Ka Nupepa Kuokoa, Volume XLVIII, Number 19, 10 May 1912 — HE MOOLELO NO ALAMIRA A I OLE Ka Mea Huna Iloko o ke Aniani Kilohi. [ARTICLE]

HE MOOLELO NO ALAMIRA A I OLE Ka Mea Huna Iloko o ke Aniani Kilohi.

MOKUN'A XXXV. "Pela i'o ka hoi! Alaila aole no ia e loaa ana he wahi manao aloha iki iloko ou, no keia hua'i aku o'u i na mea huna a ko'u puuwai 0 ka hiipoi ana, me ka manao e loaa ana ka maha ia ocT r Ike iho la o Alamira, he mea makehewa wale no iaia ka pane hou ana mai imua o kela kanaka, ua like ia nje ka luai ana aku i na momi imua o ka puaa, a no ka noho mumule aku o ua kaikamahine nei, o ka manawa ia a liamalina o ka hoomau hou ana mai i kana mau olelo mali o ka piha maalea: "E hoomanao hoi oe e Alamira, ua haawi mua aku nei au i ka'ū hoohiki no ko'u waiho aku imua oii, i na hooiaio ana apau i pili i ka mareia ana o kou mau makua, malalo nae o kekahi kumu, o ia no kou ae ana mai e !i!o i wahine mare na'u." "Auhea*oe e Mr. Hama!ina, aole loa kekahi kanaka i loaa iaia ke kulana keonimana oiaio, e ae e hoopaa aku i kekahi kaikamahine malalo o kena kumu kohu ole au e pahele mai nei i wahi no'u e maliu aku ai ia oe, koe wale no ko'u kapa ana aku ia oe i keia manawa, 1 ke kanaka i oi aku ke ino mamua o ka holoholona," wahi a Alamira me ka maka'u ole. 44 He oiaio no kena au e olelo mai nei ia'u, aka e hoomanao nae oe, i ka wa o kekahi kanaka e uluhia ai i na manao hehena e like la me a'u nei i ku a pupule ai i ke aloha ia oe, aole loa e nele ana kona law r e ana ae i na hana apau, i wahi e hookoia ai kona mau iini, a pela oe i ike mai ai i ko'u ano, me ka paa no o 'kuii manao. ina aole oe e ae mai ana e lilo'i wahine na'u ma ke ano maalahi, alaila e lilo mai ana no oe na'u ma kekahi ano e ae." "Ea, he mea makehewa wale no ko kaua kamailio loihi ana maluna o keia kumuhana. a ke nonoi aku nei au ia oe, e ae mai oe e hoi aku au noloko o ko u rumi," alaila ku ae la o Alamira iluna, me ka anehe ana aku e hele, aka ua alai ae la o Hamalina mamua pono 0 kona alo, me ka i ana mai: "Eahaia ana no hoi oe e Alamira! mai haalele mai oe ia'u e like • iho la me keia ke ano," i ku okoa mai ai o Mr. Hamalina mamua o ke alahele o Alamira, e hiki ole ai i ua kaikamahine nei ke oili aku iwaho, a o ia ka ua o Hamalina o ka hoomau hou ana aku i ke kamailio ana: "Aole anei ou ike mai i ko'u hele a ulupuni loa, e ake wale ana no o kou ae mai i ko'u iini ? Aole anei hoi, e maliu mai ana oe e Alamira i ka leo uwalo o kekahi mea iloko o ka pilikia?" "Ke kaumaha loa nei au nou e Hamalina, no ka mea aole loa e loli ana ka'u haina imua ou. ua paa loa ia e like me ia a'u o ka hoike mua ana aku nei ia oe. me ka nana ole i ka nui o kou noke ana mai 1 ke koi hoomano ia'u. Ke ike la no oe i keia manawa i ka pono ame ka hewa, a ina no oe e noonoo iho ana me ke akahele, aole aitg. e nele ka loaa ia oe o ka ike, he oi aku ka pono o kou haalele ana i kou mau manao mua, a imi aku i alahele e hoomamaia ae ai kou mau manao kaumaha apau." "Alaila, aole anei ou maleemake e loaa aku ia oe ka palapala mare o kou mau makua? Aole anei ou makemake e kaa aku malalo o kou malu. na hooiaio apau no ke kau ole ana o kekahi wahi kiko eleele maluna o laua a elua?" Hoala houia māi la na manao maikai ole iloko o Alamira, ma o ka manao ana o kela kanaka» o kela iho la na kumu e haawi aku ai oia i kona kino i ko ai na manao palaualelo o ka mea hilahila ole, alaila i mai la ua kaikamahine nei: "Manao paha oe e Hamalina, ua like pu ko'u aloha ame ko'u mau lima me ka waiwai, ka hiki ke kalepa heleia a k\iai aku i ka mea nui 0 ke dala, aole loa o'u makemake e hauhoaia au a paa malalo o kel<hi mau pahele ana a ka mea i piha me'na manao awahua. O ka makemake e loaa ka palapala mare o ko'u mau makua, he iini ia na'u e li'a mau nei i na manawa apau, e ku aku au maluna o ke kahua e koi ai i ko'u pono. ma ke ano he keiki na Mr. Monotuge. aole nae me ka manao e loaa mai ia mea ia'u, ma o ke kuai ana aku i ko'u kino nei, i ka mea a'u i hoowahawaha ai. "Ua hiki i'au ke olelo ae, aole loa au i makemake e loaa mai kela palapala mare mamuU o ke kuaiia, koe wale no ina he hoaloha oe no'u, alaila e haawi mai oe ia mea. i wahi e hoomamaia ae ai ko'u mau manao luuluu i pili i ko'u mau makua. e kapaia ai laua, he mau mea noho hewa, e lilo ai au i keiki poo ole. "Ina eia i'o kela hooiaio nui no ka mare ponoia ana o ko'u mau makua malalo o kou malu. e like me ia au o ka hoike ana mai nei ia'u, alaila aole he mea i kuleana e ae i ua palapala nei, aka owau hookahi wale no ka laua keiki, a o kou malania ana i ka palapala i kuleana ole ai oe iloko olaiia. ua kumakaia mai ia hana au, i kou ano e kupono ole ai ke kapaia aku, he kanaka hoopono.' r "Aohe a'u mau hoahewa ana aku i ka pololei o kena mau mea au e hooili mai nei i na.ahewa ana maluna o'u: aka e like no hoi me ia a'u o ka hoike mua ana aku nei ia oe. no ka paa o ko'u manao e J hookoia ko'u iini, pela au e ku nei a olelo aku imua ou, aole he hana maalahi na'u ka haawi ana aku i kela palapala, aia no hoi paha kekahi ia oe la, ina no ke kaa aku o kekahi mea ano nui malalo o kau malama ana. aole no oe e haawi wale aku ana i ka mea nona ua waiwai la, ina aia kekahi iini nui iloko ou, e loaa mai kekahi mea { tiui ia oe." "He mea makehewa wale no kou imi ana mai i wahi no*u,e ae aku i kou mau manao lapuwale; nolaila aole no o'u nana nui no kela \>alapala i keia manawa, oiai ua hooia mai oe no ka mare ponoia Una o ko'u mau makua, ua hoomamaia mai no ko'u noonoo no laua, | a he mea no na'u e hauoli nei, ka ike ana, ua oili mai au he hua no ko laua kihapai. a o ke kaawale ana o makuahine mai ko'u ma-! kuakane aku, mamuli no ia o na hana a ka enemi, nolaila ua lawa ia mau hoomaopopo ana, no Ice kau ole mai o kekahi mau kikohukohu maluna o'u." Ia hooki ana iho o ka Alamira kamaiiio ana mai, ua hoao hou mai j 1a oia e hele, aole nae he wahi mea a kunihi ae o Mamalina, ke ku la no ua kanaka nei mamua pono mai ona. me ke alai okoa ana mai 1 kona lima, i ole ai o Alamira e haalele mai iaia iloko o ke anu o Alika, a o ia ka ua o Hamalina o ka pane hou ana mai: "Mai manao oe e Alamira ua pau leo'u manao ana e lilo mai oe na'u, ao\e, no ka mea e noho mai ana no oe me a*u a hiki i kou haawi ana mai i kou ae, e mare kaua ma keia mua*aku." "Auhea la koi» ano kanaka e Hamalina! Ke nonoi aku nei au ia oe ma ke ano hoaloha. e ae mai oe e hookuu ia'u no ka hoi ana aku noloko o leo'u rumi i keia manawa f' "Aole au e ae aku ana i kau noi, ahea no la hoi oe ae mai me ka maikai e lilo i hoa kaunu pu iloko o na inea o keia ola ana." O kela mau olelo ku i ka hoonaukiuki/ka mea nana i hoaia hou aku i na manao huhu iloko o Aiamira t a ia wa i kau mai ai ka nana ana a kona mau maka maiuna o Hamalina, a poha mai la kona leo me he poka pahu la, i ka i ana mai: <4 lna penei iho la oe e hana mai ai ia'u, alaila e konoia mai ana an e haalele iho i ka hoomanawanui, a e hana aku au i ka mea au e mihi ai. no kou maliu ole mai i na olelo no kou pono." Na kela mau olelo i haawi aku i ka wiwo ia Hamalina, hohola ae 1a hoi ka liaikea ma kona mau papalina. a akahi no oia a ku ae ma I ahi e no ka ae ana ia Alainira e hoi aku noloko o kona rurat„ a haalele iho iaia iloko o ke anu ame ke koekoe.

Me ko Alamira kakali hou ole aku, oiai o ka makemake n\ii no ia .> «a kaikamahine ia o ke kaawaie ae o kona wahi e hele aku ai, ua hoi poiolei aku la oīa noioko o kona rumi, me ke pani ana mai i ka puka a paa f i ole ai oia e hoopilikia houīa aku e keia kanaka. la noho ana aku a A!amtra naloko o kona rurai, ua noonoo iho !a oia i na mea apau ana i !ohe ai mai ia Hamalina ak - tio kona makuahine. 2 me he inea !a, ua hoopoinaia ae na mea Apau man kona noon»x> ae, koe wale no o kona makuahine ka mea nui laia, a o ia kana o ka namunamu iiilii ana iho: 'Ke hauoii loa nei au i ka lohe ana, ua mare ponoia ko'u tuau makaa. a eia ka ke waiho mai nei kekahi mau mea a ko u mau ma- | kua o ka hoomoamoa ana no'u! Ina no ka loaa o kela palapala mare o ko'u mau makua, he mea e ka hauoli o kuu uhane, ke hele aku no ka halawai pu ana me kuu Roi aloha, me ke kiko eleele ole maluna o'u. "E lilo pu ana i mea no'u e hauoli ai ke hele aku imua ona, ma ke ano, aole au he kaikamahine ilihune a nele, aka e holo mai ana na waiwai o Homa Foreka maluna o'u. Me he mea la ma ka'u koho, aia kela mau mea i pili loa i ko'u mau makua. ma ka home o Mrs. Monotuge, maloko o ke kulanakauhale o Nu loka, aia nae au a huli hoi aku ilaila, e hele aku ana au e hui pu me Mr. Kobina. a hoike i aku i ka'u mau mea apau i lohe ai. malia oia ka i ike i ke alahele e | loaa mai ai kela mau mea." | Ke noonoo nui Ia ua kaikamahine nei i kela mau mea. me kona haupu mua ole ae nae, no ke kaa ana aku o ka palapala mare o kona ! mau makua malalo o ka malu o kana aloha o Roi, a aia hoi maloko o ka pahu hao o Mr. Kohina. e kakali malie mai ana o kona huli hoi aku, o kona hoikeia ae no ia imua o ke ao holookoa, ma ke ano aole oia he wahi kaikamahine hoopiliwale, aka he kaikamahine oia i noho iluna o ka waiwai ame ka hanohano, i lilo nae i me kuewa a noho aku malalo o kekahi, mainuli o na hana lokoino a ka \Vahine i lili makawelawela loa i kona makuahine ame ia nei. I kela noho hookahi ana aku hoi a Hamalina maloko o ke keena hookipa o kona makuahine, he hookahi no mea nui iloko o kona noonoo, o ia no kona ku ana i kahi o ka hoka, eia nae aole no i pau | kona manaolana, a ke au wale la no kona noonoo o ka loaa o kahi maalahi e hookoia ai kona mau iini. Maloko o kela keena kona wahi i noho ai a hiki i ka huli hoi ana aku o kona makuahine, a hoomaka koke mai la no oia e hoike i na mea apau i ala mai ma kela hui pu ana ona me Almira, a noho like iho la laua no ke kukakuka pu ana i ka laua mea pono e hana aku ai no ka pono o ka hana i hoolala muaia e laua a elua. Ma kela lohe pono ana o Mrs. Monotuge i na olelo mai kana keiki aku no ka hoopalauia ana o Alamira me Roi, a e makaukau loa ana laua e mare aku, ua oi loa mai la ke ake nui o ua wahine nei e mare koke aku o Lui iaia, me he mea la o kela mau ku-e ana maniua uo ua kaikamahine nei, ua like pu kona ikaika ma ia hana, me keia ana e manao nei e hoomare i kana keiki me ka mea ana i hoihoi ole ai, a o ia ka ua wahine nei o ka i ana aku i kana ke^ki: "Aole loa o'u makemake e hokai wale ae kela kaikamahine iloko o ka ohana o Mr. Pama; nolaila e ku-e aku ana au ma na ano apau i wahi nona e hoea ole ae ai e ku mai i akua lapu hoomaka'uka'u ia'u. Ina e noho aku ana au i haku maluna o ka ohana o Mr. Pama, he mea pono ia'u ke kipaku loa aku i ke kaikamahine a Alamira Foreka mai ia'u aku, e hokai oleia mai ai ko'u hauoli o keia mua aku." "He keu a'ku hoi ha ka maikai ole o kau mau hana e mama, no ka'u wahine e mare aku ai, he keu no hoi o ka mahalo mai kau iaia, a he hookahi hoi ko kakou noho like ana aku iloko o ka hauoli, eia ka o kou hauoli w r ale iho no kau e nana." "Pehea auanei e hiki ai ia'u ke alo ae, no ka mea ua Ike no oe e Lui i ka nui o ko'u hoowahawaha i ka makuahine o kela kaikamahine, pela no au e hoowahawaha aku ai i kana keiki, nolaila mai ahewa wale mai oe ia'u e kuu keiki, aka e uumi malie oe i kou mau manao maikai ole„ a e imi aku 110 oe i wahi no ohia e noho ai, malia pela iho la kaua e pono ai o keia noho ana akii. Laki maoli no au o ka loaa ana o ka palapala mare o na makua o kela kaikamahine, a pela me kekahi mau mea e ae, aole loa o Alamira e ike ana ia mau waiwai, o ku mai auanei ka hoonaaikola a kela kaikamahine ia'u." "Ua lawe pu mai no nae paha oe i kela mau mea apau me oe ea?" "Ua poinaia au i ka paa pu ana mai i kela mau mea apau me a'u, a o keia no hoi ka manawa mua loa o ko'u poina ana, pehea hoi e nele ole ai ka poina, i ka nui 110 0 na mea e noonoo ai. "I ka loaa ana ae o kau kelekalapa ia'u, a pela me kau leka, o ko'u hoomakaukau koke iho la no ia i ko'u mau ukana, a he hookahi no a'u mea nui iloko o kela manawa, o ia no ke kaawale koke ana aku o Alamira mai ke kulanakauhale mai o Nu loka, a e ike mai oe e kuu keiki, pela iho la i palaka loa ai ko'u noonoo no kela mau mea, e hooili ole mai ai oe i kati mau ahewa ana maluna o'u." "Ina no o ka palapala mare wale no kau i poina, aole no ia he mea ano nui, aka no kela mau elaimana hoonani, he mau mea poina ole kela, oiai ina no ka pau o ka hale i ke ahi, e poho ana kela mau waiwai makamae e loaa ole aku ai me na wahi dala uuku." 4< lle wahi poho uuku loa kefa e loaa ana ia kaua, oiai aole no au e kala i manao mua ai e kiola aku i na mea hoonani o ka wahine aii i hoowahawaha loa ai, eia nae i kela ame keia manawa a'u e manao ai e hana aku pela, o ka wa ia e ala mai ai kekahi manao ano e; a malama hou aku la no au,' aka a-ia nae kaua a huli hoi aku, e pau aku ana kela mau waiwai i ke kiolaia e a*u iloko o ke ahi f kahi e ike hou oleia aku ai ko lakou nani. rr Aohe ano maikai o kela mau olel©» i ko Lui Hamalina noonoo, no ka mea aia kona makeinake e ili mai ia mau lako hoonani no kana wahine ke mare aku, eia nae aoTe no ona pane wale aku, koe wale no ka hookuu ana aku i kona makuahine e hana e like me kana i manao ai e hooko aku. "E hoihoi mai i ko kaua noonoo ana maluna o ke kumuhana ano nui nana i kono mai ia kaua e hoea mai no keia wahi." i hoomau hou aku ai no o Mrs. Monotuge i kana kamailio ana. "Ua lawe mai au i kela kaikamahine no keia wahf r no ka mare ana aku me oe, aole no kekahi hana okoa aku, a me ia manao paa iloko o'u, e hoomare aku ana au iaia, ina ua makemake a makemake ole paha oia, a ke ko ole ko'u makemake ma ia ano. alaila e hana ako kaua ma na hana kolohe, aia ka pono, o kona kaa aku malalo o kou malu, a kani ka kaua aka, ua hala ka ua ka mea maka'u. Pehea Ia kou manao e Lui i keia mau mea a'u e hoakaka aku nei ienua ou <4 Ke lokahi aku nei aa me kena mau manao ou, o ke ake nui wale no iloko o'u, o ia kona lilo mai i wahine na'u. a pau ko'u auwana ana, aka noho aku au. a milimili malie i ka*u mea maikai." Ua hele a ka hora elua o kela po. akahi no ka makua a kaawale mai ke keiki aku, a iloko o kela mau hora loihi, i noke ai laua i ke kukakuka a hiki i ka holo ana o na mea apan, koe wale no ke kakali ana aku o ka la o ko laua hauoli. Oiai nae o Lui Hamalina me kona makuahine e noke la i ka ohumuhumu no ka hookoia o ka laua mau kuko palaualelo o ke ano ino haahaa loa. aia kekahi mau mea kupaianaha maloko o ka roira o Alamira, he mau mea a ua kaikamahine la i moeuhane mua ole ai. na hoea mai ka puuhonua no kona mau manao luuluu apau. Ua haalele aku nei kaua e ka mea heluhelu i ka kaua Alamira maloko o kona nimi, e noonoo nui ana no na mea pili i kona mau makua. ame na hooiaio e pili ana i ko laua mareia ana. Iloko o ia noonoo ana, me he mea la e okuku mau ae ana kekahi manao iloko ona. e loaa i f o aku ana iaia ka palapala mare, a mahope o ka hala ana o kekahi manawa loihi iaia ma ke au hele ana i kana mea e hana aku ai ma kekahi la ae, ua hooholo iho la oia e huli hoi aku no Nu loka ma ke kakahiaka ae o kekahi la, me ka nana ole ina e au*aia mai ana oia e kona haku e noho. *'Pehea la ka loihi o ka manawa i koe a Mrs. Monotuge i makemake ai e noho ma keia w*ahi. mamua o ka huli hoi ana aku no Na loka. Ua oielo mai hoi ua wahine nei, iloko o na pule wale no elua i

e hoohala ai ma keia wahi. o ka'u nae e ike nei, oka pau ae no ii o na puie elua, aohe wahi mea a ikeia aku o kema hoomakaukau mai no ka hoi ana ika home. Heaha la keta manao nui o kona hookolo!ohe ana e noho maanei nei; aia a ka la apopo ninau akn au iaia no : ka manawa e hoi ai no Nu loka. a ina e i mai ana oia. he pule koe e noho ai maaneī, alaila e olelo aku ana au iaia. no ko'u huli h<*i ki>ke iaku no ke kulanakauhale o Nu loka. me ka hoohakalia hou ole aku.** Ua makemake ua o A!amira e kakali a hiki i ka hoi ana aku o ! Mrs. Monotuge, no ke kokua ana i ua wahine nei, ma ka wehewehe ana i kona lole. aka no ko ia nei ano maluhiluhi, a no ka hoi leoke I ole mai no hoi kekahi o kona haku. nolaila he hookahi no a ia nei : hana pono. o ka hoi wa!e aku no e hiamoe. laia e wehewehe ana i kona lole, a ia kii ana aku i kona iole moe[po, eia ka ua haawiia eia e holoi ma kela kakahiaka, aka malia h« | muumuu moepo no kekahi ana o ka hookomo ana iloko o kona paho, [ o kona hele aku la no ia e wehe i ke pani me ka i wale ana ae no: i "Ke ole au e kuhihewa, he muumuu okoa ae no kekahi i'u oka | hookomo ana iloko o ka holowaa waiho papale," alaila noke aku la | oia i ka huli, aka aole he mea i loaa iaia. nolaila ua wehe okoa mai | la oia i ka holowaa maluna o kona pahu lole, a kapae ae la ma ke- | kahi aoao, a hoomaka aku la e huli ialoko o ka pahu holookoa, malia i aia ilaila kahi i waiho ai. I Ma kela huli ana aku ana. ua loaa aku la he pahu holowaa. a i waiho wale ae la no ma kekahi wahi kaawale, a noke aku la i ka | huli iwaena o kona mau lole a hiki no hoi i ka loaa ana o ka muui muu ana e huli ana. laia nae i hoihoi pono iho ai i kona mau lole iloko o ka pahu. ua I pa hewa ae la ke ku'eku'e o kona lima i kahi pahu ana o ka waiho | ana aku. a o ka hina aku la no ia a hooku'i iluna o ka papahele, me | kona hooho ana ae: "He keu aku ka hoi a ko'u noonoo ole!" alaila o kona lalau iho |la no ia, a nana ina paha ua poino kela pahu holowaa. "Auwe! o I kuu aniahi kilohi ka keia a kuu makuakane o ka haawi makana ana | mai," a lolelole loa iho la oia no ka nana ana ina paha ua naha ke j aniani kilohi, i lilo i mea nui i kona makuakane hanai. | Iloko o kona piha hauoli loa, ua hapai ae la oia ika pahu iluna, | oiai he o ia mau no ka maikai o ke aniani, aole i naha, a hookupono i ae la oia i ka holowaa iluna, a ia wa i hemo aku ai kekahi hapa o ka holowaa, a ahuwale ae la he mau ukana lehulehu iloko o kela pahu, ka mea a Dinamoa o ke ake ana e hoikeike mai imua o kana kaikamahine i na mea huna pili i kona mau makua. "Auwe no ka hoi e! Eia keia mau leka ame keia wahi pahu uuku iloko o ka holowaa, aole palia e kala keia mau mea o ka waiho ana maloko nei o keia wahi me ka ike oleia. "Alia nae e nana ae au i keia mau leka, eia keia leka la, he leka hou o ke kakauia ana, ina paha he mau rnea kahiko loa keia, aole ana ? pele ka hele a powehiwehi, Auwe! ua kakauia keia leka ma ko'u inoa, a ke ike nei au i ka lima kakau o Oinamoa, me he mea la ua ike mua oia i keia holowaa huna o keia aniani, a nana i hookomo malaila na'u e nana aku mahope." No ka piha pihoihoi loa o ua o Alamira ma kana mau mea e ike ana, malia aia iloko o kela mau mea, ka mea huna pili i kona mau makua, ua haule aku la ua mau ukana la mai kona mau lima aku, a 0 ia kana o ka hooho ana ae: "Eia i'o kekahi mau meahuna i pili loa ia'u maloko o kela mau mea," alaila nana pono loa aku Ia oia i na ope pepa e waiho mai ana iluna oka papahele. "Malia eia iloko nei o kekahi o keia miu ope leka ka mea huna pili i ka hopena o kuu makuahine, a ina pela t alaila he keu aku maoli a lea mea kupaianaha, o ka hiki ana ia'u ke ulaa ae ia mea huna, iloko o ka manawa a'u e ake loa nei e ike. ' Ua hiki ole anei ia Dinamoa ke hoike okoa mai ia'u ma kela kakahiaka poina ole, mamua o kona loaa ana i ka ma'i, a no ia kumu 1 kakau okoa ai oia maloko o ka leka na'u e heluhelu aku mahope 0 kona make ana ? Ae, ke hoomanao nel au ma kela manawa o kona aneane loa ana e make, iaia e haawi mai ana i kekahi hoailona, a hiki i kuu ku okoa ana i keia aniani, eia ka no na w*iwai maloko nei kana i ake ai ia'u e maopopo. "Me he mea la e ake mai ana oia e maopopo' ia'u kahi huna o keia aniani, aole nae hoi he maopopo iki, a make wa!e aku nei oia," alaila noke iho la ua o Alamim i ka uwe„ me ka ehaeha o ka naau, no ka hoomanao i kona makuakane. Nana pono loa iho la oia i ke aniani kilohi, me ka hooneenee malie ana i ka holowaa, i hiki ai iaia ke ike i ke pilina huna, nana i hoopaa ika holowaa mai ka ike waleia aku. No kekahi manawa loihi kona hana mau ana pela, akahi no a maopopo iaia ka onioni mau o kekahi kui iwaena konu o ka laua pahu mawaho ae o ke aniani, a ia wa i loaa ai iaia kahi huna, e hiki ai ke kaomi aku, i hemo mai ai ka holowaa, i na manawa apau e makemakeia ana e wehe. Ua pani ino aku la oia i ka holowaa iloko o ke aniani, a ia kaomi anaakuma kela kui ana o ka nianao ana, malaila iho la ka mea huna e hiki ai ke hemo hou mai ka holowaa iwaho, o ka hemo mai la no ia, a waiho ana iwaho. "He keu maoli keia a ka mea kupaianaha a'u e ike nei, me he mea la ka hoi ua loaa ia'u ka meahuna, e ala hou mai ai ka mea i make mailoko mai oka luakupapau. Ua aneane e hiki ole ia'u ke nana i | na waiwai oloko o keia holowaa, aka mamuli o ke kakauia ana o ! keia leka ma kou inoa. ua konoia mai au e manaoio aku, no'u wale no k «>a mau waiwai apau maloko o keia pahu. Heaha nae na ukaj na oloko nei o keia leka?" No kekahi manawa nae ka noho malie ana o ua o Alamira wv ka hoopa ole aku i kekahi o na ukana e waiho mai ana imua o ' k°na alo, alaila na kii akn la oia i kekahi noho, a uwai mai la ma kahi o ke pakaukau e ku ana, ohi mai Ia i na mea apau a mokaki maluna o ke pakaukau, a hoomaka akn la e nana i na waiwai o kela i mau mea. MOKUNA XXXVI. ! Mamuli o ke ake loa o Alamira e ike i na ukana oloko o kahi pahu uuku e waiho ae ana imua o kona alo, ua kaa mua kana nana ana i na ukana o ua wahi pahu nei, aolea mea i loaa iaia, he elua mau komolima, a o ia kana o ka hooho ana ae: "O! ke ole au e kuhihewa, o na komolima keia o kuu makuahine ponoi, he komo hoopalau ame ke kooio mare, me he mea la ua laweia mai kona mau manamana mai i kona wa i make ai, a ua malama malie o Oinamoa i keia mau komo no'u iloko o keia mau makahiki loihi. Heaha no la hoi kona kumu oka hoike mua ole ana mai i keia mea ia'u i kona wa e ola ana, i lilo ai keia mau komo i mau mea nui loa ia u," alaila ua lawe okoa mai la oia i ua mau komo nei a paa iloko o kona lima, me ka lolelole ana iho i ko laua mau ano, a i hott ae la, e like me ke keiki i makee i kona makuahine aloha: "Auwe no hoi oe e kuu makuahine! Nani ka ehaeha o kuu puu-w-ai oka hoomanao ana ae nou! Ina paha oe i ike ika nui makee o kau kaikamahine nei i keia mau waiwai makamae au i hiipoi ai iloko o kou mau la wahine u'i, aole ana no e nele kou haawi ana mai 1 kau mau hoomaikai ana ia'u, aka e malama ana nae au i keia mau komo, i mea hoomanao poina ole na'u ia oe," a hoomaka hou iho la oia e uwe, "Me he mea la ua iike loa no lea nai o ko mama manamaiulinu me kou, a hookomo iho la oia i ua mau komo nei \ kona manamanalima, me ke kupono, a pahola ae la ka minoaka ma kona mau papalma, alaila wehe hou ae la i ke komo mare no ka nana ana malia paha he mau mea kekahi i kuniia ma ka aoao maloko o ke komo, 1 kona hana ana nae pela, na ike iho Ia oia i U kau ae o kekahi mau mea i kakauia, o ia ka mahina o lune, la 6, 1861.