Ka Nupepa Kuokoa, Volume XLVI, Number 48, 26 November 1909 — HOAO E OKI I KONA HOA ME KA PAHI [ARTICLE]

HOAO E OKI I KONA HOA ME KA PAHI

E hoike ana ka nupepa Hilo Tribune i ka hoao ana ae o kekahi Poko Riko 0 ka mahiko o Pepeekeo e hoala i ka hakaka mawaena ona ame kekahi Poko Riko okoa aku, eia nae ma ia hana ana ana, i ku aku ai oia imua o Lunakanawai Andrews, a waiho loa ia aku la kona hihia imua o ke kiure nui. Ua oleloia, no ka inu rama mai ke kumu i ala mai ai o ka hoopaapaa mawena o kela mau Poko Riko, oiai ia laua ē nui ana, ua hoopukapukaia na olelo e ala mai ai ka huhu iloko o kekahi, a hiki i kona kii okoa ana he apuapu iloko o kona rumi, a me ia mea 1 holo mai ai oia a hou aku la i kona hoa ma ka umauma. Ua hele mai la hoi kekahi Poko Rilco okoa aku no ka uwao ana, 'eia nae, ua hahauia aku oia me kekahi noho loihi a hina ilalo; a i ka-wa hoi o. kekahi Poko Riko hou aku i komo pu'mai ai e ,uwao, ua hahauia aku oia me ka pahi oki ko, a loaa iaia he elua mau moku pahi, a o kahi wale no o kona laki, o ia no ke kukonukonu ole ana o ka eha i loaa aku iaia. Ua hopuia ke Poko Riko o"ki pahi ma ka Poakolu, a laweia ae imua o Lunakanawai Andrews no ka hookolokolo ia, a ua waiho loa ia aku kona hihia imua

o ke kiure nui no ka ninaninau pono ia ana mai.