Ka Nupepa Kuokoa, Volume XLVI, Number 46, 3 December 1909 — HAALLE NA KEPANI I KE KAHUA KINIPOPO [ARTICLE]

HAALLE NA KEPANI I KE KAHUA KINIPOPO

No ke kipakuia ana o kekahi o na IKepani mai ke kahua kinipopo hou aku malalo ae nei o Leleo ma ka auwina la 0 ke Sabati aku nei i hala, ua haalele ka hapanui o na Kepani i kela paka kinipopo me ke koe kakaikahi no nae o na Kepani naauao a keonimana e nolio makaikai a liiki i ka pau pono ana o ka hookuku ana o na hui e paani ana 1 kela manawa. 0 na hui o na Pake me na koa Marina ke paani kinipopo ana i kela manawa, a no ka hoohaehae no paha o na Kepani i na Pake, e like me ke ano mau o ia hana o ke kinipopo, ua noke ae la kekahi Kepani i ka uwa, me ka hoopuka ana i kekahi mau huaolelo kupono ole me ka nc>ke pu ana i ka hana i kekahi mau hana e ku maoli ai no i ka lioonaukiuki, a hiki i ka hele okoa ana mai 0 ka makai e papa iaia me ke kauoha ana mai e nolio malie oia. . Mai kipakuia no oia iwaho i kela manawa, aka no kona ae ana aku aole oia e hana liou aku ana e like me kana i hana mua ai, nolaila ua hoopau waleia ka manao kipaku iaia. Eia nae aole no i loihi iho ia noho malie ana a ua Kepani nei, ua hoomaka hou mai la oia e uwa e like me kana i ! hana ai manuia, a ma ia ano i kauolia okoaia aku ai oia e ka makai e haalele koke i ka pa kinipopo. 1 kela manawa i ku ae ai kekahi poe Kepani i like ko lakou manao me ko ke Kepani i kipakuia aku la a hoike ae i ko lakou manao, e haalele na Kepani a,pau loa i ka pa kinipopo, he kauoha hoi i hookoia e ka hapanui o lakou, a koe kakaikahi aku no na Kepani keonimana, a i loaa na noonoo akahele ana, ua ku-e maoli no kela Kepani i ka rula maikai a i kona kulana keonimana hoi. Ua oleloia ae, ina ma Amerika i hoao ai kela Kepani e hoopuka i kela mau olelo me kona ano i ku i ka hoonaukiuki aku ia ha'i, ina ua nokeia oia i ka paluku a hiki i kona ike maka ana, he hana hewa loa ka kana i hana aku ai. He lokahi loa na Kepani ma kekahi mea a lakou e manao ai e hana, e like iho nei me ka wa i heihei kukini ai o Kaoo ma me Tsukamoto, no ke kaa ole ana o ke eo i ka laiou moho, ua ili aku la ko lakou huhu maluna o na lunakanawai, a ma ia kakahiaka ana mai ua kau kokeia ae la ka hoolaha, e hookapu ana i ka hele ana o na Kepani apau maloko o kela pa kinipopo no ka makaikai ana i na hana kinipopo o kela la. Ua loaa mai na kauoha i na akena o ka Hui Mokuahi Americ,an-Hawaiian maanei, e kukulu i ka mokuahi lawe ukana Alaskan i keia awa ahiki i ka la 18 o Dekemaba i hiki ai iaia ke lawe 1 ka piha tikana kopaa mua loa o ka 1909-1910 no Salina Cruz.