Ka Nupepa Kuokoa, Volume XLVII, Number 32, 11 August 1911 — HE MOOLELO NO VIOLETA HAMANA A I OLE Ke Kaikamahine Iloko o na Hana Hoomaewaewa he Nui. [ARTICLE]

HE MOOLELO NO VIOLETA HAMANA A I OLE Ke Kaikamahine Iloko o na Hana Hoomaewaewa he Nui.

"la'u no hoi o ka hele ana aku nei no ko'u keena hana i keia kakahiaka, e kakali mai ana oia ia'u ma ke alanui, ua hele a ona i ka rama, a noi mai la e haawi aku au i dala nana. Ua paa kuu manao aole e haawi hou aku i eiala nana e hele ai e inu rama, aka ua olelo aku la au iaia, e hele pu mai me a"u a na'u e hanai aku iaia maloko o ka haleaina, o kona wa ia i noke mal ai i ke kamailio i na olelo o kela ame keia ano, tne ke kapa ana mai ia'u i ke pi, a mamuli paha o kona piha loa i ka huhu, a hui pu iho hoi me kona ona. ua hina aku la oia iluna o ke alanui helewawae. a mamua o ka hiki'ana i na kakua ke ae iaia, ua make aku la oia iloko o na minute he umi. Mai kela manawa mai o ka hookuuia ana o Meineki mai kona noho paahao ana, ua hoea mai oia no ke noi ana i dala ia Likeke, a o na mea apau i haawiia aku iaia no kona pono, ua hoolilo wale ia no i ka rama, me ka uuku loa o na dala i lilo no ka ai a no kekahi mea e ae paha e pomaikai ai oia. Ma ka manawa o ko Likeke haalele ana aku i ka hale ma kela kakahiaka o ka halawai ana o Meineki me ka make, ua hooholo oia i kona manao aole e haawi hou aku i kekahi dala iaia, o lilo no auanei i mea inu ramaia eia, aka o kana e noonoo nui la, o ia no ka Uoolako ana aku iaia me kekahi home nona e noho ai, me ka haawi pu ana akii i mau dala nana, eia nae, ua poho wale ia mau hoolala ana ana, mamuli o ka make e ana aku la, a ua hoopakeleia mai nae oia, mai lilo ma'uwale kana mau kokua ana, i mea poho. Aole mh ia wahi iho la, pau na hana kokua a Likeke, aka ua kauoha aku la oia e hoihoiia ke kino make o maloko o ka halfc kupapau, me kona lawe ana ae i na hoolilo apau i pili i ka hoolewa o ka mea make, alaila hele kino aku la no ka hoike ana ia Mrs. Meineki no ka hopena i kau aku maluna o kana kane. Ma kekahi kakahiaka ae hoi. ua hele okoa aku la o Yaio!eta e \ hui pu me Mrs. Meineki, a hele nui aku la apau no ka huakai hoolewa o Meineki, a mamuli o keia mau hana maikai a keia mau opio, ua hiki hou ole ia Mrs. Meineki ke kupaa aku ma kona ano uahoa, aka ua mihi okoa mai oia no kana mau hana hewa apau i hana mai ai i keia mau opio a ka lokomaikai nui wale, me ka nonoi ana mai e haawiia aku na huikala ana iaia. a mai kela hora mai ana o ka ahewa ana iaia iho, ua lilo oia i wahine ano hou. a no ke koena aku o kona mau la i koe o ke ola ana a hiki wale i kona make ana * aku, ua hoohala ia eia ma na hana ku i ke aloha a Kristiano oiaio. Ma kela ame keia elua makahiki e holo mau ana no o Likeke ame kana wahine no Enelani, a he mau mahina a laua e hoohala ai ilaila, alaila he hookahi ko lakou hoi like ana mai me Kamerona ma, ua lilo ia hana i mea walea na kela poe i na manawa apau. Aole o Walaka he kanaka ilihune i keia manawa, aka he mau hale nunui kona, he h'ookahi ma ka'e o ka muliwai Hukona, a ma ka Mokupuni Loihi kekahi, a i 'ka wa o Kamerona ma e hoea ai no Nu loka, e hoohalaia ana he mau mahina e lakou ma ka makaikai ana i kela mau wahi ae la elua. Iloko no hoi o kekahi manawa, e hele like ana lakou no Kinikinaki, a o ka poe i kamaaina mua ia Vaioleta, e kii mai ana lakou e hookipa aku ia lakou me ka haawi ana i mau aha hoolaulea, a ua kamaaina maoli lakou nei me kolaila poe lalawai. He hookahi a laua manawa o ka holo ana no Menekona. kela wahi o ke kanuia ana o Liseta, ke kaikamahine o ke kuapo lole ana me Vaioleta a i kuhihewaia ai e ko Yaioleta mau hoaloha, a ua hele laua e huli i ka ohana o ua kaikamahine la, aka o ka makuahine wale no ka i loaa ak\rma kona liome, a iaia no hoi ka malama o na waiwai o kana kane. i make aku he hookahi makahiki mamua ae. Ma ia manawa i hoakaka pono aku ai o Vaioleta i ko laua halawai mua ana me Liseta, ko laua kuapo lole ana. ame ko laua hooholo ana e imi pakahi laua i wahi e ike oleia mai ai e ka poe e huli ae ana ia laua. la haalele ana aku a Vaioleta ma ia wahi, ua hele like mai la Vakoit apau me ka makuahine o Liseta no ka ilina o ka mea i make, a mamua o ka huli hoi ana mai o Likeke ma no Amerika. ua kukulu aku oia i kia hoomanao mahala no ua kaikamahihe la. ka mea nana i hoopakele ae ia Vaioleta mai ka poe apau e ukali aku ana mahope ona. ma kela nianawa e nokeia ana i 'ka huliia. No ka oihana kahakii a Likeke, o ia kekahi o na oihana holomua loa, a i ka hui ana ae o kona loaa mai kela hana mai, me ka hapalua o ka waiwai o Lorena i-hooiliia aku maluna ona, ua helu puia o Likeke me na kanaka waiwai a kuonoono o Xu loka. oiai nae he wahi kanaka kamana wale iho no oia o ke kulana haahaa, aka mamuli o ka hoomanawanui, ka hoopono ame ka hooko i ka pololei. pela iho la oia i kau ai ihina o ka panepoo o ka hanohano ame ka waiwai. Maloko o ke keena waiho buke o Likeke, aia malaila ke kii o kana wahine ana e kuhikuhi niau aku ana i kana mau keiki e nana » kona ano. a ma kekahi aoao hoi, he kii no kekahi kaikamahine opiopie* e paa ana i kekahi mea kaupaona. he hoailona no ke kaulike. a ma ha'i iho o kela kii, e waiho ana he puupuu g\ila, a ma kekahi kihi hoi e wāiho ana he koikahi ame ka pahiolo. a maluna ae 0 ka paia. e kait ana na huaolelo i kahakahaia me keia mau hnaolelo t4 Ka Hanohano, ka Oiaio ame ka Hoopono." 0 kela mau mea apau a Likeke o ka hoakoakoa ana. he mau mea ia nana e a'o a e kuhHeuhi mau ana i kana mau keiki e lilo i kumu hoohalike no lakou e o!a aku ai i ko lakon wa e lit6 ai i poe kanaka makua. a he ua ltlo lakou apau i poe keiki hoolohe. e nhai ana hoi mahope o na hana a kō lakou mau makua. 1 a hoea mai la kakou e ka poe heluhelu o ka mooleio o Vaioleta 1 kona hopena. a ma ka afia<i o ka mea kakau ke haawi aku nei oia i na hcK>maikai i ko ke Kuokoa poe heluhelu i ko kakou komo pu ana me ia iloko o na hoomanawanui ana e like me-ka nee ana o kona moolelo : a ke upu nei no hoi ka mea kakau a?a iloko o ka mo olelo o keia kaikamahine hwmanawanui a pela hoi me Icana kane ilihune, e loaa ana no ht hua mailoko ae o ka poe rhoomaopopo i ka moolelo o keia mau opio. e lilo ai i haawina a 4 o maikai loa no kakou e hooikaikn ai i ka kakon mau keiki, e lilo i poe makee i ka hanohano, ka oiaio ame ka hoopono, o na annu auanei ia nana e hapa? aku i kekahi mea o ke kulana haahaa, a kau like me ka poe kiekie. a nmluna ae o na mea apau, na ke kulana Kristiano o kela mau opio i alakai ia laua iloko o na ano maikai apau i pili i 1«) laua ola ana. * (Ka hopena).