Ka Nupepa Kuokoa, Volume XLVI, Number 32, 12 ʻAukake 1910 — PAU KAUPOKU I KE AHI OIAI KA OHAKA E AI ANA. [ARTICLE]

PAU KAUPOKU I KE AHI OIAI KA OHAKA E AI ANA.

la Jordan A. Silva ame kona ohana e ai ana i ko lakou aina kakahiaka me ka noonoo ole ae he poino kekahi e hoohalua koke mai ana, i ke ahi nae e a ana iluna o kaupoku me ko lakou ike ole aku, a e ole kekahi poe i holo mai a kahea akahi no lakou a ike he poino ka kekahi e holapu mai ana mawaho o ka hale. Aia kela hale ma ka helu umi ma ke alanui Kula. Ua lohe no kela ohana, pelaia mai i ka papaaina o kekahi me3 mawaho aohe nae i manao he ahi noho malie no ai a e ole ka holo ana mai o kekahi poe e kahea loaa ai ia lakou ka ike no ka poino a i ka holo ana ae a nana mawāho oluna o kaupoku ke a ia mai ana e ke ahi. Ua hoike kokeia kela ahi i ka hale kinaiahi a he manawa pokole ma ia hope mai hoea akn la na kaa wai a i noke ae i ke kiki a hiki i ka pio ana. 0 kahi i laki loa ai oluna wale no o kaupoku kahi i pau a ua kohoia aku nae ka nui o ke poho aia ma kahi o ka 300 ame $400. Ma ka naha ponoiā ana o kahi i oili mai ai o ke ahi mailoko mai no ia o ka puka uwahi ua kokoke loa i kaupoku, he eono wale no iniha ke kiekie o ka puka uwahi maluna ae o kaupoku, a o ke ahi e oili mai ana mailoko mai olaila aole e nele ana ka hanle iho iluna o ke pili i hele a maloo i ka la.