Ka Nupepa Kuokoa, Volume XLVIII, Number 2, 12 January 1912 — MAIKAI KA MALAMAIA ANA. [ARTICLE]

MAIKAI KA MALAMAIA ANA.

la oe e ka mea hanohauo o ka Nupepa Kuokoa, Aloha pumehana kaua: —E oluolu oe e hoolaha iho v keia mau laina e kau iho la malalo: Eia au ke hoolaha aku nei i ka leliulehu, i keīa mau hoomaikai, i ke ano o ko makou malamaia ana ma ke kahua ma'i o Baldwin Home nei, he maikai ka malama ana o na Brother ia makou a pau loa, oi aku ka maikai o ka ilakou malama ana mamua o na makua iponoi, ua lilo na keiki a pau o ka home i mau brother ponoi no na Brother o Baldwin Hoine, he mea keia e ike mai ai na maleua mea keiki i ke ano o ka malamaia ana o ka lakou mau keiki aloha, ma ka home o Baldwin. Ina e iho na keiki i kai o Kalaupapa e iho ana he elua Brother me "na keiki, a hoi like niai no; maemae maoli no ka malama ana, a peia no ina. e hele na keiki i Waikolu e hele ana he mau Brother i na manawa apau. E nana mai kakou e na hoaloha a me na makua mea keiki i ke ano o ka malama ia ana o na keiki ma'i o Molokai, i ko'u manao o ka home wale no o Baldwin ka oi. Eia ka inoa o na Brother: Bro. Jokewe, oia ke poo uai o ka home nei; Bro. Lui, oia ke poo na Brother, Bro. Lipolia, oia ka lakou | kuke; Bro. Sawelino, oia ka mea nana e humuhumu ka lole o na keiki a pau o ka home o Baldwin. [ Ua hoopuni ia ka home i na kumu palepiwa, a me ke kumu palama, oia ae la na mea a'u e hoolaha aku nei. E ka mea hanohano, eia au o kekahi keiki i hiki malihini mai ma ke kahua ma'i nei o Molokai i ka mahiua o Sepatemaba 26, 1911. Oia ae la na wahi mea hou o ka aina o ka ehaeha, e hoolaha aku oe i na paemoku a pau. Owau iho no me ka oiaio, JAMES PALAKIKO. Baldwiu Home, Molokai.