Ka Nupepa Kuokoa, Volume XLVII, Number 8, 24 February 1911 — MALAMA NA KEPANI HE KAIKUKUI Hoikeike Lakou i ko Lakou Hoohiwahiwa Ana i ka La Hanau o Keoki Wakinekona. [ARTICLE]

MALAMA NA KEPANI HE KAIKUKUI

Hoikeike Lakou i ko Lakou Hoohiwahiwa Ana i ka La Hanau o Keoki Wakinekona.

He keu no hoi o ka wa ao la hoi o ka Poakolu nei ka la i hoike pihaia ae ai ka lau kaaaka o ke kulanakauhale nei, ina na hana kaihuakai o ka la hanau o Wakinekona, eia ka hoi o i& po iho no kekahi i ke kaikukui a na Kepani, he hana'hoi e hoikeike ae ana no ko lakou hui pu ana ae me na haole ma ka hoomanao ana i kekahi 0 na la ano nui loa ma ka moolelo o ka noho aupuni ana o Amerika Huipuia. 0 kekahi kela o na kaikukui nui i ikeia, ke hele. la na f alanui a kauluwela i na kukui i hanaia e like me ka nani a ka maka e hoohihi ai, e komo hiu aku ai na manao mahalo no na mea i hanaia e na Kepani ma kela po ano nui. Mamua ae o ke kani ana o ka hora eono o keila ahiahi, ua akoakoa nui mai na Kepani mai na wahi like ole mai o ke kulanakauhale nei nolalo o ka Paka ma Aala, mai ka poe helewawae a hiki aku i ka poe inaluna o ko lakou mau kaa a ma ka olelo maoli ana ae no, me he mea la ua hoea mai na la hakoko kalaiaina e hoomalamalamaia ai ua Paka la me na kukui a na aoao kalaiaina, oiai nae he hana hoomanao wale no kela no ka la o kekahi o na kanaka kaulana o ko ao nei. 1 ka akoakoa ana ne o na mea apau m ka hora ehikn o kela po, ua hoomaka mai la ka huakai o ka poe kaikukui e maki no ka huli ulanakauhale nei mai ka paka mai me ke alakai ana a ka bana Pukiki mamna ma ke alanui Beritania, he i ka nani ke nana aku e nelp ole ai ke konoia ana mai o ka manao e hele aku e nana i na mea e hanaia mai ana. I ka hoea ana ma kt alanni Nuuanu, ua tuāki ka huakai ma ia alanui a hoea 1 k<f alanui Moi. a ua hele hoi kela alanui m» kona mau aoao a hookeko i na kanaka, alaila ka'i aku no ke alanui Kikeke. O ka laina mua o ka poe kaikukui, o ia no na lala o ka ahahui o ka hoo-

mana buda i hiki aku ko lakou nui ma kahi o ka hookahi haneri, a mahope aku o lakou na Kepani o kela ame keia kulana, c lawe pakahi ana kela amo keia he kukui, me he mea la na ohohia maoli no lakou ma kela hana me ko lakou nana ole ae i ka luhi ame na hoolilo. 0 Kekahi no hoi kela o ka huakai loihi o ke kaikukui, he keu no la hoi o ka poe helewawae wale no ka loihi 0 ka huakai. eia nw, ia lakou o ka liala aua aku mamua, ua hoea mai la na kaa mahope mai. mai na kaa otouit>bile a na kaa nunui e hukiia ana e na i>aalio, a ua hookahahaia aku ka nianao o na haole no kela mau hana a ua Kepaui. 1 ka ho<\a ana o ka huakai ma ke alanui Kikeke, ua huli aku la i kai a hoea i ke alanui Allen. alaila ua hoakoakoa ae la ma kahi kokoke i ke kahua o ka hookaawaleia ana no Kiaaina Frear ame ke Kanikela Kepani, a ua hole kela wahi o ke alanui a hookeke i na kanaka. I ka hoomaka ana o na hana ha'iolelo ma kela po, ua kaa i ke Kanikela Kepani Uyeno na olelo hiki mua ma kana olelo makuahine, a pela hoi ma ka olelo haole, alaila hoolaona mai oia ia Kiaaina Frear, a mahope aku o ia manawa i hoi aku ai na Kepani apau no ko lakou mau wahi iho, me na manao ulumahiehie no na mea a lakou 1 hana aku ai no ka hanohano o ka la hanau o Wakinekona.