Ka Nupepa Kuokoa, Volume XLVI, Number 46, 3 December 1909 — HOOPAUIA O MAKAIKIU LEAL Lawa na Kumu Kupono no Kona Kapaeia Mai ka Oihana Makai Mai. [ARTICLE]

HOOPAUIA O MAKAIKIU LEAL

Lawa na Kumu Kupono no Kona Kapaeia Mai ka Oihana Makai Mai.

He keu no hoi e hoohakaliaia iho ana ka noonooia ana no ka lioopau loa ana aku ame ka ole ia Makaikiu Joe Leal mai ka oihana makai aku o Honolulu nei, a pau ka ninaninau ana a ke Komite Makai o ka Papa o na Luuakiai, e like nle ia i hoopaneeia inai ai a hiki i ka la apopo, aka ua lawe ae o Makai Nui Jarrett i ka mana iloko o ka poho o kona lima, a kapae aku iaia mai ka oihana makai aku ma ka PoakOlu nei T me ke kaukai ole aku i kekahi man& maluna ae ona. Mai ka manawa o Joe Leal o ka huli hoi ana mai Kapalakiko mai, aole oia i lawelawe hou i ka oihana makaikiu, a oiai e kakali ana a hiki i ka maopopo pono ana o na mea e hanaia aku ana nona, ua hiki mai la ka mea maopopo loa, o ia no ke kailiia ana aku o ke pihi ho-ku mai kona umauma aku. Aole i noho wale ka Makai Nui iloko o kela mau la aku nei i hala, mahope iho o ka puai ana ae o ka hohono hulu puaa no na hana poholalo ame na ano e ae, i wawaia no ke keena o ka oihana makaikiu, aka ua noke.aku oia i ka huli me ka noii ana a hiki i kona ike ana aole e hiki iaia ke au'a hou iho ia Joo Leal e noho mai ma ke kulana ana i paa ai no kekahi manawa. Aole o ka hoopau wale no ke keehina ana i lawe ae ai, aka ua waiho pu aku oia iloko o ka lima o ka Loio Kalana i na kumu hoopii e pili ana ia Leal, no ka waiho ana aku na ke kiure nui e imi pono mai i ke ku i ka hewa ame ka ole, a na Jakou e hoopuka mai i hoopii hoahewa a hookuu loa mai paha iaia. Ma na mea i waihoia aku imua o ka Loio Kalana, ua oleloia ua loaa i ka Makai Nui ka ike, no ka lawe ana o Joe Leal i na dala i ki-peia aku iaia e ka poe piliwaiwai, me ka hana puia ana hoi o kekahi aelike, e lilo no o Leal i mea hoopakele i ka poe ku-e a hakihaki kanawai ma kekahi ano i wahi no lakoa e paa ole ai. Ma ka auwina la o kela la no i hoike aku ai ka Makai Nui ia Leal no kona. hoopauia ana mai ka oihana makai aku, me ke koi ana aku iaia e hoihoi mai i na waiwai apau o ka oihana makai e paa ia ana e ia, a ma ko Leal aoao, ua

hoike mai oia i kona makemake e hoikeia ae kona hoopauia ana aku maloko o na nupepa. X.o ka hookohu ana aku i kanaka hon ma kahi o Leal o ka hoopauia ana aku la, ua i]i iho he hana nui a koikoi maluna o. Makai Nui Jarrett ka imi ana i'kanaka kupono, a eia oia ke noonoo mai nei i kanaka no ia wahi. Ma keia 'hope aku, e kaa mai ana ka hooponopono ana o ka oihana makaikiu m'alalo o ka Hope Makai Nui Rose, aole hoi e like me mamua ke kaokoa loa o kela keena mai ko ka Makai Nui a 6 kona hope aku paha, a oiai ua nui na makaikiu a Leal o ka hookohu ana i hoopauia aku, me he mea la aole no he mau loli ano nui e hanaia aku ana e ka Miakai Nui ame kona hope.

He nui ko Leal mahaloia no kona eleu a makaala ma kana hana, e like me na mea i ikeia nona, aka o ka alaaia ana ae a ahuwale kekahi mau hana poho'lalo e like me ia i loaa i ka Makai Nui, e lilo ana ia i mea hapaia aku i ka lepo iaia ame kana mau hana maikai, a o ka h)aa wale no o na hooia ma kōna aoao no kona pili ole ana i ka hewa, kona kumu e palekana ai.