Ka Nupepa Kuokoa, Volume XLVI, Number 48, 26 November 1909 — HAULE KEKAHI LUINA A MAKE LOA Hoea mai ka Mokukalepa Isenberg me ka Nuhou Kaumaha no Keia Awa. [ARTICLE]

HAULE KEKAHI LUINA A MAKE LOA

Hoea mai ka Mokukalepa Isenberg me ka Nuhou Kaumaha no Keia Awa.

Ma ke ku ana mai a ka moku kalepa Alexander Isenberg ma ka auwina la Poaliina o ka pule i hala mai Kelemania mai, me ka piha ukana no keia awa, ua hoike mai o Kapena Behring o ia moku, i ka loaa ana o kekahi luina i ka pōino maluna o ka moku. Elima la mahope o ka liaalele ana aki\ ia Hamburg, e holo mai ana ka moku me ka loaa i ka makani -maikai me ka piha pono o na pe'a, I kela manawa aia kekahi luina iluna loa o ke kia e hooponopono ana i kekahi wahi 0 ka pe'a, a mamuli o kekahi ulia ua pahemo mai la kona lima mai ke kaula mai ana e paa ana a haule iho iluna o kekahi alapii oluna o ka moku a kakaa iho la a waiho ana iluna o ka papahele, make loa. Ma ka 61elo a ke kapena,- he kanalima-kumamalua kapuai ke kiekie o kahi a kela luin^ 1 haule mai ai. ■ O kela wale no ka ulia poino i ikei? maluna o kela moku iloko o kona maū ]a hOlo he hookahi haneri ame kana-lima-kumamalua malalo aeV o ka Lae Hao.

Aneane e piha ka elua pule ku la oia i Lizard mahope o kona haalele ana aku ia Hamburg, no ka makani ole a mahope iho ua loaa iaia ka makani maikai a pela i hoohiklwaweia ae pi oia a hiki i ka Lae Hao, a i ke kaa ana ma.ka aoao maanei ō ka. Pakipika ua loaa iho la i ka pohu a ma ia kumu i houlolohi loaia ai kona hiki koke ana mai ia nei.

He 2650 tona ukana a ka moku Isenberg i lawe mai nei bo ka Hui o Hakapila ma. 0 ka lua keia o ka manawa i hoea mai ai keia moku ia nei,, a no Kapena Behring aohe pia he malihini i keia mau kai a i keia awa, no ka mea ua pinepine kana mau manawa i hoea mai ai ia nei mamua aku nei.