Ka Nupepa Kuokoa, Volume XLVIII, Number 3, 19 January 1912 — KAA KA HAAHEO I KA CHINESE A. C. [ARTICLE]

KAA KA HAAHEO I KA CHINESE A. C.

No ka manawa mua loa, mai ka hoomaka ana o ka hui kinipopo Virginia Koniohana e ulele me na hui o Honolulu nei, aole loa he manawa i haule ai kela hui, aka ma ke Sabati aku la nae i hala, i hoohaahaaia aku al ka moho o ke aumoku kaua o ka Pakipika e na keiki 0 ka kui C. A. C., ma o ka loaa ana o na aipuni he eono ia lakou, e ku-e ana 1 ka ekolu wale no a ka Virginia Komohana. No kekahi manawa loihi ae nei ka īke oleia ana o kela hui o na keiki Pake maluiia o ke kahua paani, aka aole no nae e hoohewahewa ana ko ke kulanakauhale nei i kela hui, ma ke ano 0 kekahi ia o na hui ikaika loa, e hiki ole ai ke lanakila na hui nawaliwali iho, maluna ona. 0 keia hui o na Pake, ka mea nana 1 ulupa aku i ka Hui Keio, a hiki i ka uluaoa ana mai o na Kepani me na manao kuaki, a o keia no hoi ka hui mua loa nana i kaili ae i ka hanohano a ka Yirginia Komohana e lei mau ana i na manawa ae nei i hala, a lakou e ulele ai me na hui kamaaina e ae. He paani kela i hoalaia ae no ke kokua ana i ka hui ke'a ulaula o na Pake, no ke kokua ana aku i kekahi waihona ■no ka poe pilikia ma Kina, a ua ikeia jio hoi ke ohohia o ka lehulehu i kela hana, ma o ka hoopihaia ana o ka paka kinipopo o ka poe makaikai o na lahui like ole, a o kekahi kumu paha hoi o ka piha, mamuli no ia o ka maikai o na hui na laua e paani ana ma kela la. Aole nae e hoohewahewaia ke kuiana akamai a maamaalea o na keiki o ka Virginia Komohana, aka o ke kumu walo uo o ko lakou pilikia, ma o ko lakau noupopo la iloko o na komo mua ana ekolu, na komo ana hoi i loaa ai na aipuni i ka. hui o na Pake, nana i kaili ae i ko eo ma ko lakou aoao. 1 ka wa nae o ke komo aua mai o ka lua o ko lakou noupopo, aole i loaa hou he aipuni i na Pake a hiki wale i ka pau ana o na komo ana eiwa. Penei iho ke ano nui o ka paani ana ma kela la: 0 ka hui o na Pake ka mua loa o ke komo ana e hahau i ka popo me ko lakou hoi nele ana i ke komo mua ana, a i ke komo ana mai hoi a ka Virgiuia Komohana, ua loaa he elua mau aipuni ia lakou. 1 ka elua mai o na komo ana, o ka mamiwa ia o ka hui o na Pake i oni mai ai, me ka hahauia aua o ka popo ma kela ame keia wahi, a iloko o na nianao pihoihoi, me ke pioloke ma'na aoao a elua, ua loaa aku la i ka hui Pake he eha mau puni iloko o kela ko-, iiio ana, Ia komo hou ana mai hoi a ka Virgima Komohana, ua hoi lakou mo ka nele, a i ko na Pake mauawa mai ho'i, ua loaa hou he elua mau aipuni ia lakou, a o keia ka manawa i komohia mai ai na kohokoho ana iloko o ka lehulehu, no ka hiki ole i ka Virginia ke paa i keia inoa moho ona. I ka ha mai o na komo ana, a hiki wale i ka pau ana o na komo ana eiwa, aole i loaa hou he aipuni i ke C. A. C., o ia hoi mai ka manawa mai o ke konio ana o ka noupopo hou o ka Virgiuia; no ka mea ua hoopahu'aia ka ike hahau o ua mau keiki la o Kina i ka popo a kela haole. Ua hooikaika ka Virginia iloko o na komo hope ana mai a lakou e loaa hou ho mau puni e pa'iapa'i aku ai me na puni a ke C. A. C.; eia nao iloko o kela manawa hookahi, e noho mai ana na keiki Pake me ka mnkaukau loa i na manawa apau, a he hookahi wale no puni i loaa hou i ka Virginia iloko o ka iakou komo ewalu ana. Ua hoopihaia na mea apau me ka hauoli no kela paani ana, o ke kumu nui paha hoi, inamuli o ke kaa ana o ke eo i ka hui C. A. C., a he oiaio ua loaa aku ka lanakila ia lakou mamuli o ka hooikaika o na mea apau, aole wale ma ka hoao ana e pa ke.kinipopo i ka hahauia, aka ma ka hoao pu ana kekahi e hopu i na popo apau o lele aku ana ma kahi o kela ame keia keiki, a pela me ko lakou maka'u ole i ka holo ana i na pnhu.