Ka Nupepa Kuokoa, Volume XLVII, Number 24, 17 June 1910 — HULI PONO KA PAPA LUNAKIAI Makemake ka Meia e Noii Pono Kekahi Komite i na Lono Pili i ke Kipe. KUE O QUINN KE HANA MALU Waiho o Aylett Imua o ke Kiure Nui Oia e Hoike ai i na Mea Apau. [ARTICLE]

HULI PONO KA PAPA LUNAKIAI

Makemake ka Meia e Noii Pono Kekahi Komite i na Lono Pili i ke Kipe.

KUE O QUINN KE HANA MALU

Waiho o Aylett Imua o ke Kiure Nui Oia e Hoike ai i na Mea Apau.

Mamuli o ka oliili ana ae o kekahi lono meahou no ka hoaoia ana o kekahi mau hoa o ka Papa Lunakiai o ke Kulanakauhale ame Kalana o Honolulu nei e kipe no na mea e pili ana i ka aelike no ka lialii ana i ke alanui Papu, i kaheaia ae ai he halawai a ka Papa Lunakiai ma ke awakea o ka Poalua nei no ka huli pono ana aku i ka oiaid o ia lono, aka nae aole loa o Lunakiai Aylett i makemake e kamailio imua o ka Papa no kona hoaoia ana e kipe, aka imua o ke kiure iiu'l oia i makemake ai e hoike.

Ua hoea ae na hoa apau o ka papa ma kela halawai, pela hoi me ka Loio Kalana ame kona hope ame J. A. 6il* man ke kanaka i kuleana i ka hana ana aku i ke alanui Papu ma ka aelike.

I ka weheia ana o lea halawai, ua heluhelu mai la o Meia Fern he palapala, e pili ana no ia i ka meahou i hoopuka* ia ae e ka Nupepa Advertiser no ka hoaoia ana o kekahi o na hoa o ka OPapa •e kipe i mea e koho ai oia ma ka <aoao e a'e ana i ka vito a ka Meia.

Ua hoakaka pu mai no hoi ka Meia i kona manao maloko o kela leka, e waihoia k» huH pono ana i ka, oiaio o na mea i loheia iloko o kekahi komite kuikawa, a na kela komite e waiho mai i ka hoike ma ka halawai kumau o ka papa e malamaia ana ma ka po o ka Poalua, lune 21. I hakalia no a pau ka heluhelu ana a ka Meia i ka palapala, ua ku koke mai o Quinn a ku-e mai i ka waihoia ana o ka hana ninaninau iloko o ka lima o kekahi komite, aka e hooloho akeaia no iloko o ka papa, oiai he mea pili loa keia i ka lehulehu e kuleana ai ka lehulehu e lohe i na mea apau e kamailioia ana.

I kela manawa i ku mai ai o Lunakiai Aylett a hoakaka mai la i kona manao, ua hiki no i ka papa ke hana i aku e like me kona makemake, aka aole I nae ia he mea nona e hoike ai i kekahi | mea a lakou i īnakemake ai iaia e ha|ha'i aku e pili ana i kona hoaoia ana e kipe. Ua hoakaka pu mai no hoi oia i kona kanalua no ka loaa ana o ka mana i ka papa e ninaninau mai iaia, aka ua hoopauia nae kona pohihihi mamuli o ka hoikeike ana aku o ka Hope Loio Kalana i ke kanawai iaia. Aole no nae ia he mea no Aylett e hoike ai i na mea e pili ana i kona kipeia ana ia lakou, no ka mea ua hoike hou ae la oia, imua wale no o ke kiure nui oia e hoike piha ai i na mea apau, a aole oia e kamailio i kekahi mea ikoa aku ke ole e 'hui pu mua oia me kona loio a kamailio no ia mea. Mahope iho o ka imi ana aku o ka Hope Loio Kalana i na alahele e hiki ai ia Aylett ke hoike mai imua ona, a imua paha o ka papa, on ka mea nana oia i kipe, a ko ole kona makemake, ua hoike okoa mai la o Loio Ka* lana Catheart. e waiho loaia aku ana kela hana imua o ke kiure nui no ka huli pono ana mai 1 ka mea nana i hoM na Lunakiai e kipe.