Ka Nupepa Kuokoa, Volume XLVI, Number 46, 3 Kekemapa 1909 — KIPAKUIA MAI KE KULA KOA MAI No ke Puhipaka ke Kumu o ko Ashford Opio Hoopauia Ana. [ARTICLE]

KIPAKUIA MAI KE KULA KOA MAI

No ke Puhipaka ke Kumu o ko Ashford Opio Hoopauia Ana.

Ua lilo i meahou nune nuiia ke kipakuia ana ae mai ke kula a'o koa aku o Annapolis o Ashford opio o keia kulanakauhale, a mamuli o na mea i hoikeia ae maloko o na nupepa, no ke puhipaka ke kumu o ke kipakuia ana. Wahi nae a Mr. D. Conkling o ka hoike ana ae, ua ala kahiko mai no ka hoowahawaha iloko o kekaiii lukanela, ke kanaka nana i hooikaika loa e hoopauia ka noho ana o Ashford opio maloko o kela kula, mai ka manawa mua loa no o ke komo ana aku o keia keiki iloko o kela kula. Ua loaa pono o Stanley Ashford no ke puhipaka, he rula paakiki hoi i kau ia maloko o kela kula, o ke keiki e loaa aku ana e punipaka ana, e kipakuia oia mai kona noho ana maloko o ke kula, a ua loaa hou īho la no nae 0 Ashford e puhipaka ana, a o ke kumu maopopo loa ia o kona kipakuia. O keia keiki o ke kipakuia ana mai la, he haumana oia i waeia e ka Elele Lahui mai Hawaii aku nei, no ke komo ana ma kela kula, me he mea la, e wae houia aku ana i keiki no ka hoopiha ana aku i ka makalua o ka mea 1 hoopauia mai la kona nohoana aku e a'o no ka makaukau i ka oihana koa.