Ka Nupepa Kuokoa, Volume XLVIII, Number 2, 12 January 1912 — KO MAKOU PAPA ALOHA UA HALA [ARTICLE]

KO MAKOU PAPA ALOHA UA HALA

Mr. Lnnahooponopono o ke Kuokoa, Aloha oe:—E oloolu mai kou ahonui e hookipa aku i keia wahi puolo waimaka a ke aloha ma kahi kaawale o ke kino lahilahi o ke K-aokoa, i ike mai ai ka ohana, na' makamaka, e noho ana mai ka hikina a ka la a i ka welona a ka la i Lehua, no ko makou papa aloha ua hala, ua haalele mai ia uiakou na keiki, na moopuna, ko makou maraa, ame ka nui lehulehu o ka ohana e noho u aku nona ma keia ao. Auwel lihaliha wale ke aloha o ka makua, pehea la ia e pau ai. Nolaila eia iho ko'na wahi moolelo: Ma ke kakahiaka o ka Poaono, De|kemaba 23, oiai makou na keiki ua akoakoa aku no ka hauoli Karisimaka pu ana me laua na makua, ua hele aku la oia no kana hana he kamana no ka U. S. ma Puuloa, eia ka he hele ana ia no kona halawai me kona hopena; a o ka hauoli Karisimaka iho la ka ia o ka waimaka. Aloha wale! He eha i ka a-i holo iloko o ke poo kona ma'i a hala wale aku la ma ka la 28 nei. Ua hanauia ko makou papa aloha ma Panau, Puna, Hawaii, i Maraki 17, 1852, mai ka puhaka mai o Mrs. Kaholoku ame Mr. Keanuenue. Nolaila ua piha iaia na makahiki he 60 ame na mahina 9 ame na la keu o ka hanu ana i na ea inea o keia noho ana. Ua hoohui ia ko makou papa Pookela ma ka berita maemae o ka mare me ko makou mama Heneriaka i ka makahiki 1868 a nn ka make i hookaawale iho la ika pili aloha ana. Aloha wale ko makou mama i hoonele ia iho Ia aohe ka papa e mehana ai o ka po anu. Ua hoohua ia mailoko mai o ko laua puhaka he 13 keiki a ua hala e aku no ma kela ao he 8 a koe iho la makou he 5 ma keia ao. Ua noho hana ia e ko makou papa me Tumer iuka o Kauluhe he luna maliileo, mahope noho hana me Menika i Wiaiohinu, Kau, mahope noho wale no kekahi manawa. A i ka makahiki 1885 hoi a noho i Puueo, Hilo, noho hana me Pele Laimana, a i ka hookahuli aupuni ana waiho i ka hana a Laimana. ī ka makahiki 1894 hoi mai a noho i Honolulu nei, hana i ka pa papa a Lui ma, mahope hele i ka hana paipu a ke aupuni. Mahope hoi mai a noho i Waipahu nei liana i ka mahiko he kalaiwa kaa, haalele i ka mahiko hoi a noho hana ma ka U. S'. ma Puuloa, he hana kamana o kana hana ia a hala walo aku la. Ile papa aloha keiki, be mea nui makou na keiki iaia. Noho aku makou o ka uka o Waimalu o ko makou papa pu "kekahi. Aloha ia kula a papa e hele ai, mea ole ka loa i ke kono a ke aloha keiki i ko makou papa. Aloha nohoi ka uka o Pohakupili nei kahi i pili ia ai e makou na keiki me ko makou papa. Aloha nohoi ka piina o ka pauma elima, kahi a papa Pookela e h(?le ai. Aloha nohoi ka aekai o Puuloa na pan kona hehi hou ana i kou aeone. I ka auwina la o ka Poaha, Dekemaba 28, 1011, liora 3, i pauaho mai ai oia i keia ola ana, ua pau ka hana, ua hoomaha i ka luhi, a ua hoi ka uhane me ka mea nana i liana mai. No ka [mea Nana no i hana mai a Nana no i (Jawe aku. Hoonani ia ka inoa o le- ' howa. Nolaila ma ka Poalima, Dekemaba 29, 1911, hora 2:30, i maneleia aku ai kona kino puanuanu ma ke kaaahi no Pearl City, ka pahu hopu. Nolaila īne ka Lunahooponopono ko makou hoomaikai a pela i na keiki hoonoho hua kepau. O makou o na keiki i hoonele ia i ka papa a pela hoi me ko makou mama i hooneleia i ka hoa pili he kane. Luuluu wale! MRS. MARY MONTERO, MRS. SARAH AH LOY, MTSS SARAH POOKELA, MAS. GEORGE -POOKELA, MR. KEANINI POOKELA, MRS. HENERIAKA POOKELA.