Ka Nupepa Kuokoa, Volume XLVII, Number 23, 9 June 1911 — KA HUAKAI KUIKAWA A KA MAUNA KEA. [ARTICLE]

KA HUAKAI KUIKAWA A KA MAUNA KEA.

I kulike ai me na mea i hoolala mua ia no kekahi huakai kuikawa a ka Mokuahi Mauna Kea, pela e haalele iho ai ua mokuahi la me kana mau ohua makaikai no ka Mokupuni Kaili La ame Maui ma ka hora umi 0 ka po o ka la apopo, e hala ai he mau la mauka o ka aina, a na ohua e hoohala ai, a he mau po hoi ma ka moana e hiamoe ai, mamua o ke ku hou ana mai no Honolulu nei ma ke kakahiaka o ka Poalua ae nei. He nui ka poe i kuai i mau tikiki no lakon no keia huakai mai na kane- a na wahine, a o keia kekahi o na huakai makahehi nuiia, no ka pau paina o na mokupuni o Kauai ame Maui i ka ikeia i ka manawa hookahi, a no ka loaa no hoi kekahi o ka mokuahi maikai loa nana e halihali aku i ka poe makaikai. E ku aku ana ka Mauna Kea ma Hanalei ma ke kakahiaka nui o ka la Sabati ae nei, ka la 11 o lune, a mahope o ka hoohala ana 0 na malihini makaikai i kekahi manawa o kela la ma ka makaikai ana i ke awawa o Hanalei, Wainiha ame Haena, e hoi hou ana lakou e kau iluna o ka moku ma ka auwina la, a ma ka hora elua, e hoomaka mai ai ka Mauna Kea i ke kaapuni ana ma na Pali 0 Kalalau, e haawi ana i manawa maikai loa no na mea apau ma kela huakai e ike ai i ka nani o na pali o ahi a pela me kahi o Kaluaikoolau i noho ai, a i ulu-paia ai na haole koa Pi Gi o ka hoonahoa ana aku e hopu iaia no ka ma'i lepera. Mai Kalalau aku e kaapuni mai ai ka Mauna Kea ma Mana, Kekaha, Waiinea, Makaweli ame na wahi liilii mai a hoea i Koloa, a hiki mai i Nawiliwili. alaila wehe mai ke akule i ka hohonu, no Maui ka pahu hopu, e ku aku ai no Kahului ma ke kakahiaka o ka Poakahi ae, ka la kulaia aupuni maoli i hoopaneeia mai. Mai Kahului aku e kau ai na malihini maluna o ke kaaahi no Wailuku. a hele aku kela ame keia i ka makaikai ma ka lakou mau wahi i makemake ai, O ka oi loa aku o ke awawa o Iao ame Eleile. Ma ia ahiahi iho e malamaia ana he hulahula nui maloko o ka kolo o Wailuku. a no kela e hulahula e makaukau ana kekahi poe makaikai me na lole hulahula no lakou, a i ka pau ʻana o ka hulahula ma kela po, e kau hou ai maluna o ke kaaahi no ka hoi ana mai no Kahului, a ma ka hora umi-kuma - makahi o kela po, e au hou mai ai ka Mauna Kea no Honolulu nei, a ma ia kakahiaka no e holo aku ai ma kana huaʻai mau no Maui ame Hawaii.