Ka Nupepa Kuokoa, Volume XLVI, Number 46, 3 Kekemapa 1909 — HE NANE. [ARTICLE]

HE NANE.

Mr. Lunahooponopono. Aloha oe:— E oluolu hou mai kou ahomii no'u kekahi lumi kaawale o ka kakou hiwahiwa no ka'u wahi puolo, i ike mai ai hoi na kini ame na kakaolelo huli mea pohihihi, mai na kuahiwi ekolu i hookuakeaia e ka hau ame ke ala huihu? •waianuhea o ka hinano i ka aina paia ala i ka puka'na la o ka moku nui a Keawe, a hekau loa aku i ka piko o Waialeale moku o Manokalanipo, nona hoi na kuahiwi i lupeaia e ke ala kupaoa o ka mokihana me ka lauae o Makana. He kama ka'u, he kupa, he kaeaea, he ihiihi, he kapukapu, he konohlki no Pihanakalani, h% hoa noho no Kauakahiālii, he ahikanana no Mana, he ihu pani no Kaliula. Puni ke ao holookoa i ka nani, ka maemae, ka nohea ame ka u'i o kuu kama, nona hoi neia hooheno ana: Nani Haleakala i ka makani, Kiekie no i ka hapaiia e ka naulu. O ke kilohana no ia o na mauna, 0 ka oi no ia o Hauailiki. -Ua hiki no ia oe ke loli a lole ae, Ke lole ae la ka makani i Waikoloa. E pono no ia'u e kuhikulii aleu ia oe i kp alanui mua e loaa ai o kuu kama ia oe, a penei no ia: 1. Iluna ilalo iho oe, I o ia nei ae au, Uila olapa ka p^ea, Ne-i naue ka honua, Paapaaina nakolokolo ka lewa. Pehea, ua maopopo aku la ia oe? Hele no hoi a loaa ole ia oe, he keu no hoi kou hoomaopopo ole-i kuu hai okoa aku no. 1. 0 iluna o Waialeale e kui lei mokihana ai, i kunana oe ilaila, hoi mai i Honolulu nei a pii iluna o Kaala e kui lei ilima ai, a i ike oe i ke kau a ka makole i Konahuanui, ua luhi -wale ia pii ana ou, alaila, e aho ka holo loa ana i na Hono a Piilani e kui lei. loke lani ai, e akahele nae oe o paa ou mau j maka i ke kepau ulu ia Kaululaau. A i nele loa no hoi oe i keia mau moku ae la, hoomanawanui loaia no a hiki i Hilo, pii pololei no a hiki i Hopoe,~kui i lei lehulEi a paa, komo aku i ka hihipea I o na lehua o Panaewa a ke liiki ka hoi oe i Keaau, lawe pololei no a hoolei 1 ko lei lehua i ka wahine o Hopoe, o ka loaa no ka hoi ia ia oe. Pehea, ke mau 'la no kon pohihihi? Ina pela. ea, eia paha i keia mau wahi lalani e maopopo loa ai ia oe: Nani Maunaloa i ka makani, Kaiaku lua i ke apu Waialeale; E hea ana ia Kawaikini, Ihea oe e ka uka opua, I o au i Hihimanu, E aha ana ka noe o Alakai, E noho ana no me Kawaikoi, Me na kauna pua lei o Keaau. Kaua i ke aloha hooluhi kanaka, A luhi, a luhi ka manao, I ua ai ewe nei no mai o mai. 1 pouliuli loa no hoi oe ia mau alanui a'u i kuhikuhi aku la ia oe, hoi mai no i ka la'i o ke kaona nei, alaila, hoi iluna o Leahi e ki ai i na pukuniahi o ka papu. Ninau mua aku no nae oe i kamalii nana e pao mai nei i ka lua a puka ma kahi aoao. Me ke aloha no, NA HONO A PIILANI. Ma ka Poklua nei i haalele aku ai ka mokuahi Kepani Tenyo Maru ia Yoko: hama a e ku mai ana ia ianei i ka la 10 o keia mahina me ka piha ukana, hookahi kaukani kona no Honolulu nei, a hala loa aku no Kapalakiko. — E malama ana na Ahahui Kelemania ma Kapalakiko i ka hanohano o ka la hanauu o ke kanaka hakumele kaulana Schiller. %