Ka Nupepa Kuokoa, Volume XLVII, Number 19, 12 Mei 1910 — HOPUIA MA KE ANO HOOHUOI. [ARTICLE]

HOPUIA MA KE ANO HOOHUOI.

Mamuli o ka hoike hoopunipuni ana o Rodrigues imua o kekahi o na makai ua hoounaia aku oia no ke kiu ana i ka Paele mahuka, nolaila i mea e hiki hou ole ai iaia ke pulapu hou aku, ua hopuia ae oia a noho ana i ka halewai ma ka Poakahi nei. Oiai na makai e noke ana i ka huli ia Grace ma ka po o kona Ia o ka mahuka ana mai kahi hana aku, ua kuhihewa kekahi o na makai, o Rodrigueā paha ka Paele mahuka, aka ma ka ninaninau pono ana nae i ke ano o kana hana ma kela po, a ma kela wahi hoi 0 koqa loaa ana aku, ua hoike aku la oia i kela makai, e huli ana oia i ka Paele. mahuka, oiai ua kauohaia aku oia e Makaikiu McDuffie e hele e huli ia Grace. 0 keia no ke kokoolua o ka mahuka like ana me Akoni Lopez, kela Poko Riko nana i hoopukaka i na makai iloko o kekahi manawa ae nei i hala, aka mamuli nae o keia pane ana, i hoopau wale ai ka makai i kona manao hoohuoi, malia paha ua pololei io ka mea a Rodrigues e kamailio aku ana iaia, nolaila ua hookuuia no oia e hele ma kela po. T ka hoi ana mai nae o ka makai e hoike ia McDuffie, ua hoole aku la,ka makaikiu aole he kauoha o ia ano i loaa aku mai iaia aku, nolaila ua hoomaka ka huliia ana no kela mea kolohe a ua hala okoa na pule ekolu o kona huliia ana a hiki wale i kqpa loaa ana. Ua heleia oloko o kona rumi e huli, a loaa aku la kekahi mau lalio ona i kuniia i kekahi mau huakumu, a oiai he mau lako kela e hiki ole ai ke manao ia aku e loaa ana ia Bodrigues, nolaila 1 komo koke mai ai na hoohuoi ana, ua lawe okoaia mai kela mau lakou mai kekahi mau walii mai. 1 kona manawa i hopuia ai, a i ninauia aku ai no na lako maloko o kona rumi. ua hoole loa mai oia aole he mau ukana a mau lako paha ona ma keia aoao o Waialua, a i ka hoounaia ana | nae o ka makai e kii i na lako i ikeia ai maloko o kona rumi, ua hiki hou ole iaia ke hoole mai, a o kona noho no ia i ke puhi, no ka manaoia, ua ai hueia mai kela mau lako e ia i loaa ai, aole ma kekahi ano okoa ae.