Ka Nupepa Kuokoa, Volume XLVI, Number 46, 3 Kekemapa 1909 — HE KAKOO NUI I KA MANAO O KA ELELE KUHIO. [ARTICLE]

HE KAKOO NUI I KA MANAO O KA ELELE KUHIO.

Ma ka helu aku nei o ke Kuokoa o ka pule i hala, i hoikeikei aku ai makou i ka manao o ka Elele Lahui maluna o ka ninau waiona, e ku-e ikaika ana hoi oia i ka ae ana aku na ka Ahaolelo Lahui o Amerika Huipuia e kau mai i na kanawai e hookapu loa*ana i ke komo ana mai o ka waiona ma Hawaii nei. | Oiai he ninau koikoi loa keia i pili i ke ola o ka lahui ame ka aina, nolaila he mea pono ia kakou ke noonoo i kona mau aoao apau me ke akahele, i mea e ala ole mai ai kekahi mau hana e ala- * ko aku ai ia kakou na Hawaii iloko o ke kuhihewa ame ke paheineheneia mai e Ameuika, ka aina makua nana e hoomalu nei i keia Teritore. ■ No ke Kuokoa nei, ua hoike kahiko oia i kona manao makee e ike aku i ka holoiia ana aku o ia mea he waiona mai ka lepo alolia aku o Hawaii, ka luamimilo nana e ala/ko nei i na Hawaii iloko 0 ka make, ka hune ame ka nele, aka e haawi aku anei kakou na Ame«*ika e hana mai ia hana, e like me ka kekahi poe makaainana e manao nei a e hana nei, ma o ka hoouna ana he mau palapala lehulehu i na Solona Kaukanawai o Amenka? Ke ku nei ke Kuokoa a kakoo aku i ka manao o ka Elele Lahui Kalanianaole, e like me ia ana o ka lioike ana ae ma ka pule 1 hala aku la, a no ka mea, he hoike okoa ana aku ia i ka hiki ole ana ia kakou ke hana i mau kanawai waiona e like me ka kakou e manao nei. Ua nui na mea i kamailioia no na Hawaii ma ha aina e, no ka hiki ole ana ia kakou ke lawelawe i na oihana koikoi a ano nui iloko nei o ka aina, e ae aku anei kakou e ihooiaio aku ia mau mea oiaio ole mamuli o ko kakou hoike a maka ana ae i ko kakou hawawa? Eia na hana kaukanaw T ai iloko oka lima ona kanaka Hawaii, "he mana i haawiia mai ia kakou e ke Kanawai Kumu, nolaila ma ko kakou aoao ko na Hawaii, e hoohana aku ia pono i loaa ia kakou me ke akahele ame ke ano kupono. Aia iloko oko kakou mau lima ka mana koho baloka, e koho ai i na Senat'oa ame na Lunamakaainana na lakou e hana mai i na kanawai waiona maikai ke manao kakou e hana pela, a he mana ko kakou e hookikina aku ai i ka Ahaolelo Kuloko e <hana mai i mea e hookoia ai ka manao o ka hapanui o na makaainana o keia Teritore. O ke keehina a ka Ahaolelo Kuikawa i hana ai ma ke kau aku la i liala, e ku-e ikaika ana ma kekahi olelo liooholo i apono lokahi ia e na Hale Kaukanawai a elua, no ke komo hokai ana mai a Amerika me ka manao e liookapu loa i ke komo ana mai ame ke kuaiia ana o ka waiona maloko o keia Te)i*itore, ua lawe ae lakou i ke alahele e hoopakele ana i ko kakou ikeiia ana mai ma ke ano he la.hui hiki ole ke hooponopono ia kakou iho. Ina ua lilo ka waiona i mea hoopoino aku i ka lahui ma na ano apau, a ua makemakeia kona nalohia. ana aku mailuna aku nei ō ka aina a i ole, e hoemiia mai palia ka laha ana a'ku o ka waiona ma keia mau mokupuni o Hawaii nei, eia no ia kakou ke kuleana e hana pela ma Hawaii nei, me ka ui ole aku na Amerika e rula mai ia kakou, a no ka mea, o ke kumu iho la ia o ka Ahaolelo i haawiia mai ai ia kakou, no ko kakou hana ana aku i na kanawai no kakon e pono ai. Ke lokahi pu nei ke Kuokoa mei ka manao o ka Elele Laliui, ma ka hooia ana aku, no kona komo kokua ana e lilo i mea kokua a kakoo, i ka lilo ana na ka Ahaolelo Knloko e hooponopono i keia iiinau koikoi. He liookahi wale no makahiki a kakou e kakali aku ai, hoea hou mai i ka wa e noho ai ke kau mau o ka Ahaolelo Kuloko, a mamua ae o ia inanawa i makeanakeia ai ko oukou, ko ka laliui wae ana ae i ka poe a oukou i ike ai, e hiki ke hookoia mai ka makemake o na makaainana maloko o na liale kaukanawai, aole maiuna wale no o keia ninau hookahi, aka ma na ninau e ae i pili i ke ola o ka lahui ame ka aina.