Ka Nupepa Kuokoa, Volume XLVI, Number 33, 19 August 1910 — HE LEKA MAI NA AINA MAMAO MAI. [ARTICLE]

HE LEKA MAI NA AINA MAMAO MAI.

Aole i hoopoina kekabi hoaloha o na kanaka Ilawaii i ka hoomanao ana mai nei maloko o ke Kuokoa i ke ano o kana huakai makaikai no na aina mamao, oia o A. F. Cooke, a e lilte no me kona ano man, ka hoike ana mai i kana mau mea i ike ai ma na wahi mamao, pela no oia i hoouna mai nei he wahi leka pokole i ko ke Kuokoa poe helahelu, a penei ua leka la: S. 8. Spokane. Inlai 21. 1910. I ka Lnnahooponopono o ka Nupepa Kuokoa, Aloha nui: Eia au maluna o keia mokuahi no hookahi pule a oi aku, a he huakai maikai maoli keia a'u i ike ai. He huihni nae ke ea, a e paa pu ana i ka ohn me ke kawau pu. - He nui ka makou mau wahi ano nui 0 ka hele makaikai ana, a ua. loaa nai hoi ka ike no ka poino i loaa aku 1 na kanaka i kela manawa e holomoku ana ka imi ana i ka waiwai ma na wahi eli gula iloko o ka 1898 a hiki i ka 1900. Ua ike i na moali a kela poe o ka hele ana mai Skagwav a hiki i Klondyke, na taona ano nunui ia w;a, aka nae i keia manawa ua neoneo, a ua Ulo na hale i mea ole. O ke?a kahi i kapaia ka moali While Pass ValJey, kahi i make ai he mau ola lehulehu ame ko lakou mnu lio, mamuli o ka holomoku no ka imi ana i ke gola. Aole o ko lakou mau ola wale no> ka i lilo, aka ua pau pu me ko lakou* man waiwai apau i ka poino, na waiwai hoi a lakou o ke noi ana tku no ka lftwe ana mai ia lakou no keia wahi. Ua oleloi». aia ma kahi o ka 3,000 kaaaka. m» 2,000 lio i waiho na iwi ma White Paea Valley iluna o.na mauu, i ke waiho mokaki nei ko lakeiu mau iwi i laweia e ka wai iwaena, o na pohakh halo'alo'a. H« nui na mikanele e noho kokoke nei maanei o na Ilikini, a he lehulehu wale o keia poe kanaka i loaa na hoonaauao maikai ia. a ke paa nei kekahi poe o lakou he mau kulana iloko o na halekuai a ma na kula o na kuaaina. Ua kamailio pu au me kekahi poe lehulehu o keia lahui kanaka, a ua pihft loa au i ka hauolī no ko lakou pii mai ma na annu no ka holomua. Ke hoouna aku nei au ia oe he wahi buke uuku, e hoikeike ana 'i ke ano j ame ke ola ana o na llikini, a manao ftu e lilo ana no i mea makemake na na kanaka, ke unuhiia aku a hoopuka liiliiia, ke loaa ia oe he manawa kaawale i kekahi manawa. Qwau iho no me ka oiaio, A. F. COOKE.