Ka Nupepa Kuokoa, Volume XLVI, Number 44, 4 November 1910 — OWAI ELA AEAHAUKAE MAOPOPO? [ARTICLE]

OWAI ELA AEAHAUKAE MAOPOPO?

Ma ka ha'iolelo a Mr. Ryan. kela haole kuli a anee aina o Olaa i ha'iolelo ae ai ma ke awakea Poaono i hala ma ke kihi o Alanui Betela ame Moi, ua kapa inoa mai la oia i na Hawaii he poe o ia hoi he "aeahaukae." E, na Hawaii e, o ke ano iho la ia o keia aoao Demokarata, he hookae i ke kanaka a kapa inoa mai-la ia kakou, na alii hanau o ka aina he poe 4<aeahaukae." E na Hawaii oiaio, owai la ka aeahaukae maopopo, o kakou anei na oiwi, na pna, na poe no lakou ka lepo i hookumuia i ke au Kumulipo, a i ole o keia haole faehewa mai ka aina E mai ,aole i pau kona hohono ta? A īna o keia iho la ke ano o ua haole o ka aoao Demokarata, he kapa mai ia kakou he poe "aeahaukae," e ae ana anei oe, e ka Hawaii nona ka lepo aloha, a nona hoi keia'mau puu nani e ku mai nei, na wai owe, ame na naui o Hawaii holookoa, e haawi ī kou baloka no Likana ame kona auna iwi pookanaka? I ehia hana hoomaewaewa i koe a na Demokarata e hana mai ai ia kakou alaila lohe pono na pepeiao a ike pono na lunaikehala i ke ano o keia poe Demokarata e haanui mai nei i ke aloha ia kakou? O ka hua aaei ia o ke aloha he hailiili mai ia kakou he poe "aeahaukae?" O ka hua anei ia o ke aloha o ke kii aku i na wahi huna o ko kakou mau alii wahine a kaulai ae i ka la?

E. na Hawaii oiaio, ano ka wa ao| kanaka mai kakou. Ku iiana i hookahi umauma, i hookaln pauwai. i hookahi pana ana a kulai aku ia Likuna, kona mau lukanela a i kona poe ukali. Aia ka mana iloko o ko oukou lima i keia la, a ina aia -iloko o onkou ka makee i ka inoa ame ke kulana kanakamakua. hoike ia ano o kakou ma ka la S o Novemaba e hoea mai ana ma ke koho lokahi ana i ka paa ba!oka! Repubalika. S. K. NAWAA. | ■■ ■ I I