Ka Nupepa Kuokoa, Volume XLVII, Number 13, 31 March 1911 — LOAA HE HAOLE MAKE MA LAIE Ikeia Kekahi Puka Poka ma Kona Poo ma ka Manawa o ka Huliia ana o ke Kumu Make. HE HAOLE MALIHINI LOA OIA Loaa Aku Kona Kino ma Kahakai o Laiewai ma Kahi Kokoke i ke Kahua Moremona. [ARTICLE]

LOAA HE HAOLE MAKE MA LAIE

Ikeia Kekahi Puka Poka ma Kona Poo ma ka Manawa o ka Huliia ana o ke Kumu Make.

HE HAOLE MALIHINI LOA OIA

Loaa Aku Kona Kino ma Kahakai o Laiewai ma Kahi Kokoke i ke Kahua Moremona.

Malalo ae nei ō Laiewai, Koolauloa ma ke awakea o ke Sabati aku la i hala, i loaa aku ai *e kino make o kekahi haole malihini i ko Laie poe me kekahi puka poka ma kona poo. Ua hoikeia mai no ka loaa ana aku o ke kino make o kela haole i ka oihaua makai o Honolulu nei ma kela la, aka aole nae i hoomaopopo ponoia ka oiuio mamuli o ke ano maopopo ole. Ma na mea nae i hoomaopopoia no ke ano o na mea i hanaia aku maluna o ke kino make o kela haole. ua noho ka aha koroneio nieniele kamu make. a hooholo lakou, ua lawe maoh ae no keia haole i kona ola iho. Ma ka hoike a ke kauka ma ka manawa o ka noho ana a ka aha koronelo, o ka pu i kiia ai a ku ka haole, mai kahi kokoke mai no ia, aole nae e hiki ke oleloia ae, nana ponoi no i ki i ka pu, a i ole na kekahi mea mai paha aka he hookahi mea i ikeia, o ia no ka loaa ole he mau hoailona o ka pauda maluna o kona kino, a i ole ma kona lole paha. Ma ke ano o kona mau lole e komo ana, e hoike mai ana 'ia, oia kekahi 0 na haole i maa i ka aahu an& i na lole maikai, he kuka loihi kona e komo ana, me na mikinilima kumukuai pii ma kpna mau lima, ame ke pine omou gula i loaa aku maluna o kona kino, a he mau hainaka kekahi maloko o kona mau pakeke. Ma na ano apau he haole oia i malihini loa i ko Koolau poe, aole lakou 1 ike mua iaia, Ua loaa aku kona kino make ia jchas. Ferreira ame kekahi kokoolua ona ma kela la, a o keia no hoi ka mea i ike mua loa i ua haole la ma.ka [Poalima aku nei i hala. j Ma ka hoike a Ferreira imua o ka aha koronelo, ua halawai pu mai ot\ me kela haole ma ke awakea o ka Poalima, iaia e holo mai ana maluna o kona kaa mai Kahana mai no Kahuku, me kona koi ana aku iaia e kau pi mai laua maluna o ke kaa, aka ua hoole mai no nae kela haole, ua hiki no oia ke hele wawae. Ma ia man&wa o kana ike ana, e paa ana oia i kona kuka loihi ma kona lima, me kekahi eke ili ma kekahi lima. 0 ke eke ili nae ame ka pu, aole he mea i ikeia, koe wale no ka huli ana aku o na makai ma kahi e loaa ai ia mau waiwai, i hiki ai ke loaa mai kekahi mau ike, a e hoopauia ae ai no hoi na pohihihi e pili ana i kona make ana. 1 knlike ai me ka hoike a ke kauka, ua piha na hora he kanakolu o ka waiho ana o kela haole iloko o ke kai m&mua o kona loaa ana zki. Aia ko~ na mai makahiki i kohoia. ma kahi o ke kanalima a oi, nona hoi ke kiekie o elima kapnai me umi iniha. j