Ka Nupepa Kuokoa, Volume XLVI, Number 32, 12 ʻAukake 1910 — HE MEA NA KELA AME KEIA E HANA AI. [ARTICLE]

HE MEA NA KELA AME KEIA E HANA AI.

He mao pule kakaikahi wale no koe o ka hoea mai no ia i ka manawa e hoohanaia ai ka mikini kalaiaina r oiai no nae eia ke hoomakaukau e ia mai nei no na mea paahana e pono ai ua mikini la, a ua ili aku ke koikoi malona o kela ame keia mea i komo iloko o na aoao kalaiaina e hoohana ai i kona lunaikehala ma ke ano knpono i wahi e loaa ai na apono ana a ka lehulehu, no ka hakoko kalaiaina e hoea mai ana. # Ke hookokoke mai nei ka manawa no ka wae ana ina elele 0 na aoao kalaiaina na lakou e wae i na moho mai ke kulana Elele Lahui mai a hiki aku i na luna aupuni o na Kalana, a e nana aku ana ka lehulehu koho haloka i na moho i waeia ma ke ano, ca makemake io paha lakou i ka poe i waeia ame ka ole, a e lilo ana ia 1 mea nui na na aha elele wae moho e nana mai ai. No ke kulana Elele Lahui. he kulana hoopaapaa ole ia ia, oiai oa maopopo mua no na moho a na aoao kalaiaina ē onou mai ana imua o ka lehulehu i keia kau; a oiai eia no ka hilinai a ka hapanui o ka poe koho haloka maluna o Kalanianaole, he mea kanalua ole no i ka Kuokoa ka olelo ana ae. nona aku ana no ka noho iloko o ka Ahaolelo Lahui i keia kau e hoea mai ana. Xo ke Kulanakauhale nae o Honolulu nei, aia hē mau kulana lehulehu e waeia aku ana, no ka lilo ana i mau luna aupuni na lakou e lawelawe mai i na hana o ka lehulehu, a o ka loaa ana o ka paa haloka maemae. o ka mea ia nana e alakai aku i ka aoao Repuba!ika i ka lanakila i keia kau. I mea nae e loaa ai ia hopena e iiniia aku nei e kela ame keia Repuba]ika oiaio, he mea pono e komo nui ka poe kupono iloko 0 ka ahaelele, a mai keia manawa aku no e hoomaka ai ka imi ana ame ka ninaninau ana i na moho na lakou e alakai i ka aoao i ka lanakila, a he hooia wale ana mai no ka ka aha elele wae moho e noho mai ana. I ka hoomaopopo ana i ke kulana o ka aoao Repubalika i keia kau ma o na mahele la, ua hoomahuahuaia ae kona ikaika, a ma ka huki like ana o na mea apau iloko o ka aoao, ka manaolana no ka hului pau o ka Repubalika i na moho o ka Mokupuni o Oahu nei. I ka nana ana ma ke kau aku nei i hala, a hiki mai no i na helehelena e hoomaopopoia aku nei i keia manawa, o ke kulana Meia ke kulana aumeumeia, mamuli o na moho e makemake nei e alualu 1 kela hanohano, a ke ole e loaa he hooponopono maikai ana ma kekahi ano, me ka iini iloko o ka aoao e kaa ka hanohano i na Repubalika i keia kau ma keia kulana, alaila, o ka mokuahana ana iloko o ka aoao, he mea ia e kaa ai ka pono ma ka aoao o na moho o na aoao e holo ku-e mai ana. Oiai he iini mau ko ke Kuokoa e ike aku i na kanaka kupono maoli ma ka aoao Repubalika, na lakou e lawelawe mai i na hana o ka lehulehu me ke kui'o, nolaila he mea pono i ka aha elele wae molio e makpala i na ilio melemele, ka poe i komo mai iloko o ke kaaiaina me ka manao makee no na pomaikai e loaa ana ma ia hana.