Ka Nupepa Kuokoa, Volume XLVIII, Number 21, 24 Mei 1912 — HE MOOLELO NO ALAMIRA A I OLE Ka Mea Huna Iloko o ke Aniani Kilohi. [ARTICLE]

HE MOOLELO NO ALAMIRA A I OLE Ka Mea Huna Iloko o ke Aniani Kilohi.

MOKU.NA XXXVI. "Alaila o kc kumu ka paha keia e nalowale loa nei o Mrs. Monotage, w i nalu wale iho ai no ua o Alamira iloko ona, a ninau aku ia:M He k<ru aku ka mea ano e, aole o'u ike aku i na kapa o ka muiiwai, eia anei kakou i ka nioana akea kahi i hoio ai?'* Ano pupuku ae ia ka nanaina o Lui Hamalina, a no ka hiki oie iaia ke pane hoopunipuni aku, ua i okoa aku ia oia: "He oiaio eia kakou i ka moana e hoio nei i keia manawa." M Ea! heaha ke ano o ka oiua mea i hana mai ai ia'u?" wahi a ua kaikamahine nei, me ka haka pono loa ana mai i kana nana ana maluna o Lui Hamalina, a e like no me ka maaiea amē ke akamai i ka poe koiohe, e ike oleia aku ai ka lakou mau hana, ua pane mai la ua o Lui Mamalina i ka i ana mai: "Mai hoopiolokeia kou noonoo e Alamira no keia mea, oiai o ko Mrs. Montuge makemake maoli no keia ma ka moana akea kakou e hoi ai, i maa ai oia i ka holo ana i na moana inoino, e like me ka Akelanika. O ke kumu o kona hoike mua ole ana aku ia oe ia mea, no kona ike no e hoole mai atia oe, a o kou hoi no ia malvma o ke kaaahi." Ua hele ua o Alamira a piha loa me ka hoonaukiuki, ina hoi no ka pololei o kana mau mea e lohe la mai ia Hamalina aku, no keia mau hana a I<ona haku me ke kamailio niua oie aku iaia, a mihi iho ia oia no kona ae waie ana mai i ka manao o keia wahine, ma ka mokuahi e hoi ai. Aole lloa he wahi hoohuoi iloko o Alamira no na hana epa i hoolalaia no kona pilikia e ka makuahine ame ke keiki, aka ala mai la nae kona mau manao hoonaukiuki, me kona i okoa ana iho no iloko ona, aoie loa ona makemake e ike aku ia Mrs. Monotuge, a hiki i ko lakou hoea ana aku i Xu loka. "I ka manawa hea kakou e iele aku ai i ka aina e Lui Hamaiina, ua maopopo anei ia oe ka manawa e ku aku ai o keia moku i Xu Ioka?" i ninau aku ai o Alamira, no kona ake nui loa e kaawale koke aku oia mai ka malu aku o ka wahine nana e hana epa aku nei iaia. "Ma kekahi manawa o keia ahiahi e ku aku ai ka moku i ka aina, a o ko kakau leie ai«u no ia mai keia mokuahi aku/' wahi a Lui Ha- j malina, ine ka hakiio pono ana mai i ko Alamira ano. j Akahi no a hoomamaia ae ko Alamira mau manao kaumaha. me j kona noonoo ana iho, he mau hora helu wale 110 koe ana e kakali aku ai, o kona kaawale no ia mai ka mana aku o ka wahine ino hoo-1 kahi ana e hiki ole ai ke hoohalike ae e loaa kona lua, me kona mao- j popo ole nae i na hana i hoolalaia no kahi e ko ole ai keia manao ona. Oiai e pahoia ana kela noonoo no kona pae aku iuka o ka aina, a ( hookaawale aku iaia iho mai ka mana aku o Mrs. Monotuge, ua ko- j ho iho la oia* e hoi aku no ka home o Mr. Garave e noho ai, a mailaila mai oia e lioouna mai ai i kekahi kauoha ia Roi no ka hele ana aku e ike iaia, a hoike mai i kona mau pilikia apau me na mea ana j 0 ka hoomaopopo ana no kona mau makua, me kona haawi mai | iaia iho, e lilo i wahine na ke kanaka ana i aloha ai, iloko o na mar.awa apau a Roi e makemake ai. Me kona niele hou ole aku ia Mr. Hamalina i kekahi mea, o kona noho pono mai la no ia ihope, a moe iho la na maka e hoike mai ana 1 kona hoihoi ole i ka noho aku o Hamalina me ia. No ka ike ana mai hoi o Hamalina i kela moe o Alamira, o kona ku ae la no ia a hele aku la, eia nae e alawa mau mai ana 110 oia ihope, me ka pahola o ka minoaka maluna o kona mau papalina, no ka hoea mai i ka wa ana e hookahaha aku ai i ka nianao o ka mea ana e alako nei iioko o na hana lokoino. Malaila o Alamira kahi i noho ai, a hiki i ke ahiahi ana, alaila eu ae la no ka hoi ana aku iloko o kona rumi, eia nae aohe ikaika pono 0 kona wahi kino, a oiai aia mau o Hamalina ma kekahi wahi'kahi 1 makaala mai ai, nolaila o ka holo koke mai la no ia o ua kanaka nei, a hopu mai la i ka lima o Alamira. me ka olelo okoa ana mai, nana e hoihoi aku ia Alamira noloko o kona rumi. ? He m&nao no ko Alamira e hoole aku, aka aole nae e hiki iaia ke hoi hookahi aku, e hikaka wale ana no oia ma ke ano kunewanewa o kona kino, a ma ia ano 1 kaa aku ai kona hoihoiia ana, malal© o Hamalina, a i ka hoea ana ma ka puka o kona rumi, ua wehe ae la o Hamalina i kona papale, a haawi aku la i kana kunou haahaa ana, oiai hoi o Alamira i komo ku ai iloko, no ka hoomakaukau ana i kona mau ukana, mamua o ka pili ana aku o ka moku i ka uwapo. Oiai he nui okoa no ka manawa i koe mamua o ke ku ana aku o ka moku i ke awa, nolaila ua hoi hou aku la ua o Alamira e hooluolu, a kaia loaia aku la oia i ka hiamoe, mamuli kekahi o ka pumehana maikai. MOKUNA XXXVII. 9 ' ! Ia puoho ana ae o Alamira, ua poeleele, eia nae ua hoomalamala- j maia ka inoku me na kukui, a ke hoomaopopo la oia, ua pili ka ka moku i ka uwapo, a e hi-o ana hoi kela ame keia mea maluna o ka moku, rae he mea la e hoomakaukau ana no ka lele ana aku iuka o ka uwapo. O kona hoomakaukau koke iho la no ia iaia iho, no ka lele ana aku, aoie nae 6ia i makaukau pono, ua kikeke mai la kekahi mea ma kona puka, a ia wehe ana ae i ke pani o kona rumi, e ku aku ana o Lui Hamalina, a pane mai la: "Ua ku ko kakou moku i ka aina i keia manawa, a i hele mai Ia au no ka ninau ana aku ia oe*, pehea la ka loihi au e hoomakaukau ai ia oe iho, mamua o ko kakou leie ana aku nouka o ka iiwapo?" "O ka hcra ehia keia?" i ninau aku ai o Alamira, me kona manao ina no ka hoea ole i na hora o ke aumoe, alaila e hiki ana no iaia ke hoi hookahi no kahi o kona hoaloha, o Mr. Garave. "Eia manawa ke hookokoke ae nei i ka hora umi, ua aumoe maoli no keia o ke ku ana mai nei o ka moku, mamuli o ka inoino o ka moana." Ua poho wale na manaolana o ua kaikamahine nei no ka hiki iaia ke hoi aku mo ka home o Mr. Garave mamuli o ke aumoe, nolaila ua hooholo iho la no oia i kona manao e hoi me Mrs. Monotuge e noho ai ma kela po, a ma ke kakahiaka o kekahi la ae, alaila heie aku e hui pu me kona hoaloha; nolaila aole ana mea e ae e hana mai ai, koe wale no ka lalau ana aku i kona mau ukana liilii, a pii like aku la me Hamalina, noluna o ka oneki, kahi a ka nui o na ohua e kakali ana, o lea iho aku nolalo o ka uwapo. Mamuli o ka hookeke o na ohua, a no ka poeleele no hoi kekahi, aole he maopopo iki ia Alamira, o ke awa paha kela o Nu loka, a i ole he wahi okoa ae paha, koe wale no ko laua nei iho like ana aku a hiki i kahii o ke kaa e ku mai ana, i piha i na ohtia o ka hokele, a ia wa i huli mai ai ua o Hamalina a pane mai la: "Ua hooholo o Mrs. Monotuge e hoi pololei kakou no ka hokele i keia po e moe ai, oiai ua hele keia a aumoe loa, a aole paha i hoomakaukauia ka hale e na kauwa, oiai aole i loaa mai kekahi lohe ia lakou no keia huli hoi koke ana mai o kakou mamua ae o ka manawa, noiaila <r kau aku kaua maluna o keia kaa me ka nui o na ohua,"

« hoakaka peno aku ai o Hamalina, i wahi c ku-e ole mai ai o Alaraira iaia. Ke alaalawa la o Alamira noka hakilo pono ana iwaena o na ohua o» kona ike aku ia Mrs. Monotage, aole nae he wahi mea a ikeīa akn 0 ua haku nei ona a o ia kana o ka hul: ana mai ta Hanialma a pane mai la: "£is o Mrs. Monotuge ihea. aole o'u ike aku iaia iwaena o keia mau ohua, a o kekahi mea ano kupaianaha no hoi a f u e ike nei, he poe wale no keia o na lahui e, a he mau olelo malihinī loa ka lakou ia f u." "Alaila ua kuhihewa # anei au o ka lawe ana mai nei ia o« no keia kaa? ft i awiwi mai ai o Hamalina ma ka pane ana. me ka hoike pu ana mai no hoi i koha ano kahaha. "Ina pela, ua kau aku nei o Mrs. Monotuge ma ke kaa okoa, oiai he elna keia mau kaa mai ka hokele mai nei, nolaila aole a kaua noonoo hou ana i koe, ua hoea aku la paha oia i ka hokele i keia manawa, e kau aku kaua t ke kakaii loa mai nei ke kalaiwa o ko kaua kau aku me kela mau ohua." Ua lilo keia hiona a Alamira e ike nei i mea maikai ole i kona noonoo, aka he mea makehewa wale no nae ka hoala ana ae i kekahi mau k\i-e ana, nolaila o kona ae aku la no ia e kau iluna o ke kaa, a holo aku la no kahi ana e hiki ole ai ke hoomaopopo iloko o leela po. Xo na minuke he umi-kumamalima a iwakalua paha ka holo ana aku o ke kaa, ua hoea aku la lakou nei mamua o ka puka o kekahi hokele nani, a ia lele ana aku o Hamalina ilalo, me ka lalau ana mai 1 ka lima o Alamira, ua haawi aku la oia i ko laua mau paiki liilii i ke kuene o ka hokele, a pane mai la ia Alamira e hahai aku mahope ona. Ke hoomaopopo la o Alamira, aole loa oia i hoea ma kela wahi, koe aku nae kona ike ana, o kahi hea la keia, nolaila komo aku la laua iloko o ka hokele, akahi no a hoomahuahuaia mai kona mau manao kahaha, no ka mea aole ioa he hiki iaia ke lohe aku he hookahi Uuaolelo e kama\Uo\a ana e na kanaka ma\oko o keia hokele. ] "Aia kekahi hana ekaeka loa i hoolalaia e keia mau mea a ke ko-! lohe nui wale; a ke hoomaopopo nei au, aole keia o ke kulanakauhale 0 Xti loka, aka he wahi okoa loa keia a'u i ike mua ole ai. Heaha la ko Mrs. Monotuge kumu o ka hoomamao loa ana iaia iho mai ia'u aku, ina paha he mau manao huhu kekahi ona ia'u, aole penei iho la oia e hana mai ai, aka e hoike mai oia aia he wahi makee iloko ona no'u e like me kana i hooia mai ai, no ka ili ana aku o ke 1 koikoi maiuna ona, e nana mai ai no ko'^pono. "O kekahi mea ano e a'u i ike ai, o ia ko Lui Hamalina hoopipili mau mai i na manawa apau, me he mea la oia ko'u kahu, a i ole he kane paha oia na'u, o keia mau hana a laua, ua hoopiiia mai ka inaina ame ka huhu iloko o'u, eia nae ua-lohi loa na mihi ana i keia manawa." ! Ma kekahi ano i maopopo nma ole i ua o Alamira, ua nalowale honua iho la o Lui Hamalina, a na kekahi o na kuene i hele mai a koi ia Alamira e hoi no ka rumi hookipa ma kekahi aoao o ka hokele, a i hakalia no a komo ua kaikamahine nei iloko, a ia huli ana mai a nana iwaho/ku ana no o Lui Hamalina, a o ia ka Alamira o ka pane ana mai me ka leo okalakala: "Ke ninau aku nei au ia oe e liamalina i keia manawa, heaha iho la ke ano o keia mea au i hana mai ai maluna o'u?" wahi ana me ka hele o na maka a hulili me ka piha inaina. "Heaha auanei ka'u mea i hana aku ai ia oe, i hele ai kou mau maka a piha i ka huhu?" wahi a Hamalina, me he mea ano ole loa la ka Alamira o ka ninau ana aku iaia. u Aole ka ou ike iho i keia hale ano e, i kulike ole aku me na hale 0 ke kulanakauhale o Nu loka, e nana pu ae 'no hoi oe i na kanaka o keia wahi, he poe ano e wale no lakou, a"heaha ke kumu o ko Mrs. Monotuge hele ole mai e ike ia'u? Ma na mea apau e hoopuni nei ( ia'u, he keu aku a ke ano e loa. e hiki ole ai ia oe ke pulapu mai ia'u e Hamalina, a ke noi aku nei au ia oe, e hoakaka mai oe i ke ano o ko'u hoea ana mai i keia aina malihini?" "No Mrs. Monotuge, ua hoi e aku nei oia maloko o kona rumi, o kona kumu paha ia o ka hele ole ana mai nei e ike ia oe," walii a Hamalina, me ka makemake ole e pane mai i kekahi mau ninau e ae a Alamira iaia. <4 Ua pau ko'u hilinai ana aku ia oe e Hamalina. O kau no ia e noke mau mai ana i ke kamailio ia'u mai ko 'kakou haalele ana aku ia Nu Olina, aia oia maloko o kona rumi, eia nae aole loa au i ike iki iaia a hoea wale mai nei i keia wahi, a ke olelo hou mai nei oe ia'u, ua hoi oia noloko o kona rumi. Aia kekahi mau hana epa o ke ano haahaa loa o ka hilahila ole i hoolalaia e olua no kou pilikia, no ka mea aole keia o ke kulanakauhale o Nu loka, aka he aina okoa loa keia, a 'ke koi aku nei au ia oe, e hoike mai i ka mea oiaio!" He mea makehewa wale no i ua o Lui Hamalina ke huna hou aku 1 na mea oiaio, oiai e ike ana no o Alamira, oiai no nae ua loaa mua ka ike i ua kaikamahine la no na hana kolohe i hookauia aku maluna ona, a o ia ka Hamalina o ka pane ana mai: "Eia kakou i Havana, Kuba, i keia manawa," i hoike okoa aku ai o Hamalina i ka mea oiaio, me he mea la ua lilo ia hoihoi loa iaia. "Eia anei au i Havana, Kuba?" i hooho ae ai o Alaraira me ka pioo 0 kona noonoo. "Akahi au a ike, pela ka keia poe kanaka e kamailio nei ma ka olelo i malihini loa ia'u," alaila huli papu mai la ua o Alamira imua o Hamalina, ma ke ano e hookau mai i na hoahewa ana maluna ona, a pane mai la: "lieaha iho la ka manao o 'kou lawe ana mai ia'u i keia wahi malihini? Nokeaha kou kumu o ka hoihoi pololei ole ana ia'u no Nu j loka, a heaha kou kohu o ka hoopilipili mau ana mai ia u, maialo o keia mau liana kolohe o ka hilahila ole au e Hamalina?" He mea kau i ka pahu ponoia ana mai o kela mau olelo, a lilo ia 1 mea e hilahila iho ai o Hamalina, a i ole wiwo iho la hoi, aka ua pane malie waleia aku la no eia me ka maikai i ka i ana aku: "Aole no'u maoll keia makemake o ko kaua hoea ana mai nei no keia aina malihini, aka malalo no ia o ka makemake ame na kauoha a Mrs. Monotuge." "Aole loa he kuleana iki o Mrs. Monotuge e lawe mai ai iau no keia wahi, me kona hui a kukakuka mua ole me a'u a haawi aku au i ko'u ae iaia; a eia o Mrs. Monotuge ihea e pee mai nei, ke makemake loa nei au e ike iaia i keia manawa ano?" <4 Ma ko*u manao, aia paha kela ke hiolani mai la maloko o Nu loka i keia manawa, oiai hoi kaua i keia wahi mamao loa mai iaia mai," wahi a Hamalina, me ka pahola ana ae o ka minoaka ma kona mau papalina, e hoike aku ana imua o Alamira, i ke ko ana o kona manao kolohe maluna o kela kaikamahine. "O! e na lani! ua oi aku keia mamua o ka i manao ai/ i puoho ae ai ua o Alamira, me ka nalohia ana aku o kona noonoo maikai mai laia aku, koe wale no kona hele a uluahewa, i kau a mea 0 ka piha i ke pihoihoi no ka lohe ana mai i keia mea a Hamalina o ka hoike ana aku iaia. <4 E oleio mai ana anei oe, o kaua wale no ka i holo mai nei maluna o ka mokuahi no keia aina, e manaoia mai ai he kane oe na'u?** u O ko kaua ano maoli no ia a na mea apau o ka nana ana mai maluna o ka mokuahi. a o ke ko ana no hoi ia o na mea a m*ua o kuu makuahine o ka hoolala ana, ina no hoi paha no kou maliu mai ma ke ano oluolu nei, ina no hoi ua hnli hoi like aku kakou apau no Nu loka me na manao maikai, aole hoi e like me keia au o ka ike ana iho la, me ka hele ka hoi o kou helehelena a kunahihi," wahi a Hamalina, me ka mau no o kela hiona ulumahiehie o ua kanaka kolohe la. Ua hiki ole maoli ia Aiamira ke kamailio no kekahi manawa loihi, aka ke ku malie loa la oia, oiai hoi kona helehelena i hele a haikea, & ia loaa ana o kana mea e kamaiUo aku ai, ua i aku la oia: "He keu aku oe a ke kanaka o ka hilahila ole, o kou aa ana t hana 1 kekahi o na hana e hoohaahaa loa aku ai i kou kulana." M E hoomanao hoi paha oe e Alamira, ua lohe mua oe i ko'u manao o ke kamailio ana aku ia oe, aole loa e moe kuu mau maka a hiki

i kuu ike ana. he wahine oe na'u. o ka mea wale no ia nana e hoomama ae i ko'u mau luuluu apau." "Alaiia ua manao iho la anei oe, ma kou hoao ana e alako iau a hiki i kuu puni hewa ana. me ka manao he pono keia a'u o ke kau ana mai maluna o ka inokuah!. e hiki ana ke hookoia kmi mau manao lapuwale?" "Aole loa he kanalu3 o ko'u manao no ia mea, e hiki mai ana i ko la e lilo mai ai he wahine mare na'u/*" *'Ina o kou manao iho Ia ia ea, alaila ke i aku nei au ta oe, a<>le e ko ana ka manao o ka mea kolohe. Mai manao oe oko alakai ana mai ia'u a hoea i keia wahi. aole e hiki ana ia*u ke hui pu a hoike aku i ko*u mau pilikia i kekahi poe. He oiaio paha.- aole e hiki ana ia u ke kamailio i ka olek> Paniolo. aka aole loa nae o u kanalua no ka loaa o kekahi mea hiki ke lohe i ka olelo Palani, a i ole olelo Kelemania paha. a imua ona a o lakou paha, ina he nui ia poe e noho nei maioko o keia hokele, e nonoi aku ai au i ka lakou mau kokua ana mai no ko'u pono. M "Mai manao kuhihewa oe e Alamira he wahi hana maalahi nau ka imi ana aku i wahi e hooloheia mai ai o kau mau olelo, no ka mea ua ike mua maua me kuu makuahine i ka maua mea e hana ai, nolaila ua lawe ae maua i na alahele apau loa e hiki ole ai ia oe ke hoohoka mai, a i hoike aku au ia oe ea, aole loa he hookahi o ka poe maloko 0 keia hokele i lohe i kekahi olelo e ae mawaho o ka olelo Paniolo; a i lohe pu oe i na mea oiaio i pili ia kaua ea, ua kakauia aku nei ko kaua mau inoa ma ke ano o Mr. ame Mrs. Hamalina, o ke kulanakauhale o Nu Ioka; a ke pahola la paha ka moolelo ma Nu loka, no ko kaua holo malu ana mai no Havana nei; nolaila aole au mea e ae e hana mai ai, o kou haawi wale mai no ia oe iho malalo o ka*u mau pulama ana aku no kou pono e kuu aloha poina ole." No keia huai maoliia ana aku o na mea oiaio apau i pili i kela hoea 1 ana o laua no ka aina mamao loa ,eia ka pela iho la i hoolalaia a> no ka hookoia o na manao kolohe o kela mau mea, ua hele o Alamira a piha loa i ka hilahila no ka hookaulana hewaia o kona inoa maikai, nolaila ua noho koke iho la oia maluna o kekahi noho kokoke, a palulu ae la i kona mau lima ma na maka, he hookahi no hana o ka uwe, a pela me ka noonoo ana i ka nui o kona mau pilikia ana e auamo aku ai, he keu no Ia ua hala aku na la o ke kaumaha, eia ka hoi ka oi loa aku, ua kaawale oia i ka aina lewa i ke kai, i nele i na hoaloha na lakou e kokua mai iaia, a o ka oi loa aku o ka mea poino, o ia ka mao[>opo ole iaia o.kana mea e ui aku ai no kona pono, oiai he lahui okoa ioa kela i loaa ole ka lakou olelo iaia nei. Ke ku wale mai la noo Lui Hamalina a nana i ka noke o A!amira i ka uwe, aka ua pane mai la nae oia ika i ana mai: "He mea maikai ole kou noho ma keia wahi e uwe ai, aka o ka'u e a'o aku nei ia 00, o ia no kou hoi pololei ana noloko o kou rumi i keia manawa, oiai ua hele loa keia i ke aumoe, a ua maiuhiluhi no hoi oe. aia a ke kakahiaka o ka la apopo, ia manawa kaua e kamailio hou ai maluna o keia kumuhana, malia ia manawa oe e maliu mai ai i ko'u mau manao apau, no kou ike ae, aohe au wahi e hoona aku ai i loaa na kokua ma kou aoao," Na kela kamailio hou ana aku a Hamalina ia Alamira, i hooala hou mai i na manao huhu a hoonaukiuki o ua kaikamahine nei, me he liona la, a huli pono mai la imua ona me ka maka'u ole, a i mai la: "Akahi au a hoomaopopo, o keia ka ke kumu o ko olua hoolala ana e hana mai i keia hana lokoino maluna o'u, no ko olua maka'u 0 koi aku au i na waiwai a olua e paa hewa mai nei, a i mea e hana ole aku ai au i kekahi inea e hilahila ai olua, pela i hotilalaia ai ko\i mau hana ekaeka ino loa a olua, me ka manao pela iho la e ke» ai ko olua mau manao lapuwale; auhea nae oe e Hmalina, ua loaa i i'u na hooiaio apau no ka mare ponoia ana o ko'u mau makua, a ke paa nei au ia mau hooiaio apau iloko o ka poho o kuu lima, 110 ka mea ua hoea mai kekahi anela o ke aloha a haawi mai ia'u i ka'u mau mea apau i ake ai e ike, ua pau ko'u hopohopo ana i keia manawa, aia au a kaawale mai ia oe mai, o ka manawa auanei ia a'u e ku aku ai imua o ke ao holookoa. a koi aku i ko'u mau kuleana i loaa ia'u mai ko'u mau makua mai." "Manao mai ana paha oe e Alamira e hiki ana ia'u ke manaoio aku kena mau olelo hoopunipuni au," wahi a Hamalina, oiai nae ka haikea e halii ana ma kona mau papalina. "O kau paha ia e manao mai nei, he mau olelo hoopunipuni wale iho no keia na'u, aka i mea nae e pau ai kt>u hoomaloka ea, e hoo- ; lohe pono mai ko mau pepeiao," a ia wa i hoomaka aku ai o Alamira ; e kamailio i kekahi mau mea ana i ike ai maloko o ka holowaa huna jO kana aniani kilohi, e hiki ole ai i ua o Hamalina ke kanalua iho, ke j kamailio wale aku nei no o Alamira i na mea oiaio, me ka hiki i ua kaikamahine nei ke waiho mai i na mea e kakoo ana i kana mau j lelo. j "E hoolohe mai ko mau pepeiao loloa e Hamalina," i hooinau hou mai ai o Alamira i kana kamailio ana: "Manao anei oe eae wale aku ana au e like paha me kekahi poe kaikamahine okoa ae, e lanakila mai oe maluna o'u? Ua lawa kau mau hana kolohe apau, e ili aku ai kekahi hoopa'i kupono no ka mea hewa, a pela hoi me Mrs. Monotuge e auamo like ai i kona hoopa'i kupono. "Ua hoikeike mai ko nmkuahine i kona kupono ole e kapaia aku he wahine hanohano, no ka mea ua nele oia i ke aloha hoa kanaka, a ua nele i ka hana ana aku i ka mea e pono ai o ha'i, koe wale no kona nana ana iho i kona mau manao lapuwale, aka me ko'u nana °le i ka nui o kana mau hana lokoino ia*u, aole loa e hiki iaia ke lanakila maluna o'u. Aole i o paha e ole ko u lilo i wahine nau! Heaha na niea i kakauia maluna o ka papainoa o na ohua o kela mokuahi, a ih i me ka papainoa o ka poe e noho nei ma keia hokele, ina aia k paa la ma ke ano he wahine na kekahi kanaka, aole lo* i 'ne nea no'u e kapaia ai he wahine mare, aole loa au eae e noi. iinua o kou alo he hookahi minuke mai keia manawa aku, mahope iln- • k hoike okoa ana mai i kau mau hana kolohe. La hiki ia oe ke kukala akea mai kekahi pe'a a i kekahi pe'a <• ke Kulanakauhale o Nu loka, a pela hoi ma Nu Olina, a no ko'u mahuka ana mai me oe, aole ia he mea e hookoia ai o kou mana > lapuwale, no ka mea aole loa e inanaoio ka mea i aloha mai ia'u, ia mau hana a olua, aka e au mai ara no ia i ke kai loa, a hoihoi aku ia'u no Nu loka. E hoomanao oe e Mr. Hamalina, a e lohe pono hoi ko mau pepeiao nunui, i ka manawa a'u e hui pu aku ai me na kanaka Amcrika, o ka wa auanei ia a'u e hua'i ae ai i kau mau hana kolohe ko makuahine, e ike iho ai olua aole he wah» hana maalahi ka pakele ana mai na umii mai a ke kanawai; no ka mea ua paa kuu manao e hana aku i mea no olua e mihi iho ai, a e auamo ai no hoi 1 ka hopena o ka olua mau hana ku i ke aloha ole." "He mau manao koa maoli no kena au e kaena mai nei e Alamira, aka aole nae oe i ike i ke ano o kau mau mea e kamailio mai nei ia'u/' wahi a Hamalina, aka aia nae iloko ona ka hele a piha i ka maka'u, oiai aole o Alamira he wahi kaikamahinea ano ole e hiki at iaia ke paani wale, aka he kaikamahine oia i piha loa me ka manao paa, a i oi aku kona kulana wahine kanaka makua a maopopo hoi i ke aao o na kanawai, mamua o kekahi poe ana o ke kamaaina ana. "E hoomanao iho oe e Alamira, eia oe iloko o kuu mana i keia manawa, a na'u auanei e hana aku ia oe, a hiki i ka pau ana o kou «iau manao uilani, malia o ike iho oe he mau kuko palaualek) wale no kena au. E lohe oe i ko'u manao hope ea, o ia no ko'u hoomakaukau mua ana i wahi nou e lilo loa mai ai i wahine mare na'u, no ka mea mamua o ko kaua haalele ana iho > keia hokele, e mareia ana kaua e kekahi kahunapule, a e o aku ana ka inoa o Hamalina maluna ou, ke lohe mai la anei oe?" "Mai wikiwiki loa oe e Hamalina no ka helu e ana aku i ka makani puahiohio, no ka mea mamua o kuu lilo ana aku i nau, e »kt ana oe i kuu kino puanuanu iloko oka )tta kupapau; aka e ku-e mau aku ana no nae an ia oe, a hiki i kuu make ana. M <Aoie ) pa«.)