Ka Nupepa Kuokoa, Volume XLVI, Number 46, 3 December 1909 — HAAWI MAKANAIA KEKAHI AINA O KONA I WAHI NO KA POE I LOAA I KA MA'I AKEPAU. [ARTICLE]

HAAWI MAKANAIA KEKAHI AINA O KONA I WAHI NO KA POE I LOAA I KA MA'I AKEPAU.

Ma ka halawai a ka Meu's League ma Kaukeano ma ke ahiahi o ka Poakahi i hala aku nei, i haawi makanaia ae ai e J. A. Rath, ka lunanui o ka Misiona o Kapalama, i kela apana aina i ikeia no Buchholtz, ma Kona, nona ka nui he kanalima eka me na hale a pau e ku ana maluna iho, i ka ahahui i kapaia ka Red Cross Society, i kahua *e ku ai na hale no ka poe i manaoia ua loaa i ka ma'i akepau. 0 ka ahahui I hoikeia ae la ke hooikaika nei e kinai i ka laha nui ana o ka ma'i akepau a ma kekahi olelo ana ka ma'i luku iwaena o na ili keokeo (white plague). O ke kumuleuai i noiia ae he hookahi dala wale no i kumu e mana ai ka hoolilo ana i kulike me ka manao o ke ka» nawai. O ka manao mua i hoolalaia ai e hoolilo i ka makekei'a kahiko i kahua no ka~"poe ma'i, oia ano a i ku-e ikaika loaia mai ai e ka lehulehu, ua hoopau loaia a ma na hiohiona maopopo loa i keia manawa e hoihoiia aku ana ka poe i loaa i ka ma'i i Kona i keia apana aina hou i loaa mai la. He makana kiekie loa keia i haawiia aē la ī ka Ahahui Ke 'a Ulaula.