Ka Nupepa Kuokoa, Volume XLVII, Number 17, 29 April 1910 — KA LEI A MAUA UA HAIA. [ARTICLE]

KA LEI A MAUA UA HALA.

Mr. Lunahooponopono o ke Kuokoa, Aloha oe: E oluolu e ae mai i kekahi wahi kaawale o ka wahaolelo a ka lehulehu, a nana hoi ia e hii aku i nei puolo o ke kaumaha, i ike mai ai hoi na hoaloha ame ka ohana o ka lei a maua. Ma ka hora 6 p. m. o ka la 11 o keia mahina, Aperila i kii mai ai ka Anela o ka make i ka hanu ole o ka lei a maua, S. Kapena Kaopuikl a noi aku la hoi me ka mea nana i hana. A e hoomaikaiia ka inoa o lehova, Nana no i haawi mai a nana no i lawe aku. "Mai kuu kaumaha, luuluu a po, Ke hele au i ou la Iesu. Iloko o kou oli ko'u pomaikai, Ke hele au lesu. Ua hanauia o S. Kapena Kaopuiki ma Waiakapuaa, Lanai i Malaki 15, 1888 a haalele mai la hoi i keia ola ana, Aperila 11, 1910, ma Kahalepalaoa, Lanai. Ua piha iaia he 22 makahiki ame na la he 27. Ua hipuuia ka lei a maua i ka berita maemae o ka mare me Miss Ella Akeo na Rev. Samuel Kapu, ma Kahalepalaoa, Lanai i Augate 15, 1906 a ua piha ia laua he 2 makahiki a oi. Ua loaa mai he elua keiki a eia ia me ka wahine i hoonele ia i ke kane, ame maua hoi ka mea i nele i ka lei, he keiki. Ua haalele iho laua ia Lanai nei no Lahaina no ka imi ana i ka mea e pono ai o ka noho ana, aka ua hiki mai no nae ka pilikia. A no ia pilikia i kii aku ai maua e hoi mai. Ua imi i na mea e loaa ai ka palekana, a i ke kauka hoi i ka mea i loaa ka naauao e pili ana ia loko a ia waho hoi o ke kino. O ka oleloike he hokii, a he akepau hoi wahi a ka haole. Ua loihi no ka hoomailo ana a ka ma'i. I kona nalohia ana aku he haawina hoi ia no ke kaumaha i kau iho maluna o maua, ka ohana, a maluna hoi o ka wahine i nele i ke kane. Aka he kumu alakai no nae ia ia kakou, e like me ka ka buke nui e olelo nei: "E kiai oukou a e makaala uo [no] ka mea aole oukou i ike i ka manawa ame ka hora e hiki mai ai." Ua pili ia a ua holoholoia keia mau kai e a'u ame kuu mau keiki, mai Lanai nei a Lahaina a mai Lahaina hoi a Lanai nei. A i ko maua hooki ana i keia mau manao, ke hoomaikai nui nei maua i ka ohana i hele mai e paiauma pu me maua i ka mea i haalele mai. O maua iho no, MR. D. KAOPUIKI. MRS. L. KAOPUIKI. Kahalepalaoa, Lanai, Aperila 23, 1910.