Ka Nupepa Kuokoa, Volume XLVII, Number 2, 14 January 1910 — PAA KA HOU PAHI I KA HOPUIA. [ARTICLE]

PAA KA HOU PAHI I KA HOPUIA.

He hookahi ae nei mahina o ka hookuuia ana mai o Waikiki, ka mea i hoohuoiia nana i pepehi a make kekahi o na luina o ka moku Pleiades anai ka halepaahao mai, ua komo aku la oia ma ke kakahiaka Sabati nei maloko o ka Halema'i Moiwahine me kekahi moku pahi ma kona a-i ame na poohiwi. Aole i hoomaopopoia ka mea nana i hou ia Waikiki i ka pahi ia mana•wa, aka he mau hora nae ma ia hope mai, ua hopuia aku la o Jacintho Gomes, he Pukiki a noho ana i ka halewai, ma ke ano oia ka mea nana i hou i ka pahi. Ma na mea i hoomaopopoia, ua ulu ae he hakaka mawaena o kela mau mea ma ko laua wahi e noho ana ma-

kai ao nei o Kakaako, ma ke Kuea Ah Leong, a ua loaa ae ka pahi pelu i ka oihana makai, ma ke ano oia ke« kahi o na mea e hoike mai ana i ka pili o ka hewa i ka mea hou pahi. Mamuli nae o ka ikeia, he kanaka hooulu mau o Waikiki i ka haunaele, a pela no hoi me ka inu rama, me he mea la nana i hoala mua mai i ka haunaele a i ka hakaka paha, a hiki i ka hou okoaia ana i ka pahi.