Ka Nupepa Kuokoa, Volume XLVII, Number 9, 3 March 1911 — LILO I WAHI NA KAMALII E PAANI AI. [ARTICLE]

LILO I WAHI NA KAMALII E PAANI AI.

Makai koke iho o ka halekuai laau Chambers I)rug Store. ma ke alanui Papu, aia malaila kekahi wahi a na kamalii iloko o Keia maa la lehulehu aku nei i hala, e noke ai i .ka paani, ma o ka ikeia ana 0 ka uwila iloko o ka pohaku, no ka mea ua hoao iakou a ua ike i ka holo ana 0 ka uwila mai ka pohaku mai a iloko o ko lakou mau kino, me ka lilo pu o kela uwila i xuea lealea ia lakou. E ikeia ana na kamalii i ko lakou hele mau ma kela wahi e hoopa ai i ka pohaku mamua e huli la i ke alanui Papu, o ka manawa ia e ike ai i ka maeele o ka uwila, a e paa aku ana kekahi keiki i kekahi a hiki i ka loihi ana o ka laina o na kamalii me ko lakou ike like apau i ka hoholo o ka uwila iloko o ko lakou mau kino pak&hi. O kahi i oili mai ai o ka uwila a loaa kela pohaku mamua 0 kela hale, aole loa he mea i maopopo, aka m i ka aoao nae 0 na kamalii, aole 0 lakou makemake e hoopauia ko lakou hele mau ana e hoopa ma kela wahi, a ma ia ano i makemake ole ai lakou e ikeia ae, nohea mai la ka uwila i loaa ai kela wahi i mea na lakou e paani mau ai i na manawa apau.