Ka Nupepa Kuokoa, Volume XLVIII, Number 2, 12 January 1912 — MAKEMAKE NA PAKE O HONOLULU NEI E HOOMAU I KE KAUA [ARTICLE]

MAKEMAKE NA PAKE O HONOLULU NEI E HOOMAU I KE KAUA

Oiai aia no kc kulana kulanalana ma Kina e pahola ma'i la i keia manawa no ka onipaa aku o ko aupuni Repuhalika malalo o ka noho Peresidena ana a Kauka Sun Yat Sen, na hoouna aku na Pake o keia kuianakauhale he kelekalapa ma ka Poaouo nei i ka Peresidena e hoiko aWu ana i ko lakou manaoio, aole e hoopau wale i ke kaua aua, aka e hoomau aku, a hik'i i ka onipaa ana aku o ke aupuni hou, ma 0 ka loaa ana o ka lanakila e hiki ai ke ikeia ke knlana wikana o ka aoao Repubalika. Ma ka oleloia, he knleana nui ko na Pako ma Ilawaii nēi, e. hoeueu ai no ka hoomauia aku o ke kaua, no ka m'ea iloko o ka makahiki ae nei i hala, ina c hoomaopopoia ka nui o na kokua a •na Pake maanei nei i haawi aku ai no ka hoeueu ana i ke kaua hookahuli aupuni, ua hiki aku ia ma kahi o ka elua hāiieri kaukani dala. No ka hoomahuahua hou ana ae i ka waihoua dala e hiki ai ke hoomauia aku ke kaua, ua hele ae kekahi komite iwaena o ka poe kalepa o na Pake, no ka hoeueu ana e hoopukaia ona mau bona, a nia ka oleloia ae, ua hiki aku ma kahi o kanalima kaukani dala bona 1 hoopukaia. Aole loa he maka'u iki o na Pake maanei ma na mea e pili ana i ko dala, nka o ka lakou i makemake ai, o ia no ka hoohiolo maoliia ana o na koa aupuni, a hoohiolo puia hoi ke a-upuni Manc.hu. e ikeia mai a'i ke aupuni Repubalika hou e na mana nui o ke ao nei.