Ka Nupepa Kuokoa, Volume XLVIII, Number 23, 7 Iune 1912 — HE MOOLELO NO ALAMIRA A I OLE Ka Mea Huna Iloko o ke Aniani Kilohi. [ARTICLE]

HE MOOLELO NO ALAMIRA A I OLE Ka Mea Huna Iloko o ke Aniani Kilohi.

MOKUNA XXXVIII. "Ua hiki ia'u kc heie ae e kuai i likiki nou i keia manawa; ke makemake qc i rumi kaok«>a nou, aka manao nae au, malia paha aole no oe e ku-e mai ana ina he hookahi no o olua rumi me kuu kaikuahine, i ole ai oe e noho mehameha o oe hookahi wale no maloko o kou nuni, aia no nae ia i kou manao." "Kc mahalo aku nei au ia oe e Mr. Kula, o ko'u makemake i hookahi no o maua rumi, ke iiio nae ia i mea maikai i ka manao o kou kaikuahine." ,wahi a A!amira me ka minoaka ana ae, a kau aku Ia kana nana ana maluna o Miss Kula. "O! aole a*u mea hauoli e ae, o ko kaua noho pu wale no i kahi hookahi, heaha auanei hoi, o ka loaa iho la no hoi ia o ko'u kokooJua, i hookahi no o kaua rumi e noho like ai," i pane mai ai o Miss Kula, me kona honi okoa ana mai ia Alamira. "Ina pela, ua pau ae la ia pihkia, a na'u e hooponopono aku na mea i koe, nolaila e manao iho oe e Alamira i keia mana\<a, eia oe mlalo o ka malu o kekahi mau hoaloha, i makee e hana aku i na mea apau nou e hoopilikia ole mai ai ia oe, a he hookahi a kakou mea kauka'i aku, o keia huakai no Nu loka, a ina he malie maikai ka moana, aole no e nele ana ka hauoli o na mea apau; aka o ka'u nae e lioolana aku ne» i kou mau manao, o ia no ka hoopoina loa ana i kou mau pilikia, he mau mea wale no ia e hooi loa mai ai i kou mau maeao maikai ole." 4< Ke hoomaikai hou aku nei au īa oe e Mr. Kula ame kou kaikuahine nei no ko olua piha oluolu ia'u, e hoomamaia ae ai no hoi ko'u mau manao kaumaha ma kekahi ano, aka aole nae e hiki e loaa ka maha ia'u, a hiki i ko'u ike ana. ua mamao loa aku au i kahi kaawale e hiki hou ole ai ia Lui Hamalina ke hoopilikia mai:' "Aole au maka'u ana iaia, no ka mea eia oe malalo o ko'u malu i keia manawa. Ina paha no ka loaa aku o ka ike iaia, no kou kau ana maluna o keia mokuahi. a hoao oia e limanui mai ia oe. i wahi nou e kaa hou aku ai malalo ona, e ike ana oia i kona kuhihewa, oiai i ka manawa ana e hoao mai ai e kau i kona lima maluna ou, o ko'u manawa ia e kauoha koke aku ai i na kanaka o ke upuni e hopu iaia, a hahao aku noloko o ka halepaahao. "He hookahi nae a'u mea e kaumaha nei, o ia no ko'u ike ole aku i keia kanaka, ina hoi ua loaa ka mea lealea oluna nei o ka moku; aka aole no nae e nele ana kona ha'oha'o ke ike iho, ua haalele aku kana manu i ka punana, a lele aku no kahi e loaa ai iaia ka maha. "Me keia mau manao hoolana imua o olua e na lede, e manao iho olua, aole he mau pilikia e hoopuni nei i ko kakou alahele, a o ka'u wale no e hoolana aku nei i ko olua mau manao, o ia ka noho malie ana me ka pihoihoi ole, a e kau aku i ka kakou mau manaolana no ko kakou pae aku me ka maalahi i ka aina." Ma kela mau olelo hope imua o na lede, i haalele iho ai o Mr. Kula i na leele e noho no laua iho, a pii aku la oia no ke keena iluna loa 0 ka moku no ke puhipaka ana, a no ka hakilo ana mai no hoi kekahi ia Lui Hamalina o ka hoea aku i kahi o ka moknahi. Aole no oe e ka mea heluhelu i hoopoina i keia keonimana, no ka mea o keia ke keonimana ma ka hapa niua o keia moolelo i hooliloia aku i luahi no na hana kolohe a kekahi wahine i kapa iaia iho o Mrs. Bena. ma o ka hoolilo ana aku i kekahi mau kula pepeiao hoopipili ma ke ano kolohe. Kc hoomanao pu la no hoi kaua, 1 ka hoea ana o ua keonimana nei ma ke kulanakauhale o Xu loka ma ka manawa o ka hopuia ana o Mrs. Vanabeka, e Makaikiu Rida, no ka hoohuoiia, oia ka mea nana 1 aihue i na daimana a Mr. Pama, a pela hoi ka hoohuoiia ana, oia ka mea nana na kula pepeiao hoopipili o ke kuai ana aku ma ke ano kolohe i ua keonimana nei; a iaia ma Nu loka i hoike ae ai oia i kona manao, no ka holo ana aku e hui pu me kona kaikuahine ma Havana, a pela iho la kakou i hoea mai ai i kahi o ka maopopo aiia, i ko laua loaa ana aku ia Alamira iloko o ka manawa pono loa, a eia hoi laua ma ke alahele huli hoi no Amerika. Oiai hoi o Mr. Kula ame kona mau hoa e noho la maluna o ka mokuahi, me ke kakali malie ana o ka hoea mai i ka manawa a ka moku e haalele iho ai i ka uwapo, e hoohuli ae hoi ka kaua nana ana S ka mea heluhelu ihope ia Lui Hamalina, pehea aku nei la ua kanaka kolohe nei: Aole i puoho koke mai o Lui Hamalina ma kela kakakhiaka a Alamira o ka mahuka ana mai a hiki i ka hora ewalu, a mahope o kona komo ana i kona lole, ame ka inu ana i kekahi pola kope, ua hele mai la oia no ke kikeke ana ma ka puka o ko Alamira rumi, me ka manao, aia no paha ua kaikamahine nei ke hiamoe la, oiai aia no ke'ki iaia nei kahi i paa ai. Ua kikeke aku Ia oia me ka malie, me ka hoolono ana o ka paneia mai maloko, a no kona lohe ole aku i ka nakeke mai» manao iho la oia, aia no paha o Alamira ke hiamoe la, nolaila ua hoopau ae la oia i ke kikeke ana aku, he hana hoouluhua wale no paha ka hoonaukiuki ana aku e hoala i kona hiamoe. Ko ko ia nei pololi, ua hoi okoa mai la oia no ka hale olalo, a hele aku la e ai i kona aina kakahiaka, alaila hele holoholo aku la no ke puhi paka ana, a no kona hoomanao mau no ia Alamira, ua hoi hou aku la oia a kikeke aku la no ma ka puka, a elike 110 me ka nele o ka paneia aku e like me mamua, ua kahea pkoa mai la oia i ka inoa o Alamira. aole no he paneia aku. No kona piha hoonaukiuki, me ka hopohopo pu hoi. malia paha ua halawai aku o Alam\ra me kekahi poino ulia, ua wehe awiwi ae la oia i ke ki, a hookomo aku la iloko o ka puka, me ka wehe ino ana ae i ka puka. eia nae aole ana mea i loaa aku maloko. koe wale no ka puehu aua o ka hwUi o ka manu, e like me ia a kaua e ka mea heluhelu o ka ike mua ana ae nei. E waihp mai ana no ka moe me ka hoonioni oleia, a o ka pahu !ole, ame kona ona, aohe a ia nei ike aku, a iloko o kona fcioonaukiuki ame ka huhu* ua hoio ino mai la oia a loaa ka ona o ka hokele ma ka hale olalo, a hoike aku la i ka nalowale ana o kela kaikamahine mai ka hokele aku me ka pohihihi loa. I ka lohe ana o ka ona o ka hokele i na hoohalahala mai ia Lui aku, ua hoole paakiki mai la oia no ka laweia ana o kekahi pahu lole mai ka mmi mai o kela kaikamahine, a pela hoi kona paakiki ana mai, aole loa he hookahi mea i haalele iho i ka hokele me kona ike mua ole. L T a paakiki aku la no nae o Lui, 110 ka laweia ana o ka pahu lole mai ka rumi helu umikumamakahi aku, a pela hoi ka nalowale honua ana o kona hoa, a i wahi e hooiaioia ai ka pololei o kana mau mea e kamailio ana, ua hele okoa mai la ka ona hokele np ka nana ana i kela rumi. a hoopauiia ke kanalua o ka ona hokele..' Ua lilo kela nalowale honua ana o Alamira ame kona pahu lole i hana pohihihi loa i ka manawa mua o ka hoomaopopoia ana, aole kela kaikamahine maloko o ka hokele ia manawa, aka mahope mai nae, ma ka noonoo j>onoia ana, akahi no a hoomaopo|K>ia, he mau malihini e ae kekahi e noho ana ma kekahi rumi mai, a ia wa i ala mai ai na noonoo, m« he mea la, ua hala pu o Alamiira me kela mau malihini, a o ia ka Ltit Hamalina o ka ninau ana mai i ka ona hokele: "Owai ka inoa o kela mau malihini, a i hea laua o ka hele ana akti?" wahi ana me ke pihoihoi. "O Mr. Kula ka inoa o ke keonimana. a o kona kaikuahine kona i keia kakahiaka iho nei, i haalele mai ai laua i ka hokele

n«i. no ka holo ana aku na'una o kekahi mokuahi e haaleie iho ana ; no Xu loka." ? 4, G ka manawa hea ka manawa a kela mokuahi e liaalele iho ai i ka uwapo?" wahi a Lui Hamalina, me ka unohi koke ana ae e nana i i ka manawa ma kana uwaki. | "E haalele iho ana ke!a mokuahi ma ka hapalua oka hora eiwa ! o keia kakahiaka/* "He hapaha hora wale no koe, alaila haalele mai ua mokuahi la. noiaila he inea pono ia*u ke holo me ka awiwi loa i keia manawa, rnalia e loaa aku ana kela kaikamahine mamua o ka holo ana o ka mokuahi." lioko o ka puahia nui, ua haalele koke aku Ia o Lui i kona mau hoa ma ka hale oluna, a holo mai la no kahi e loaa ai iaia he kaa, a i hakalia no a hoea oia j ke alanui akea, o kona kahea aku la no » a i ke kaa mua loa o ke kaaio ana ae, a hoomaka aku la e holo no ka uwapo, me ka uku ana aku he elima dala. ina e hiki ana iaia ke hoea aku i ka uwapo mamua o ka haalele ana mai o ka mokuahi. j Ua kuupau aku la ke kalaiwa i ka holo o kona lio, ela nae, ua lilo i ia hooikaika ana i mea poho waie, no ka raea i ka hoea .ina aku o ke kaa i ka uwapo e wehe ana ke akule i ka hohonu, a o ka hailiili ame ke kuamuamu i kona hoohokaia na hana hiki ia Hamalina, iioko o kela manawa, me ka hele hoi o kona helehelena a kunahihi, no kona ku ana i kahi o ka hoka ame ka hoaa, no ka mea <&ia o Alamira ke laweia la e ka mokuahi, e hiki ole ai iaia ke kikoo aku i kona lima, e iike me kana o ke kaena ana, aia malalo o kona mana ua kaikamahine nei, eia ka auanei oia ke ku ana i kahi o ka hoka. E haaiele aku kakou ia Lui Hamailna e noke ana i ka holo-ke i o a ia nei me ka maopopo ole o kana mea e hana aku ai, a e waiho malie no hoi kakou ia Alamira e laweia la e ka mokuahi no ka hoea aku imua o kana aloha, a e hoohuli iki ae hoi kaua e ka mea heluhelu i ka kaua kilohi ana no Mrs. Monotuge, aia paha oia ke nauki loa Ia o ka hoea mai i ka Ia ana e lawe haaheo mai ai ia Mr. Pama i kane nana, e ku aku ai oia imua o na mea apau ma Nu loka, ma ke ano oia ka wahine hanohano maloko o kela kulanakauhale. Ma kel| manawa a Mrs. Monotuge ame Alamira ma o ke kau ana iluna o ka mokuahi, ua hoi pololei aku la oia noloko o ka rumi o ka hoolimalimaia ana nona ma ke ano pulapu waie no, a iaia o ke kiei ana mai a ijke i ke komo o Alamira maloko o kona rumi, o ka oili hou mai la no ia iwaho, me ka hele ana ae ma kekahi aoao o ka moku, a haule hou noluna o ka uwapo, a oiai e kakali mai ana no kekahi kaa iaia, o kona kau aku la no ia, me ka holo pololei ana no kahi o ka hale hoolulu kaaahi, a huli hoi aku la no Xu loka. Ke kani la ka aka a ua wahine nei, me kona i ana iho i ka holopono o ka iaua mau hoolala ana me kana keiki i wahi e hookoia ai ko kua mau manao o ka ohumuhumu pu ana, nolaila ke huli hoi la oia me ka naau i hoomamaia, e hoopilikia ole'aku ai o Alamira iaia, e holoia ana ke ao ame ka po e ua wahine nei, aia ka pono o ka hoea koke aku i Nu loka a hui pu me kana aloha, e kakali mai la iaia. I hakalia no ua wahine nei a hoea no kona home, ua kakau iho la oia i leka na Mr. Pama, e kauoha mai ana i ua keonimana nei, e hele aku e ike iaia. Ia loaa ana aku no hoi o ka leka a Mrs. Monotuge ia Pama, aole i emo iho noho ana ua kanaka nei, oiai ua hoomaopopo oia ma ke ano o ka leka i kakauia aku, aia kekahi pilikia i loaa i kana wahine hoopalau, a he oiaio ia hiki ana aku o Mr. Pama, ua hoakaka mai ia o Mrs. Monotuge imua ona, i ka holo mahuka ana o kana keiki me kana kaikamahine humuhumu, a ua lilo ia i mea hoopilikia loa aku i kona noonoo. % "He keu aku maoli keia o ka nuhou maikai ole au o ka hoike ana mai la ia'u e manao ana ka hoi au, he wahine e aku la ka kau keiki o ka hoopalau ana!" "O ko'u makemake hoi paha ia, aole hoi e hihi, ua haulehia ka'u V.eiki ike aloha me kela kaikamahine oke kulana haahaa. Oka u'i o Miss Luka Likeke ka mea nana i hoopepe i na manao kupaa o ka'u keiki a hiki i ko laua manao, e holo no Havana, a ilaila aku paha e ko ai ko laua mau manao, me ko laua makemake ole e huli hoi hou mai no Amerika nei, o hoohilahilaia aku auanei no kela mau hana hilahila oie a laua." Me ke kui'o maoli kela mau olelo a Mrs. Monotuge e noke mai la i ke 'kamailio imua o Mr. Pama, ine ka hoike mai no hoi o kona helehelena i ke kaumaha, a ma ia ano ua komo pu aku la o Mr. Pama ma ke kaumaha like ana me kana whine hoopalau, aka he mau hana maalea wale no nae kela a Mr. Monotuge, o kona makemake maoli, o ka lilo o Mr. Pama i mea nana e hoike aku i ka holo malu ana o Alamira imua o kana keiki ia Roi, a malaila ae hoi e oili ae ai a hiki i ka hookaulanaia ana o kela mau liana a Alamira, e hoowahawahaia mai ai oia e na mea apau. I ke kaawale ana aku o kela kunuihana mai ko laua noonoo ae, ua hoi pono mai la ka laua kamailio ana i na mea e pili loa ana ia laua, aka ina ko Mr. Pama aoao nae, aole oia i makemake e hooloihiia aku ko laua manawa e kakali ai, aka e mare koke no laua iloko oka manawa kupono. Mahope iho o ka hoolauwili wale ana aku no a Mrs. Monotuge e hoolalau ai i manao ole aku ai o Mr. Pama, ua makemake loa oia e mare koke, ua apono mai la oia i ko Mr. Pama manao, no ka hoohauoli ana mai i ka manao o ua keonimana nei, a ia wa laua ? hooholo iho ai, iloko o ka mahina hookahi mai kela manawa mai, laua e hooliloia ai i hookahi. Iloko o na manao hauoli o ka ulumahiehie. i huli hoi aku ai o Mr. Pama no kona home, a hoi aku la no hoi o Mrs. Monotuge 110 ka hale oluna, oia aku o laua ka inea oi loa o ka hauoli, a o kana hana mua, o ia no ka 'nana ana aku i kona lole kupono no ka la mare e hoea mai ana. '•Ina paha no ka hookoia o ko Lui Hamalina makemake maluna o kela kaikamahine a hooko oleia paha, e lilo ana no nae i mea na'u e hauoli loa ai. kona hoowahawahaia aku e Roi, e ae ole ai kela keiki e lawe mai ia Alamira i wahine nana, a o ka hookoia ana ia o ka mea a'u i hoohiki ai. aole loa e noho mai kela kaikamahine iloko o ka \ home. a'u e hoolilo aku ana ia'u iho i haku maluna o na mea apau," | wahi a Mrs. Monotuge o ka hooho ana ae, i ua wahine nei e hoola'i | malie ana maloko o kona rumi. j Aole he noonoo hou ae o ua wahine nei no ka hopena maluna oj kana keiki ame ke kaikainahine a laua o ka hana kolohe ana, aka aia j wale no kona noonqo nui, no na mea e pili ana i kona la mare, me I he mea la he wahine oia akahi no a mareia. • ) I ka huli hoi ana aku hoi o Mr. Pama no kona home, ua hoike j koke aku la oia imua o kana keiki i ka hooholoia ana o ka la e lawe ; inai ai oia ia Mrs. Monotuge i wahine nana. j E nanea ana no o Roi v i ka heluhelu Ika nupepa ma ke ahiahi o| kela la a Mr. Pama o ke kukakuka pu ana me Mrs. Monotuge, ina-1 hope iho o kona aina ahiahi. aia hoi ka nanaina kaumaha maluna} o kona heieheiena, ma o ka loaa ole ana mai o ka Alamira leka iaia, j e like me ka mau i na pule aku i hala, komo ana no kona makuakane iloko, a hoike aku la i ka nuhou, o ia ka huli hoi ana mai o Mrs. Monotuge mai kana huakai makaikai mai. 4 'Auwe! he nuhou maikai maoli kena au e kuu makuakane o ka hoike ana mai la ia'u," wahi a Koi me ka lamaiama ana ae o kona helehelena, a o ia kana o ka nalu ana iho iloko ona, o ke kumu ka ia o.ka loaa ole ana mai o kana leka mai ia Alamira mai, ua huli hoi mai ua aloha la ana. "Aole no au i maopopo no kona huli hoi koke ana mai nei a hiki i ka loaa ana mai o kana leka ia'u i keia kakahiaka. e kauoha mai ana ia'u e hele aku i kona home, a iiaila aku nei au i keia kakahiaka." * k A pehea ua o Mrs. Mqnotuge la, he maikai no nae paha kona ola kino wahi a Roi, me kona manao ana iho, he mea maikai ma kona aoao, ke hoike ae i kekahi wahi manao maikai no kona makuahine hou. "He maikai no kona ola kino, eia nae ma ka'u hoolohe aku i kana mau olelo, ua piha oia me ke kaumaha no na hana a kana keiki e ku a uluhua maolī ai no oia."

♦ *Auwe! heaha hoi ka hana kolohe a kana keiki iaia?" | "Heaha mai auanei kau oke kolohe paha-.a o kana keiki la. ke ha- ; leleia la kona makuahine i ka aina malihim. a kau aku la kela malu- | na o kekahi mokuahi no Havana» me ka holo mahuka ana n;c Miss | Luka Likeke, ma ke ano he kane a he wahme. a n< ka h«kt ole i ko | makuahine hou ke hoomanawanui iho, o k huli h«»i U.u mai la no j ia no Xu loka nei. | MOKUXA XXXIX j Ua like pu kela mau oielo hope a Mr. Pama oke kamailio ana mat | imua o kana keiki me kekahi pahi e okioki ana i ka o Koi, ; a me ka hoomanawanui oia i uumi iho ai i kona mau manao (>io!oke, me ka huli kunihi ana aku o kana nana ana ma kekahi aoa<> o ka rumi, a na kela nupepa ana e paa ana mamt:a o kona aK». i huna ae i ka ike ana mai a kona makuakane, i ka helehelena kunahihi o kana keiki. Ua hiki ole loa ia Roi ke pane mai no kekahi mau «ekoaa, aka i ka maalili ana iho nae o kona mau minao uluku, akahi no a hiki iaia ke pane mai i ka i ana aku i kona makuakane: "Me Miss Likeke anei i holo mahuka aku ai o Lui Hamalma?"* i ninau aku ai o Roi. me ke ano ha o kona leo, a kona makuakane nae o ka manao ana mai, o ke kumu ano e o ka leo o kana keiki. no ke kahaha i ka umeia ana o na manao hoohihi o Lui Hamalina e kela kaikamahine humuhumu. a ua o Pama o ka noho pouliuii ioa ana no ka inoa oiaio o ka mea a laua e kamailio ana. "Ae, o ua kaikamahine nei ka mea o ka holo mahuka pu ana me Hamalina. Ke hoomanao Ia no hoi paha oe i kela kaikamahine humuhumu au e hoopipiii loa ana ia kakou ma kahi o Mr. Welinakona ma. o ua kaikamahine nei ka mea nana i ume aku i ka noonoo o HamaUna, a hiki i ke ku a hoohihi loa ana, rne kona holo okoa ana aku nei me ua kaikamahine la. "Mai kinohi mai no ka hoohihi o Hainalina i kela kaikamahine. mai ka manawa o kona noho hana ana aku malalo o Mrs. Monotuge a hiki wale i kona lawe okoa ana aku la i wahine nana. Iloko ona manawa apau, e ku-e aku ana kona makuahine iaia. eia nae aohe wahi mea a maliuia mat, a ia Mrs. Monotuge o ka hele makaikai ana aku nei, ua ukali okoa aku la o Hamalina a hiki i ko ka loaa ana jaku o ua kaikamahine nei, me Mrs. Monotuge. a ilaila i hoolalaia ai kela holo mahuka o laua me ka piha maalea h»a. no ka mea ma ka Mrs. Monotuge olelo mai nei ia'u, ua makaukau ka ko lakou huli hoi mai no Xu loka nei, eia nae, o ko laua holo aku la ia a kau maluna o kekahi mokuahi e haalele iho ana no Havana, a ma ka papainoa o na ohua oia i ike ai, ua hoopaaia ko laua inoa ma ke ano he kane a he wahine, koe aku nae kona maopopo ana. ina paha ua mare okoa laua mamua o ka holo ana aku la no keia aina malihini. "Xa kela mau hana i hookomo mai i ke kaumaha iloko o Mrs. Monotuge, a o kona haaiele aku la no ia ia Xu Olina me ke kau ana mai no ke kaaahi e haalele iho ana no Xu loka nei, pela iho la oia i hiki mai ai, a hoike mai la i kela nuhou ano e ia'u i keia kakahiaka." Ina paha o Mrs. Monotuge ka mea nana e noke aku ana i ke kamailio i kela mau olelo imua o Roi, aole loa e hiki i ua keiki nei kt kaohi mai i ka hoike okoa ana mai i kona ano pihoihoi, aka na kona makuakane keia e kamailio aku nei iaia, ma ke ano lauwili, ua loaa he manawa nui ia Roi e uumi ai i kona manao kupilikii, a ia hooki ana iho o ka Pama kamailio ana aku, ua i okoa iho la o Roi iloko ona: "Aole loa aii e manaoio ana i ka pololei o keia mau mea a'u e lohe nei! Eae ana anei o Alamira e holo mahuka aku me Hamalina? E kapa aku anei au iaia he kaikamahine epa o ka hoopunipuni ino loa? Aole! Aole loa!" Oiai nae aia kona hilinai piha ana maluna o Alamira, ke kaikamahine ana i aloha ai me kona naau apau, no ka hiki ole i kekahi ke hoowalewale iaia a hiki i ke kaawale ana mai iaia nei aku, eia nae 0 ka noho ana aku o Alamira mhope, me Hamaiina, he mau kumu hoohuoi no ia ma ko Roi aoao, ana nae e ike maopopo ole la i na kumu o ka huli hoi like ole ana mai o Alamira me kona haku hana. Me he mea la ua mahele ha[>aluaia ae ka puuwai o Roi, ma o keia moolelo ku i ka lokoino a kona makuahine hou o ka hoolaia ana j wahi e hoopiiikia mai ai iaia nei, aka ke hoomanawanui la oia, e lilo ole kona oia ana aku i mea hoopoinoia mai, ma o na hana la a kela wahine, ina hoi no ka oiaio ole o na m*a a kona makuakane i hoike aku ai iaia. 1 Pehea nae e hiki ai ia Roi ke alo ae mai ke komohia ana aku iloko o na haawina kupilikii e like me keia, oiai e kakali mau aku ana oia ( me na manao ohohia no ka hoike ana aku i ka nuhou hauoli no kana i aloha, i ko laua wa e halawai hou ai, o ia no ka hoike ana aku i ka | hoike oiaio no ka mareia ana o kona mau makua i kulike ai me ke | kanawai', a pela hoi ka ili ana aku o na waiwai o Homa Foreka ma- | luna ona; me ka hiki ana iaia ke koi mai i ka \raiwai o kona makua- | kane, ke manao oia e hana mai pela. % O kela mau haawina hauoli nae a Roi e moeuhane mau la i na manawa apau, a e kakali la oika hoea mai o A!amira, e lih> ana anei ia i mea poho ma'uwale? Oiai nae kela mau mea e oiliili ae la*iloko o ko Roi nootio<i ( ua oili pu ae la ia manawa hookahi ka hoohuoi iloko ona, malia paha he mau hana epa wale no kela ma ka aoao o Mrs. Monotuge ame Hamalina. He ane paha ua ike ua wahine la i ko Alamira ano maoli. aole oia o Luka Likeke e like me ka ua kaikamahine neī o ke kapa ana iaia iho, pela oia i maka'u ai me ka hopohopo o koi mai 0 Alamira i ka waiwai e paa hewaia nei e kela wahine. a o kekahi kumu o kona maka'u, malia paha ua ike oia i ka nalowale ana o kela palapala mare o na makua o Alamira, nolaila i wahi mma e pilikia ole ai, pela oia i hooikaika ai e mare aku o Hamalina me Alamira. Akahi no a aia mai ia na hoomanao ana iloko ona, no kela ano o j Hamaiina e hoomaoe mai ana iaia nei e pili ana no Mi>s Luka LiIkeke ia lakou ma kahi o Welinakona, a iaia o ka hoohuihui ana ae i 1 kela ame keia, ua hoomaka okoa aku la «-)ia e ninau i kona makuakane: "Ua maopopo no nae paha ia oe ka manawa a Mri. Monotuge jo ka haalele ana aku i ke kuianakauuhale o Xu OHna ea?" | "Ma kana hoike mai nei ia'u, ma ka Poalua aku nei oia i haalele | ai no kela wahi, a kau mai la maluna o ke kaaahi no Xu loka nei." ! "Alaila, ma kela Ia hookahi no anei ka mokuahi i haalele iho ai | no Havana?" | "Pela kana mea oke kamailio ana mai!" "Ua loaa no nae paha ia oe ka inoa o ka mokuahi a Hamaiina ma |o ke kau ana aku ea?" i "Aole i loaa kona inoa ia'u, oiai aole no au i ninau aku iaia ia I mea, wahi a Mr. Pama, no kona noonoo nui no ina mea e pili pono jloa ana iaia ame kana wahine hou, me kona noonoo nui ole no km | mahuka ana aku la o Hamalina me ke kaikamahine ana i makemake loa ai i wahine mare nana. Ua hookahahaia aku no nae e Mr. Pama i ka noke loa mai o kana keiki i ka niele i na mea e pili ana i ka mea hou ana o ka hoike ana ?ku iaia, alaila ua waiho aku la o Roi i ka nupepa ana e paa ana, me ka hoomaka ana ae e ku iluna, aka ua pane e mai la kona makuakane: "He hookahi mea i koe a'ti e hoike aku Ana ia oe, o ia no ko maua kukakuka like ana mai nei me ko makuahine hou. a hooholo mai nei maua, o ka la kanakolu o keia mahina ae ko maua manawa e hoohuiia ai ma ka mare, a ke manao nei au, e hookipa mai ana oe i ko makuahine hou me ka piha ohaoha." "L T a ike n o oce kuu makuakane, aole a u mea e hana aku ana, no ka hoehaeha ana i kou manao; a ina ua holo i'o mai la ko olua mau manao, no ko olua mare aku. o kou kuleana no ia. me na ku-e ole mai ia'u aku. a ina e lawe mai ana oe ia Mrs. Monotuge no ko kaua home nei, alaila e konoia mai au e nana aku iaia e like me ke keiki i ka makua/* 1 (Aole i pta.>