Ka Nupepa Kuokoa, Volume XLVII, Number 51, 22 Kekemapa 1911 — HOOMAKA KE KAU KAPU O KA AMAAMA [ARTICLE]

HOOMAKA KE KAU KAPU O KA AMAAMA

O ke kikina kapu o ka i'a aiuaama, ke hoomaka nei. Ua hoomaka mai ia in&i ka la ekahi mai nei o keia mahina he kakaikahi nae o k» poe lawaia i hoomanao a i hoomaopopo ia kapu. E pau ana ke kikina kapu ma ka la 1 o Maraki, a no na makahiki eono ka hoohauaia ana o keia kauHwui.

I knlike ai me ke Kanawai 110 o na Kanawai o ke kau o 1911, he hana ku-e kanawai na kela ame keia kanaka ka waiho wale ana ae maluna o na |>akaiika'u o na makeke, a i ole ke kuai ana aku, a i ole ka malama ana no ka manao e kuai aku i kekah» amaāma iloko 0 ka manawa kapu i hoakakaia maloko oia kanawai; eia nae aole i pili ka hoo kapu ana a keia paukn i na ona a poe hooiimalima paha i na lokoi'a i onaia e ka poe no lakou na loko. 0 ka huaolelo amaama ma keia kanawai ua pili like no ia i ka i 'a anae ame na ano i 'a e ae paha i ike mau ia ma ka inoa amaama. Aole e hooneleia ana na makeke me ka amaama oia ka mea maopopo loa, no ka mea ua hiki loa ke hoolakoia mai na lokoi'a mai. O na kanaka e ku-e iana i keia kanawai e hoopaiia no lakou, ke ku ka hewa, aole e emi iho malalo o ka vmi daia, aole hoi e oi aku mamua o ka haneri dala, a i ole ma ka hoopaahao aole e emi iho malalo o ka umi la a aole hoi e oi aku mamua o ka iwakalua-kumamalima la, aia ia i ka manao o ka aha, no ka hewa mua; a ina no ka loaa hou aku o kekahi hewa 1 ka mea hookuli no ka lua o ka manawa, aole e emi iho ana ka hoopai malalo o ke kanalima dala aole hoi e oi aku mamua o ka elima haneri, a i ole. hoopaahaoia aole e emi iho ana ka hoopai malalo o ke kanalima dala, aole hoi e oi aku mamua o ka elima haneri, a i ole hoopaahaoia aole e emi iho inalalo o kanalima la, aole hoi e oi aku mamua o hookahi haneri la, a i ole ma na hoopai paha a elua.