Ka Nupepa Kuokoa, Volume XLVII, Number 23, 10 June 1910 — KAUIA KA BELA I KA $5.000. [ARTICLE]

KAUIA KA BELA I KA $5.000.

Aole no i poina i ka noonoo o ka poe heluhelu ka inoa o Kekai, kela oiwi Hawaii elemakule oiaio i make ma'uwale ai i ke kaa otomobile a M. Bichards ma kekahi manawa koke i hala ae nei, a no ka poino ana o ia ola ke noho mai nei kekahi poe me ka minamina a ke noho pu mai nei kekahi poe me na manao ukiuki no Mianuel Bichards, ke kaiaiwa holonui, a hookeekee no ka makaala ole i ke ola o ka poe helewawae ma na alanui, a mamuli o ia makaala ole i poino ai ia ola makamae i hiki ole ke k#kiia me kekahi huina dala nui. Ma ka auwina la o ka Poaha aku nei i hoopuka mai ka Aha i ka palapala hopu no ka lawe ana ae ia Manuel Richards imua o Lunakanawai Cooper, mamuli o ka palapala hoopii hoahewa a ke Kiure Nui o ke Teritore; ua hoopaneeia mai ka hoolohe ana i kona hihia a hiki i ka Poalua iho nei me ke kauia ana o kona bela ma ka $5,000, a *ua Hkf no keia -bela me ko Edward Cluney, kela kalaiwa ona nana i hoopii i ke kaa maluna o ke Pukiki o Borbaza a make ai, oiai na kulike loa ko laua mau hewa i hoopiiia ae ai. O Lunakanawai Edings ka loio o Riehards no ke pale ana iaia a ma ka wawaia mai he manaolana ka kona e puka iaelae mai ana no oia mai keia hihia mai. Aia ka a make ke kanaka alaila manao iho pela. Ma ka po Poakahi akn nei ka i hala oili mai la ua Manuel Richards nei mailoko mai o ka hale inarama ma ke kihi o ke alanui Betela me ka piha hauoli, me ke kowiliwili ana ae i. ka papale me ka hoopuka pu ana ae i kekahi man olelo, "Owan nei, owau ka mea laweola." Ua manao paha oia ia hoopuka ana ae ia olelo he mea lealea wale no e hnli ole aku ana a naha iaia, a he olelo ku ibo la ia i ka hoihoi ke hooloheia akn.