Ka Nupepa Kuokoa, Volume XLVII, Number 19, 12 Mei 1911 — HOOPAUIA MAI KA HANA MAI. [ARTICLE]

HOOPAUIA MAI KA HANA MAI.

Mamuli o ke ahewaia ana e ke ka:iawai, ua manao ke aupuni o Amerika, he hana kupono ole ka hoomau ana aku o kekahi kanaka ana i hoolimalima ai, no ka noho ana aku ma kekahi o kana mau hana, pela iho la i hoopauia mai ai o Mr. Driver mai kona noho hana ana ma ke ano he lunanana nolalo o Puuloa. O keia ka haole i komo pu ai ma ke kikipu ana me kekahi haole aku ma ke ■alanui Papu ae nei iloko o kekahi mau mahina loihi ae nei i hala, he ki pu hoi i ulu mai mamuli o ka wahne a kekahi haole okoa aku, a o ka hopena nae i ikeia, o ia no ka pau ana o kona noho hana ana malalo o ke aupuni Amerika. Ua hookolokolo likeia no kela mau haole a'-elua, a ua hookuuia aki kekahi o laua me ke ahewa oleia, a i ka manawa o ka hooloheia ana o ko Mr. Driver hihia, ua ae okoa aku oia i kona hewa imvie o ka aha, a ia wa i kauia mai ai ka hoopa'i o ehiku haneii daia. Mamua aku o ka lawelaweia ana o kela hana ki pu. e noho hana ana o Mr. Driv s er me ke aupuni Amerika malalo ae nei o Puuloa. Ua hoikeia aku o ke karaim& a kela haole i hana ai. a o ka olelo hooholo o ka oili ana mai nei mai Wakinekona mai, o ia no ka hiki ole i kela haole ke lawelawe hou i kekahi hana malalo o ke aipuni Amerika, a oki loa aku hoi ka loaa ana iaia o kekahi uku hooman ma kekahi ano. ♦ —