Ka Nupepa Kuokoa, Volume XLVII, Number 5, 3 February 1911 — PILI OLE KA HEWA I KA MEA KI PU Haawi na Kiure o ka Aha a Luna-Kanawai Cooper i ka Pono no Mcouaid. UA HOOKUU LOAIA AKU OIA Mamuli Mai o ka Ike a na Kauka I Kalele ai Lakou i ka Olelo Hooholo Hookuu. [ARTICLE]

PILI OLE KA HEWA I KA MEA KI PU

Haawi na Kiure o ka Aha a LunaKanawai Cooper i ka Pono no Mcouaid.

UA HOOKUU LOAIA AKU OIA

Mamuli Mai o ka Ike a na Kauka I Kalele ai Lakou i ka Olelo Hooholo Hookuu.

I Mahope iho oka hooloheia ana oka | hihia ki pu o William M. McQoaid, ka haole nana i ki i ka pn ia Volney C. I>river ma ke alanui Papa iloko o kekahi manawa ae nei i hala, no na la he umi-kumamakahi, ua hoopaka mai la ke kiure oloko o ka aha a Lunakanawai Cooper e hookuu ana i ka mea i hoopiiia mamuli o ke ku ole i ka hewa 0 kela ki ana ana i ka pu. O kela kekahi o na hihia nana i kono aku ka poe loea ma ka oihana kauka e hele ae e hoikeike i ko lakou ike e pili ana i ka qoonoo o ka mea i hoopiiia, a mamuli o ka lakou oleloike, 1 kau aku ai na kiure i ka lakou olelo hooholo, e hookaawale loa ana i ka raea hoopiiia mai ke kau ana aku o na ahewa ana mafuna ona. Mahope iho o ka heluhelu ana ae 0 ke kakauolelo i ka olelo hooholo a na kiure, e hoole ana i ka pili ana o McQuaid i ka hewa, ua ikeia aku ka pupue o ka mea i hoopiiia ma kona wahi e noho a'na, me he mea la na lilo kela olelo hooholo i mea nui loa iaia, aka ua kauoha mai nae ka luna-

kanawai e hoihoiia oia maloko o ka Hokele Hawaii e noho ai, a hiki i ka pau loa ana o na mea e pili ana i kona hihia. I ka haawi ana mai o na kiure i ka lakou olelo hooholo, ua hoakaka mai lakou i ke kuma o ka hookuu ana i ka mea i hoopiiia, mamuli no ia o ka ike a na kauka, e olelo ana, aole he maikai o ka noonoo o McQuaid ma kela manawa o kona ki ana i ka pu. Ua ulu ae nae he hookahi hihia i koe mai kela hihia mua mai, o ia mi ke kulana pupule a pupule ole paha o ka mea hoopiiia, a ua makaukau kaloio o ka mea i hoopiiia, e noi ak:i i palapala kuu kino no kona haku, e loaa ai ka hele lanakile ana iaia. r lle nui na mea i kamailioia ma kela manawa o ka hooloheia ana o kona hihia, e hoihoi ana hoi i kona manawa e noho pu ana me kana wahine ma Kona a pela me ke komo ana mai o Driver a noho pu me laua. Ua hoikeia ae ka loaa pono ana ak"i o Briver ia McQuaid maloko o ka rumi o Mrs. McQuaid ma ka hoi ana mai o kana kane mai Maui mai, me ka maopopo mua ole i ka wahine, a pela me kekahi mau wahi e ae i ike mauia ai ka hele mau o kela wahine me Mr. Driver, pela hoi ka laweia ana mai- d na hoike lehulehu no ka lakou mea i ike ai no ka mea i hoopiiia, a o ke kahua nui nae o ka hookuuia ana, ma 0 na • ike la no ia a na kauka i maa 1 ke kulana o na kanaka i uluhia i kekahi mau mea nui a lakou i noonoo ai, e ku a pupule maoli ai no i kekahi manawa.