Ka Nupepa Kuokoa, Volume XLVIII, Number 21, 24 Mei 1912 — PUNI NUI KE AKULE MA HANA. [ARTICLE]

PUNI NUI KE AKULE MA HANA.

Aole ka he manawa i ikeia ai ka puni nui ana o ke akule ma Hana, Ma ui, elike me ia ma kekahi mau la koke aku nei i hala, a ua noke ka poe kuai i ka lawe i ka iʻa a hiki i ka pau ana o ko lakou makemake, a ua hoolawaia aku na kanaka apau o kela wahi me ke akule, a koe no ka iʻa ma ka haawi ekoaia ana i ka mahiko. mahiko Na na hui lawaiʻa o na Hawaii i hoopuni i kela akule, i hiki aku ma ka hoomaopopo ana i ke 62,228, a i ka ike ana o ka hui Kepani kuai iʻa, ua haawi koke oia he hookahi dala no ke kaau, me kona manao e loaa ana iaia ka pomaikai ma kela hana. I ka hele ana nae a hik i ka iwakalua kaukani akule, me ka nui okoa aku no o ka iʻa i koe, ua hoopau oia i kana kuai ana, a ia manawa hoi i hoomaka mai ai he Pake e kuai ma ke eke, ma ka elima dala o keia ame keia eke i piha i ke akule, ma ke kapi paakai hoi kana i makemake ai e hana aku i kana iʻa, eia nae ua lawe kona makemake, a koe okoa no ke akule. Mai ka elima dala mai o ke eke a hiki i ke kuaiia ana o ke eke hookahi no ke kenikeni, a i ka hoea ana mai o Ia Makai Nui Crowell, wa kauoha okoa eia e kanuia ka iʻa iloko o ka lepo, a i ole e kuaiia aku ma kekahi ano, no laila ua komo mai la ka mahiko, a lawe i ke koena o na iʻa iho i koe, eia nae ua lawa na mea apau i ka iʻa, a ua kuakea ka oluna o na kauhale o na kanaka i ke kaulaʻiia me ke akule maloo.