Ka Nupepa Kuokoa, Volume XLVI, Number 52, 24 December 1909 — MAKEMAKE IA MAU SENATOA I KO LAUA MAU UKU. [ARTICLE]

MAKEMAKE IA MAU SENATOA I KO LAUA MAU UKU.

Oiai ua kaheaia ka Aliaolelo Kuikawa e ke Kiaaina, e like me ia i noho ai i kela mahina aku nei, a ua ukuia aku hoi na Solona Kaukanawai o ka hiki kino ana ae ma kela kau, nolaila, ma ka huli lioi ana mai nei a na Senatoa Fairehil(] ame Moore, oiai aole laua i noho ma kela kau kuikawa, ua hala aku laua no Amerika, nolaila ua koi ae īaua i ka laua mau haneri dala elua pakahi i ka Puuku o ke Teritore, eia nae aohe i haawiia aku ia laua. Ua kanalua loa o Peresidena Smith o, ka Aha Senate no ka loaa ana o ka uku o kela mau Senatoa i lawelawe ole i kekahi hana, a ua waiho loaia aku ka ninau pili i ka loaa o ko laua uku i ka Loio Kuhina. No Lunamakaainana Shingle nae, oia ho kekahi i kaawale no Amerika, ua ukuia aku kana mau haneri dala elua, aka ua lioole oia i ka lawe ana i kona uku, a ua haawi aku oia i kela mau dala aj»au no ke kukulu ana i ka hale Y. M. C. A. » Ua manaoia, ina paha e ae ana na Senatoa e koi nei i ko laua uku e haawi aku i kekahi hapa o ka uku i mea e kokua ai i ke kumulaau Karisimaka malihini, alaila ma ia ano paha e ukuia mai ai laua i ko laua uku o ka hana ole ana i ka hana o ka lehulehu.