Ka Nupepa Kuokoa, Volume XLVIII, Number 4, 26 January 1912 — APONO O KAUAI I KE KULANA MAEMAE [ARTICLE]

APONO O KAUAI I KE KULANA MAEMAE

Ma ka huli hoi ana mai nei a ka Peresidena o ka Papa Ola Pratt mai Kauai mai ma ke kakahiaka o ka la Sabati nei, i hoike ae ai oia i ke apono ana o na mahiko apau o Kauai, e hoohana aku i na alahele a ka Papa Ola o ka hoolala ana aku imua o lakou i wahi e loaa ai ke kulana maemae ma kela ame keia wahi o na mahikt> lehulehu.

Ua hoea aku ka Peresidena Pratt ame na Kauka McCoy ame Shepard no Eleele, ma ke kakahiaka o ka Poakolu aku nei o ka pule i hala, a mailaila mai lakou o ka hele ana mai no Lihue, a ma ka hui pu ana me ka lunanui o ka mahiko, ua hoakakaia aku na mea a ka Papa Ola o ka hoolala ana no ke kulana maemae iwaena o ka poe hana o ka mahiko, a mahope o na kamailio loihi ana, maloko o kekahi halawai, i akoakoa mai ai na lunanui o kekahi mau mahiko e ae, ua apono lokahiia ka mauao hoomaemae. O na mea i hoolalaia, o ia no ka loaa ana he lunanana, nana e komt> hele ma kela ame keia wahi. no ka maka&la ana i na mea e maikai ole ai ke oia kino, a e loaa i kela kanaka ka mana e like me ia e loaa nei i na lunanana ma keia kulanakauhale. Mahope iho o ka halawai ana ma Lihue, i hoomau aku ai ka huakai a ka Peresidena o ka Papa Ola no Kiiauea ame Hanalei, alaila hoi hou mai no kekahi mau mahiko e ae, no ke kukakuka pu ana no i na mea e haaaia aku ai no ka j*>no o kela ame keia apana. Ma kana hoike mai, na loaa mai na manao apono mai ko Kauai poe mai, no ke alahele e iaweia nei e na wahi e ae no ka makee ana i ke kulana maemae o ka noho ana o na kanaka.