Ka Nupepa Kuokoa, Volume XLVIII, Number 3, 19 Ianuali 1912 — ME MOOLELO NO KE KI KULA A I OLE Ka Waiwai Hooilina a ke Aloha. [ARTICLE]

ME MOOLELO NO KE KI KULA A I OLE Ka Waiwai Hooilina a ke Aloha.

MOKUNA XIX. KO GERALA HALAWAI ANA ME HABADA. Ua pii mahuahua loa ae la ko Ma'bela maikai mahope mai oia halawai ana ana me ka'na aloha, no ke kumu no, aohe ana mea e hookaumaha houia ai kona noonoo, a oiai e noho mau aku ana kana aloha imua o kona mau maka, me ka hiolani pu ana me ia ia mau po a ke anu hu'i maeele aole i kana mai, ua lilo loa ia i laau lapaau hooikaika kino maikai loa nona. I ka loaa ana iaia o ka ikaika maikai no ka hele ana, liuiiu iho la laua no ka hoi ana aku i ka home o ka ohana Liteltona ma ka Mokuaina o Uinoi, a i ko laua hiki ana aku ua hookahaha loaia ka ohana i ka lohe ana he wahine o Mabela i mareia aneane e piha ka makahiki a e haalele koke iho ana 110 ia lakou no ka noho mau loa ana j aku ma Enelani. Mahope o ko Mabela mau kaikunane hawanawana ana mai me I ka ma-lu ma ko Mabela mau pepeiao, ko laua wahi kaikuahine hookahi wale no, a i ko laua maopopo ana o ke kanaka opio i hoea pu aku ai me ia he kaikoeke oia uo laua, ua hookipa aku la laua i ka malihini me ke ohaoha, a ua oi aku ko laua hauoli 110 ka moolelo kamahao o ko Mabela ma mareia ana mamua o ka inaina i ke kanaka malihim o ka hoea pu ana aku me ko laua kaikuahine. Xo ka makuakane nae, ua piha loa oia i ka huhu 1 kona lohe ana i ka hana a kana kaikamahine i hana lapuwale ai me kona ike ole, a ua manao inaoli iho la no ka makuakane e hoonele loa ia Alabela i kekahi hapa o ka waiwai, e like no hoi me na makua makee i ka lakou mau kaikamahine o ka hoopunahele ana a na kekahi kanaka okoa loa ka hoi i maopopo ole kona kulana, e palaha e i ke kua o kana mea o ka hanai ana a nui puipui. Eia nae, ua hiki ole i ko lakou mana ame ka lakou huhu ke lanakila maluna u ke kanaka opio i kuleana ia Mabela i keia manawa, oiai, mahope iho o ko lakou ike maopopo ana i ke kulana keonimana oiaio o Bomale opio, me ka hoakaka pololei ana aku ona i ka liewa ana i hana ai ma o ke noi ana ia Mabela i wahine nana, a o na ahewa ana a pau a lakou i manao ai e kau aku maluna o Mabela e pono e hookauia aku maluna ona, no ka mea oia ka i hewa ma ka hoowalewale ana e mare ma-lu, a ina ua hewa ia hana ana a laua mamua, ua ae loa oia e mare houia laua e like me ka makemake o ka ohana, mamua o kona ae ana e hookuu ia Mabela mai kana upena aku, a no ka mea, ma kana hoaka'ka ponoi, o Mabela hookahi ka u'i nohea nana i ume aku i kona puuwai mamuli o kona u'i, ka waipahe ame ka paa rula. Ua lilo ia nianao ana o ka hoakaka ana aku i ka makuakane i mea ]>ono ole loa i kona uoonoo, aka nae, mahope mai, mamuli o kona ike i ka u'i o kana hunona kane, a o ka oi loa aku oia kona maopopo ana he Rarona o Kale Bomale, ke kanaka opio ana i huhu kuhiliewa ai, no Pelekane, a o ka makuakane o kana hunona kane ke» kahi o na alii koikoi a waiwai loa o Pelekane, a ua oi aku kona hauoli i kana kaikamahine e kapaia mai ka Leele Bomale, nolaila ua hooki loa oia i kona mau manao inaina a pau, a hoomaka koke iho la i ka hiipoi ame ka pulama ana iaia nie he keiki ponoi loa la nana. Mamuli o ka noonoo nui o Mr. Litelatona no ka hanohano ame ka waiwai. a no kona ike maopopo ana iho he kanaka hanohano maoli ka kana hunona 110 Enelani, ua kala aku la oia i ka hewa p kana kaikamahine i hana ai, a e like me kela ano hoopunahele a hoopailani i kana kaikamahine ponoi i na la i aui aku, pela kana i hana ai maluna o kana mau keiki itia ia hope mai. II e man pule ekolu ko lakou noho hauoli like ana malaila, a 1 ka la hope loa, haalele iho la o Mabela me kana kane no ka hoi ana aku i Enelani, ka home o ka Barona Kale Bomale, a malaila laua i noho ai me ka hauoli loa me ka maikai a oluolu o 'ka noho ana, a no kekahi manawa o ka makahiki e holo ae ana laua i Amerika e ike i ka ohana. Ua make aku ke kane a Mabela, ka Barona Bomale opio, he makahiki mamua aku o ko Gerala noho hana ana aku malalo o ka Loio LiU'hona, a o keia hihia a Mr, Litelatona e lawelawe nei, no ka hoo]ionopono ana ia i ka waiwai o kona kaikuahine i haalel«ia iho e kana kane me ka hoomaopopo 6leia o kona kuleana iloko oia waiwai. a he nui ka hana ma ka imi ana e maopopo ka poe i pili loa i ka mea i make kauoha ole; he mea kekahi i pili i ka mea i make. aia ma kalii uiamao loa kahi i noho ai, a oia ka i hookonao mai i kana koi e noi ana i kona kuleana iloko o ka waiwai, me ka olelo ana oia ka pilikoko pili kokoke loa i ka mea i make. 0 keia wahine e koi mai nei he wahine waiwai oia mai kona mau makua mai, aia nae ma na aina e kahi i noho ai, he kaikuahine hanauna no P»omale opio i make, ka wahine a ka makuakane i 'makemake ai iaia e mare a i noi mai ai iaia, i hoikeia ae nei mamua . l'a niii ke aloha o keia wahine i ka Barona Bomale opio i make nie kona makemake nui e mare me ia, aohe nae he makemake o i{omale opio, a mamuli o ka mare ana o Bomale opio ia Mabela ua nui k«>na huhu me ka lili i ka lilo ana ia Mabela. () ke kumu nui koikoi loa o ka ikaika o ke koi ana a keia waliine i ka waiwai. mamuli no ia o kona hana mua ana i kekaki pala•ala e hooili ana i kona waiwai a pau maluna oJ3omale opio i kona wa e make ai. a ua ikeia ia hana ana he umi makahiki mahope mai, i ka wa i noho ae ai o Mabela i ka Aha Bomale ma ke ano oia ka Leile P.omale, a he wahine hanohano hoi a keia wahine e koi nei i ka waiwai, i haawi ai i kona malialo mahope iho. Ma ia kumu he waiwai hooilina nui hewahewa loa ko ka Barona Bomale opio, a oia ka Mr. Rikeke Litelatona e hooponopono uei i hoopakeleia ai ka waiwai o kona kaikuahine mai ke koi mai a keia >vahine. Ua hapaiia ae kela hihia imua o ka aha hooponopono waiwai mamuli o ka hoopii a kela kaikuahine hanauna o Bomale, a i na manawa lehulehu i hooloheia ai ka hihia, ina ka hoomaopopo ana aolie manaolana no ka loaa o ka pono ma ko iV(abela aoao, a me he mea la e hala ana paha kekahi mau makahiki loihi mmua o ka pau ana o ka hihia i ka hooponoponoia. Ma keia manawa o Gerala i halawai mua ai me ka Leele Bomale; he wahine ui oia nona na makahiki i kela manawa mawaena o ke kanakolu ame ke kanaha, a oiai laua e launa mau ana, ua ume likeia ka naau o kekahi i kekahi. N'olaila, i ka wa i lohe maopopo ia ae ai o ka haawina pilikia i kau iho maluna o Gerala mamuli o ka make hikiwawe loa ana o Alisona. kana ipo, ua komo mai la ka Lede Bomale ma ka u pu ana me ia ma kona aoao me ka hoike mai i kona minamina i ka mea i make aku, oiai nae, aole oia i ike i na helehelena o Alisona, a oiai o Gerala e waiho ana i ka ma'i, e hele mau aku ana ka Lede Bomale e ike iaia me ka makaala mau ana i kona malama ponoia a no ka hoohauoli pu ana aku no hoi kekahi iaia e like me ka hiki iaia ke hana pela. 1 ka wa i hiki pono ae ai ia Gerala ke haalele iho i kona rumi o ka moe ana i ka ma'i, hiki hou aku la ka Lede Bomale imua ona a hoolala aku la i kekahi mea ana i manao ai he mea ia no Gerala e p< >maikai ai.

Noi mai la oia ia Gerala e hele aku i kona halealii nani a e paina pu me ia i kekahi la a ua aeia aku ia noi ana, a oiai laua c luana ana ma ka rumi hookipa mahope o ka aina ahiahi, noi mai la oia ia Gerala e hoakaka aku i kona manao kaumaha me ka huna ole i kekahi mea, me kona aloha nui no ke kaikamahine u'i ana i manao. ai e mare, a i ka pau ana o ka Gerala hoakaka ana, ma na mea ano nui, mai ko laua launa mua ana a hiki i kela make ana aku !a o, Alisona, ua hoike mai la no hoi oia i kona moolelo ,e like me ia i j hoakaka muaia ac nei. "Hoi mai kaua e noho ianei no kekahi manawa, owau wale no keia e noho hookahi nei i ko'u hale me ka mehameha, i ahona i ka maaloalo mau mai o na kauwa lehulehu iki ai; he makemake au i kekahi poe opio e launa mau mai me a'u," wahi ana. "Ua ike no hoi oe ia Rikeke Litelatona he paa mau kona manawa i ka hana a he kakaikahi loa kona noho mai i ka hale nei e loaa ai ka hoa kamailio ma kekahi mau hora o ke ahiahi, no ka mea, o ke ahiahi oia ka manawa maikai loa o ke kukai olelo ana e hoohala ae ai i kekahi mau hora loloa o ka hooilo. "O ke kumu nui 110 o ko'u kono ana aku la ia oe e heie mai ca, oia ko'u makemake e kamailio hou mai oe i kekahi mau niea .iku i koe au i hoike ole mai ai ia'u e pili ana no Alisona 13uruka; manao au he mea maikai kela nou ke kamailio mau ana nona, oiai nae he moolelo maikai ole ke kamailio mau ia. "Aole au e poina iki ana i kela la weliweli i ka wa a'u i heluhelu ai i 'ka moolelo maloko o ka nupepa no ka make ana o ka'u kane iloko o ke kai, a ua manaoio maoli no au ua make io no ka'u kane a aia io no la oia malalo o ka hohonu o ka moana kahi i waiho ai. aka aole nae pela ka hopena i ikeia." Nolaila, no ka oluolu loa o kela noi ana mai a ka lede a no kona komo pu ana mai hoi e u pu ine Gerala i kona wa o ka luuluu, ua aeia aku la kana noi, a i na la apau ma ia hope mai, i ka wa e pau ai o ka Gerala hana, e ike mauia aku ana o Gerala e holokaa mau ana me ka Lede Bomale me ka hele makaikai mau ana ma na wahi ano nui a kaulana o ka aina. He Lede oluolu loa keia, pela kana hoomaopopo iho, i like loa ke ano me kona kaikunane ka Loio Litelatona —he ano kanaka makua maoli 'kona ano, ke kamailio ame ka manao, me he mea la ua lilo maoli o Gerala he keiki hookama nana, a mamuli o keia mau ano maikai a pau, a huipu no hoi me ko Gerala hoolohe ma na mea a pau, ua pipili loa ke aloha o kekahi i kekahi. Ua lilo keia hana mau a ka Lede Liomale ia Gerala i mea hauoli loa no Mr. Lītelatona no kona ike mai i 'ka maikai o ka helehelena o kana kakauolelo me he mea la ua kaawale loa aku na manao hoomanao luuluu mailoko aku o ko Gerala naau no kana aloha, a ua loli loa ae kona ano i keia manawa. E hakilo mau ana o Mr. Litelatona i ko Gerala ano i na ka'kahiaka nui a pau ana e hele aku ai i ka hana; aole kela ano hokukule a inoino o na helehelena, aka he lamalama me ka hauoli ma kona mau maka kana e ike mau aku ana, no ka mea, mamua aku o ka ma'i ana o Gerala, i kana hoomaopopo aku i kona helehelena, upehupehu na maka, me he mea la aohe loaa o ka moe maikai ana ia Gerala i ka po. Me ia ano iho la ko lakou noho ana a hala kekahi manawa, a ua ko'koke aku no hoi i ka la mua o ka mahina o Okatoba, ma kekahi la, hoike aku ana o Mr. Litelatona i kona kaikuahine, no ka ha o ka manawa, ua hoopanee houia ka hihia a laua e hakaka loihi ana no kekahi kau hou aku, uolaila aohe a laua hana e noho hou iho ai, hookahi wale no hana i koe o ko laua hoi hou aku no Nu loka ma ka la hope o kekahi pule ae. "Alaila, owau pu ana kekahi e holo pu aku ana me olua," wahi a ka Lede Bomale i ke kaikunane, mahope o kona leha iki ana ae ia Gerala a ike ae la i ka liaikea o ke kanaka opio no kona noonoo ana ae no ka hoi aku i Nu loka kahi o Alisona i make mai la a e lilo ana paha i mea hooulu ino hou mai i kona noonoo nona. "Ua hiki ia'u ke waiho iho i na hana a pau mahope nei iloko o ka lima o Mr. Green, ka puuku no ka holo hou ana ak ue ike i ka aina hanau no kekahi manawa a hoi mai, a malaila au e noho aku ai ahiki i ka \va e kahea houia ai o ka hihia. "Ua aneane au e hoopau wale i ka hoopii ana, ua hele au a manaka i keia hiliia, a ua hoomaka mai e ulu ka noonoo iloko o'u o keia waiwai holookoa o ka Haku Bomale aohe waiwai o ka hooikaika ana e loaa mai he hana hoouluhua noonoo wale no ia ia'u." "E Mahela, he noonoo naaupo loa ia ou!" wahi a Mr. Litelatona o ka pane ana ae i ke kaikamahine, me ka hooke'ke ame ka pupuku ona maksu "Oia ka kela aoao hoopii e hana mai nei i keia manawa —he makemake lakou e hoopaneenee mau ika hihia i kumu nou e manaka ai a Ihoopau wale aku i ka hoopii ana; aole au e haawipio wale ana i ka hakaka ana ahiki i ke ko ama, oiai ua maopopo ia'u 0 oe ka mdr kuleana i ka waiwai. "Ua maopopo ia'u ka manao o ka Barona Bcunale, ua makeniake oia e hooili mai ia oe ina waiwai holookoa ona apau. Ua pinepine na manawa.a'u i lohe ai iaia i ke kamailio e h©oili ana oia i ka waiwai holooksaa ona apau loa maluna ou manaua o kona make ana, ana 1 maopopo ole ai i ka a no ke kumu ;nae o kona hana oJe ana ia hāna n>€ ka hoopalaleha wale ana, ine ka hana ole ana i paJapala kauo3ra, aole au i amaopopo iki. "No kdcahi manawa no nae, he loaa maei .110 ia'u ka manao na hana oia i 'kekahi palapala oia ano, a me lae fiiea la ua hemahema kana waM .o ka waiho :ana a nalowale."' "Aole aii i manao ua liana oia i kekahi jxalapala oia ano, e Rikeke. no ka mea, ua huliia e a'u na wahi apau oloko» o ka hale aohe loaa. e like 110 hoi ime ia au i ike ai ia'u i ka huli, a mamuli oia kumu au i manao ai aeihe no oia i ihana iki i kekahi palapala kauoha. *'No ia inele, ke manao nei au e holo i kahi e, i kumu e pau ai ko'u noonoo nai ; ana 110 keia ihana, a i hiki ai hoi ia'u ke hoopoina i keia hana ma keia mua aku. Ke paa nei kau maiaao e holo pu akw me olua i Amerika, ina no no ko olua ku-e inai ia"u," wahi a MabeJa. "Aohe on keakeaia no ka hoi pu ana aku ,me maua ina o kou makemake ia., e kuu kaikuahine aloha. nou ia kuleana ina he paa kou manao i ka laolo pu," walhi a Mr. Litelatona. Ma kekahi 'kakahiaka nui ae, oiai o Gerala e ilio ana me ka nanea ma ke alanui Hokele me ka manao e hooko aku i kekahi hana a Mr. Litelatona oke kauoha ana mai. Ua. hoopuiwa loaia oia i kona halawai ana aku me kekalii kana'ka nana i hoopii ae i ka ula ame ka haikea ma kona heleheleaia, me ke kapalili o kona houpo mamuli o na manao lehulehu e hana pono ole ana iloko ona. Aole keia he kanaka e ana o ka halawai ana iho la, aka, o Mr. ifabada no ia, ke kanaka i hoolilo ai iaia i enemi ino loa nona. I ka wa i ike mai ai o Mr. Habada iaia e iho aku ana, hoopinana ae la oia i kon£t lehelehe, me ka hoikeike ana mai i kona mau niho lena me he liona la i makaukau loa e lele mai e nahu iaia. , Alaila hoao ae la e hele kapakahi nia kekahi aoao o ke alanui me | ka manao aole i ike aku o Gerala iaia. a i ole he manao maoli no paha kona aohe makemake e hui me Gerala. eia nae, aohe o Gerala he kanaka hohewale e holo pipika ae ai e like me ia. aka hele pololei loa aku la no ma kahi a ua Habada la e pii mai ana. 'E Mr. Habada, o oe no ia ? He keu aku ka hoi kou kauaheahe ka ihu iluna aohe ike waie iho ia Malio, i ka huhukiia paha e Uwekahuna?" E noi mua aku ana au ia oe e kala mai ia'u ina e liio ana ko'u kamailio ana aku ia oe i kumu hoololohi i kau huakai, no ko'u makemake ae la hoi e ninau wale aku hoi'ia oe i kekahi mau ninau. "He makemake au e ninau aku ia oe ina p«ha ua lohelohe waleia kekahi mea e pili ana ia Miss Buruka ma keia hope mai nei o ka hoolahaia ana ae maloko 0 na nupepa. a ina no hoi aohe au mea i lohe hou mai, e oluolu no hoi oe e hoike mai."

"Aole a'u mea i lohe hou mai nona." wahi o ka pane kakana a ke kanaka. "Alaila, ua oiaio no kela make ana ona ea, ma kela ulia ana o ke kaaahi ame kona kanuia ana e kekahi kanaka malihini i maopopo ole ka inoa?" wahi a ka Gerala ninau hou me ka haalulu o kona mau lehelehe. 1 "Pela ko'u manao, oiai ua huliia oia ma na wahi a pau, ine ka hoolahaia maloko o na nupepa aohe nae he mea hookahi i hoike ae i kahi i kanuia ai ame ka mea nana i kii mai i kona kino make a lawe aku, a ke waiho nei ia mea me ka pohihihi loa a hiki i keia la," wahi a Habada o ka pane ana mai me ka pupuku o ka lae no kona ninau hoouluhua houia aku, no ka mea ua kau kona poo i ka uluna. a ua palekana loa hoi mai na kakalaioa ooi mai, oiai nae oia ke kumu a 0 ka mea hoi nana i imi i ka poino i poino ni o Alisona ma o kona haalele ana iho i kona home a holo aku no kona lua kupapau. Ma ka po ana iho, he pinepine na manawa ana (I4abada) o ka hoopuiwaia ana mai kona hiamoe mai; iaia i ala ae ai e hiolo ana ka hou ma kona lae a e kapalili ana kona houpo no ka maka'u me he mea la he uhane kepolo ke kahea iho ana ma kona mau pepeia», "Ke kanaka pepehikanaka!" a e hoike mua mai ana iaia ika j)oino e kau mai ana maluna ona no na hana ino lokoino loa ana i hana ai maluna o Alisona. "He mea pohihihi loa keia i ko'u noonoo. Ua holo kino au i Bokekona mahope koke iho o ko'u lohe ana i kela poino ana o ke kaaahi a ua ike 110 hoi au i kona inoa iloko o na nupepa me ko'u hele ana ina o a inaanei e huli i kona kino, aohe nae i loaa iki ia'll. "He kupanaha maoli io no kela nalowale honua ana o ke kino o Alisona, ua loaa aku hoi ka pepa inoa iloko o kona i>akeke, pela ka hoakaka a na nupepa—he mea maopopo ua kiiia mai kona kino koe wale 110 ina he kaikamahine okoa no kekahi, ma ka inoa o Miss Buruka iluna o ke kaaahi i ka manawa i hu ai," wahi a Gerala. "Ae, he kupanaha maoli no kona nalowale ana." "Heaha ka mea hiki ia oe ke hai mai ia'u no keia wahine e koi mai nei i ka waiwai o Mr. Buruka a i kapa iaia iho o Mrs. Buruka?" wahi a Gerala i ninau hou aku ai. "Mai hea mai keia wahine oka hele ana mai? Ihea oia kahi i pee ai iloko o keia mau makahiki loihi me ka hoike ole mai iaia i ka wa e k)la ana o Mr. Buruka?" "Iloko o na makahki lehulehu i hala hope aku nei ma na wahi lehulehu o ke kulanakauhale o Nu loka oia kahi i noho ai," wahi a 'ka pane a ke kanaka me ka pii ana ae o ka ula ma kona mau papalina, a no ka mea ke noke mau aku la o Gcrala i ka ninaninau iaia e hiki ole ai iaia ke alo ae. "He wahine u'i oia koe nae keia aone oia i a'o iionoia, oia hoi, he wahine i kupono ole na Mr. Buruka e koho ai i wahine nana. No ke kaikamahine nae, he oi aku 'kona naauao mamua ona. Ma kekahi manawa kokoke i hala ae nei ko laua hoike ana mai ia'u i ko laua makemake e koi i ka waiwai o Mr. Buruka, ua hoao au ine ka i'kaika e kaohi aku i ka laua hoopii no ko Alisona pono, me ka manaolana e hiki ana no kela hana ke hooponoponoia mawaho me ke a'kahele loa. Aka, mamuli o ko Alisona make ana aku la, aohe mea e ae e hana aku ai o ka lawe wale mai no i kela hihia no ka hooloheia imua o ka aha a ma ia hooloheia ana ua- 1 hooholo mai ka aha i ka pono ma ka aoao o na mea hoopii." "He moolelo kupanaha maoli kela i hanaia mai la ma ka hooholoia ana mai la o ka waiwai maluna o kela mau wahine," wahi a Gerala o ka pane ana aku.' "O Mrs. Manina ka mea kupono loa e hooiliia mai ai o kela waiwai aole o kela mau wahine. "Oia io no paha ka inea ku])ono loa e hooiliia mai ai, aka nae, ma ka nanaia ana o na palapala e ka aha, e hooiaio ana ia mau palapala 1 fce koi a kela mau wahine. a ina 110 no ko Alisona ola .nei, aole no e holo ana ka waiwai maluna ona, "wahi a Habada, me ka nana pono ana mai i na maka o Gerala. Oiai o Habada e kamailio mai ana ia Gerala aia kona lunaikehala ke hoahewa loa la iaia me ka walania loa, me he mea la he pua oi loa a ka poe pana pua ke houia iho ana i kona puuwai. "He mea pohihihi loa keia \a'u 'ka hoike ole ana mai o keia \\ahinē iaia iho oiai o Mr. Buruka e ola ana. Manao au he mea kupono 110 ke huli ponoia aku ka pili ana o kela wahine ia Mr. Buruka a pela me ka pololei o kana koi, a manao pu au aole oia e aa ana e hoakaka mai ikawa e ikeia ae ai oka oiaio. Alaila ooeno ka paha ka loio o kela mau mea i ko aku la ka laua koi, oia anei?" "Ae, owau." "Oia kekahi mea hookahaha loa mai i ko'u noonoo. O oe ke kahuhanai o Alisona a no keaha oe i hooikaika ole ai no ko Alisona pono?" walii'a ka Gerala ninau. "A ike aha la? Heaha ana kau e hana aku ana no ia mea?" wahi a ka ninan koikoi a Habada. No kekahi mau minute ko laua ku hamau me ka pane ole aku o kekahi i kekahi a hala ia mau minutc, me ka nana pono aku o kekahi i kekahi —he helehelena ko kekahi i piha me ka luihu a o ko ' kekahi hoi, he nanaina o ke kahaha i ka Habada ano hana anie ke kumu o kona kokua ana i na mea e loa, aole hoi i kana hanai. "Keliiki ole nei ia'u la ke ike maopopo i ke kumu o kau hana ana pela, e Mr. Habada," wahi a Gerala, mahope o ko laua hamau ana, me kona helehelena e hoike niaoli aku ana ia Habada aia iloko ona ka manaoio he hana kolohe loa ka i hana ia eia. "Malia paha pela io, aka, ke ike ole nei nae au i kekahi kumu kupono e waiwai ai kou makemake ana e maopopo aku ia mea ia oe. "Ua maopopo ia oe he lunahooponopono au no ka waiwai o Mr. Buruka, a i ka wa i hooiaioia mai ai ma o loa aku o na kumu kanalua a pau aohe wahi koko iki 9 Mr. Buruka iloko o Alisona, hookahi wale no a'u hana pono o ka haawi aku i ka waiwai holookoa i ka mea i maopopo ka pili i ka waiwai o ka mea i make kauoha ole. "O ke kumu nui i oi loa aku ai o ka holopono oia haawi ana, oia ko Alisona make ana aku la, ka mea kupono wale no e ku-e mai i ke koi a kela wahine, maluna o ke kahua oiaio; he oiaio, he palapala kauoha ka i hanaia e hooili ana i ka waiwai holookoa o Mr. Buruka maluna ona, oiai nae, he hiki loa 110 kana koi anie ka palapala 'kauoha i hanaia ai ke hooliloia i mea ole." "Heaha ia mau hooiaio au i olelo mai nei aole o Alisona he kaikamahine ponoi na Mr. Buruka?" "'He lole ahe mau leka i loaa aku iloko o kekahi pahu uuku " •"Ka pahu hea ia, a ihea i loaa aku ai ia pahu?" wahi a ka Gcrala ninau. "Ke ike aku nei au ke hoohuoi loa mai nei oe 110 'ka inea a'u i hoike aku la ia oe. Iloko no hoi o kekahi wahi pahu uuku au e paa ana i ko wa i loaa pono aku ai ia'u iloko o ka hanako ma kela kakahiaka Sabati au i komo koloh'e ai." "Ae, akahi no au a hoomanao ae la; oia ke kumu nui o ko Mr. Buruka 1101 ana mai ia'u e hoohiki aku au imua ona aole au e kamailio aku i kekahi mea no ka hana a'u i hoounaia ai i kela kakahi[aka Sabati. » j "He makemake loa oia e loaa aku kela mau wahi pahu uuku iloko o kona lima me ka ike ole o kekahi mea—he manao kona e puhi i ua mau wahi pahu la i ke ahi i ole ai o Alisona e ike i kekahi mea oiaio e pili ana i kona hanauia ana, eia nae, lilo e hoi ia oe me ko manao ua komo au iloko o ka hanako." "Ke ike aku la au i kuu hoomanao loa ia mea, e ke kanaka opio, aka nae. he lanakila ka oiaio i kekahi manawa e like iho la me ko keia hiHia." "Oiaio!" wahi a Gerala me ke ano hoohenehene. "He pono paha e huli ponoia ka oiaio. Aole anei i huli pono kekahi mea a maopopo ka pololei o na hooiaio ma ka aoao o kela wahine i koi mai ai?" (Aole i pau.)