Ka Nupepa Kuokoa, Volume XLVII, Number 23, 10 June 1910 — HE HEIHEI O HOOKAHI LA He Iwakalua-kumamaha Hora ka Manawa Heihei e Uleleia Ana. KAOO ME HAU NA MOHOHAWAII Hoomaka ka Heihei ma ka Hora Umi o Keia Po, Pau ma ka Hora Umi o ka La Apopo. [ARTICLE]
HE HEIHEI O HOOKAHI LA
He Iwakalua-kumamaha Hora ka Manawa Heihei e Uleleia Ana.
KAOO ME HAU NA MOHOHAWAII
Hoomaka ka Heihei ma ka Hora Umi o Keia Po, Pau ma ka Hora Umi o ka La Apopo.
'Ko ka manawa mua loa ma Hawaii nei, e malamaia ana he heihei kukini o iwakalua-kumamaha hora ma keia po maloko o ka hale holohau, e hoomaka ana ma ka hapalua o ka hora umi, a e pau Aiia ma ka hapalua o ka hor& umi o ka po o ka la apopo. Ua hala ae nei na heihei kukini o na pahu loa like ole, mai ka iwakalua* kumamaono mai a hiki i ka umi mile, a .no ia mau heihei ana apau, ua kaa walo no ke eo ia Akoni Kaoo, a he heihei hoi keia o hookahi la e holo ai me ke akeia e ike, nawai ana la ke eo 0 keia ano heihei. He heihei keia ma na lahui o elua moho o kela ame keia lahui, a m& na mea i maopopo loa i keia manawa, he nui na lahui e komo ana ma keia &no heihei. No ka lahui Hawaii, o Akoni Kaoo ame J. Hau ke ku aku ana imua o ke kahua heihei no ke ake ana e aha'i ae 1 ka inoa moho o keia heihei, a ua makaukau no kekahi man lahui e ae me ka lakou mau moho. , E komo' ana ka lahui Pake, Kepani, Amenka, 'Pelekaliia, I&kini, aibe Pukiki, a ua waeia na moho i manaoia e hiki ana ke holo ma keia ano heihei 1 me ka piula ole a hiki i ka piha ana o ka la hookahi. Mawaho ae o keia heihei e malama puia ana ka heihei pahu loa maluna o na kamaa holohau, a aia a pau ia heihei 7 alaila mahope iho o ia manawa o uleleia ai ka heihei ana o keia man moho o na lahui like ol«. Aole he mau rula i kauia no kela ano heihei, koe wale no ka hele aha a holo ana paha o kela ame keia mOho e like me kana i manao ai pela oia e hoea aku ai i ka pahu hopu mo' ka piula ole», a e hoomakaukau ana no lakou mau kokua i kekahi mau meaai na lakou ame kekahi mau mea e ae no lakou e pono ai. ,E hoea ae ana ka bana Pukiki no ka paani ana ma keia po, a pela no ma ke kakahiaka ame ke hiahi o ka la apopo. Oiai he la knlaia ka la apopo, o ia ka la hanau o ka Na'i Aupuni Kamehameha, nolaila na manaoia o kekahi keia o na lealea nana © ume nui ae i na kanaka no ka ike kumaka ana i ke ano o na moho kukini ma keia heihei.