Ka Nupepa Kuokoa, Volume XLVI, Number 33, 19 ʻAukake 1910 — KAUAI HE HOOPA'I KO'IKO'I. [ARTICLE]

KAUAI HE HOOPA'I KO'IKO'I.

Mamuli o ka loaa mau he alaihele maalahi i na keiki opiopio ame na kanaka makua pu no kekāhi, e holo ai mai kekahi wahi a i kekahi maluna o na moku, ma o ka mahuka ana, ua kauia mai nei i hoopa'i ikaika no ka poe apau e loaa aku ana ma kela ano iluna o na moku. L T a hoololiia ke kanawai i hanaia no ka poe mahuka, ma <y ke kauia ana i hoopa'i o hookahi haneri dala i ka mea e loāa pono aku ana ma ke ano mahuka, a e hoopaahao puia hoi i eh3 pule ke manaoia ma ka hoopaahao ka hoopa 'i e kauia ai. Maluna wale no o ka poe i oi aku na makahiki i ka umi-kumamalima e kau aku ai na hoopa'i ae la o kela ano ke ku ka hewa mahuka ia lakou, a o ka poe hoi e lawe ana i na keiki malalo iho o kela mau makahiki he umi-kuma-malima maluna o na moku, o lakou kekahi e hoopa'iia, ke ku ka hewa, aole e oi aku mamua o elua haneri dala. Hp hookahi wale no manao nui o ke kauia ana o keia hoopa'i no ka poe ma. huka, no ka manaoia no ia, he mea paha e.liapa mai ai, a e wiwo ai ka poe koloJiJe ma o s ka imi aūa, o ka mahuka ke alahele maalahi e hoea aku ai i ka lakou mau wahi e makemake ai e holo. Ua hoao na 'liimoku e hana aku ma na hana apau a lakou i manao ai, he mea ia e wiwo ai ka poe o kela ano, ma o ka pepehi maoli ana ia lakou, a ma o ka hoohana ana no hoi kekahi ma na hana oolea maluna o na moku, nae ia he mea e maka'uia mai ai, e mau ana no ka mahuka ana i kela ame keia manawa.