Ka Nupepa Kuokoa, Volume XLVI, Number 53, 31 Kekemapa 1909 — KA MAKAHIKI HOU E HOEA MAI ANA. [ARTICLE]

KA MAKAHIKI HOU E HOEA MAI ANA.

Eia kakou ke hookokoke loa aku nei i na hora hope o ka makahiki 1909, no ke komo ana aku i ka makahiki 1910, he mea hoi na kela ame keia pakahi o kakou e hauoli ai no ka loaa ana o ia makaliiki, mamuli o ka hooloihiia ana mai o ko kakou mau ola a ike i ka niakahiki iiou. IHe nuj na mea a kakou e hauoli ai ma Hawaii ned i keia makahiki, oiai ke hookukuia me na poino ame na popilikia i loaa i kekahi mau aupuni o ke ao nei, o kakou ka poe i loaa ole i na popilikia e like me ia i loaa ia lakou, e laa na ma'i ahulau, poino a ka makani, ka wail>ahe, ke ahi ame kekahi mau poino lehulehu e ae e like me ia e ike mau ia nei inaloko o na nuj>epa o na aina e. Aia no nae he mau pilikia a he mau poino ma Hawaii nei iwaena o kekaihi mau ohana, kekahi mau pohai a mau auna hoi, aka o ka loaa ana nae o keia makahiki hou e hoea mai ana, e haawiia no na hoomaikai ame na hauoli ana no ka loaa ana o ia la, ka mea a kela ame keia i iini ai e ike ia makahiki. Ua piha no keia makahiki kahiko mai kona hoomaka ana mai a ke kokoke loa aku nei e nalo no kti manawa mau loa, me na hana ino, na hana karaima ame na <hana uhaulia, ka mea nana i hookomo maoli aku i kekahi tnau ohana iloko o ka pilikia a ka nele ame ka hnne, aka aia no nae he nui no na hana maikai, a ku i ke aloha i hanaia, ka mea nana i uhi pu aku i na ino o ia makahiki, a oi loa aku hoi ma o ka loaa ana o ka nohona hauoli i ka ihapanui o na makaainana maloko o keia Teritore. O kekahi o na hana maikai o keia makahiki e pau ana ma ka hora umikumamalua o keia po, o ia no ka makanaia ana ae i halemai' no na kamalii ma'i a na makua ilihune, ka honie no na elemakule ilihune ma Maui, ka liome no na keiki ma'i ole a na makua ma'i o Molokai, ka hookuuia ana mai 6 kekalhi poe ma'i lepera mai he kahua ma'i mai ma Molokai, a j>ela hpi me ka haawi makanaia ana o na kamalii ilihune me na makana lehulohu ma ka la Karisimaka. aku la i hala. ' Aole nae hoi no ka makahiki e naJohia aku ana, e nalo loa aku ana ia me kana mau o kela ame keia ano, aka i ko kakou komo ana aku i ka makahiki 1910, ke makemake nei makou e lilo na hana o ka makahiki i liala, i mau mea ku mau niai imua o ko kakou mau maka, a e lilo i mau mea a'o mai ia kakou no ko kakou nee ana aku imua ma keia makahiki ae. L T a kau ilio ke koikoi maluiia o kela ame» keia makaainana Hawaii, ka noonoo ana i kana mea e hana ai no ka makaliiki hou. 1 ka oili ana mai o ka wehēna kaiao o ka makahiki hou ma keia po, ina i.ake nui kakou i ka nohona hauoli ana, ka noihona ulakolako ana, a hoano hou ae paha i ko kakou nolio ana, liana ana, alaila e hooholo i ko kakōu manao e hana aku pela, aole auanei e 'nele ana ka oili io mai o na mea maikai he nui inamuli o ke ake ana i maikai na mea a ke kanaka e hana ai no ka makahiki, ]iou e hoea ma^ana. He oiaio e hoike ana kela anie keia i kona hauoli iho no ka loaa ana o ka makahiki hou iāial, mā o ka hoomakaukau ana i kekahi mau mea lehulehu e like me ka maa e malama a e hana mauia ana e na kanaka ma kela la, aka he hookahi nae hauoli oi ae a makou e iini nei e komohia aku iloko o kela kanaka, keia wahine a keiki paīia, o ia no ka hoano hou ae i ke ola ana, mai ke ano ino ae a i ka maikai, he makana kupono loa ia no kela la e oili mai ana.