loaa mai ai ia laua iloko o ka pahuhao huna a waiho aku la mamua o ke alo o kona hoa, a hoomaka aku la e wehewehe i ke kumu o ka loaa ana ame kahi o ka loaa ana mai. "E Gerala, ina pela iho la ke kumu o ka loaa ana mai nei o keia wahi buke ia oe, he keu maoli aku no oe a ke kanaka opio laki, i hanauia paha oe iloko o kaaona!" wahi a Mr. Litelatona o ka aka ana mai. "Ei hou mai ka buke," wahi a Mr. Litelatona, mahope o kona nana ana iho mawaho o ka buke a ike iho la i na huapalapala nunui i kakauia a hoihoi hou mai la: M E pono oe e heluhelu mua iho, malia he mau hoakaka paha kekahi i kakauia maloko e kupono ole ai i kekahi mea okoa ke ike iho o oe wale no." Ku iho la o Gerala a nana aku la i kona haku me ka maopopo ole o kana mea e hooholo ai, aka, no kona oleloia ana mai la nae e nana hou iho, lalau aku la oia i ua whi buke la a noho iho la iluna o kona noho, wehe malie ae la a hoomaka iho la e heluhelu. O na lalani mua i loaa iho iaia ma kana huli ana he mea hoomanao r<a Mr. Buruka oiai oia maluna o ka moku a penei na mea i kakauia: "Germanic, hora 8 p. m., lune 28, 1856. Haalele ka moku ma ka hora 12 awakea; aole au i hoihoi iki i kela holo ana o'u me ka awiwi, aka, ina hoi au e hoole ana e ahewaia mai ana au; ua koikoi ikaika loa mai kuu makuakane e holo koke au a hui aku me mama ma Ptrisa ma ka la 8 o lulai, no ka mea, aohe moku e ae e haalele iho ana ma ia kikina. Ua mehameha loa au ma kela huakai o ka holo ana oiai nae o Toma no kekahi i hoouna pu ia me a'u no ka lawelawe ana i na hana no maua, a ma ko'u koho iho, me he mea la e holo loa ana makou no ka Akau loa me kekahi huakai o ka poe hanohano. Aohe o'u makemake i ka hele pu me ka poe hanohano me ko'u ike ole i ka waiwai o ka lawe pu ana ia Toma i kanaka lawelawe no makou. O, e kuu Miriama hoi I eia au ke au nei i ke kai loa a haalele iho ia oe mahope, he hana hoi e hanaino ana i ko kaua mau puuwai pakahi, oiai hoi na mea apau a kaua i hoolala ai no ko kaua mau la o keia mua aku ua holopono loa, a e loaa ai i home ponoi no kaua e noho ai me ka maluhia! He moku nani ke Germanic, he moku holo !oa keia, he maemae na mea apau a he mau meaai kona i hoolakoia e ka papa ekahi, aka o ka mea wale no i nele maluna o ka papaaina, oia ka hauoli o ka naau no ia mau mea nani apau, no ka mea ua haalele aku la au ia oe mahope e u hookahi i ke aloha o kaua."

Ma kekahi mau aoao ae o ua wahi buke la, ua kakau waleia no no ka hoomanao ana i na mea i hanaia maluna o ka moku; he nui na mea ano nui i hanaia maluna o ka mOku i hoopaaia e pili ana i ka hana a ke kapena ame na luina, a pela hoi me na ohua, a iloko o kela ame keia mau lalani i kakauia, e ike muia ana ka huapalapala "M," oia hoi Minama, he hoike maopopo i ka pololi o ka naau o ke kanaka opio no kana mea i aloha ai. Ma ka la hope loa o ka moku maluna o ka moana, ua kakauia maloko o ua wahi huke.la he wahi moolelo pokole loa a o ia keia malalo iho nei: "Ua kakau au i kekahi leka aloha na kuu wahine opio e noho mai la ma Amenka, a i kuu wa e lele aku ai i ka aina, e lawe koke aku «>na au e hookomo iloko o ka haleleta, aka, i ko'u ike iho ia'u e aneane hiki pono ole ana paha ia'u ke uumi iho i ke aloha me ka hiki pono ole ke kali a hiki mai kekahi moku hou mai Amenka ma.i ka wa a'u e maopopo iho ai e lohe mai ana au i kekahi mea hou mai iaia raai." Ma kekahi mau aoa 0 ae mahope, ua kakau wale ia no aohe nae he *nau mea ano nui i kakauia e waiwai ai i ko Gerala noonoo iho, ahiki i ka loaa ana iho iaia ma kekahi aoao o ua wahi buke la mahope loa, i kakauia ma ka umi o na la o kona noho ana ma Parisa, a hoomaka iho la o Gerala e heluhelu akahele loa i na mea i kakauia malaila, a penei na olelo: "Auwe, aohe leka! Heaha la ka manao o keia? He pu-a leka ka Toma o ka hoihoi ana mai nei i keia kakahialea aohe nae hoi he wahi leka hookahi mai ka mea mai a*u i manao nui as maluna ae o na mea apau. Me ka maopopo loa aole e hoonele ana o Minama ike kakau mai i leka na'u, no ka mea, e ike maopopo iho ana no oia e hoopihoihoi loaia ana au ao ke ake nui aku e ike maopopo i kona kulana o ka noho ana ina e loaa ole mai ana ia'u ka lohe i kekahi mea e pili ana nona i kela ame keia mokuahi. n (Aole 1 pm W