Ka Nupepa Kuokoa, Volume XLVI, Number 48, 26 November 1909 — HOOLEIA KE KOI A KA BISHOP ESTATE [ARTICLE]

HOOLEIA KE KOI A KA BISHOP ESTATE

Ua hooleia ke koi a ka Bishop Estate e Kiaaina Frear ma kekahi manawa ae nei i hala. He koi keia e hoihoi hou ia ae kela apana aina ma ke Awawa o Manoa e hoohana mauia nei e ke aupuni Teritore mai ka A. D. 1875 mai nona ka nui he eono eka ame ka hapa. Ma kekahi mau la i hala ae nei, ua hele aku ka loio o ka Bihop Estate oia ka Lunakanawai Stanley imua o ka Loio Kuhina Hemenway a hoakaka aku la i ka makemake o na Kaliu Waiwai o ka Bishop Estate e hoihoi houia mai kela apana aina e paa ia nei e ke aupuni Teritore ma Manoa ia lakou nona ka nui he eono eka ame hapa (6.5) me ka hoakaka -pu aku, o ua aina la e hoohanaia nei e ke Teritore no ka Bishop Estate ia, oiai nae ua hiamoe lakou maluna o ko lakou mau pono no kekahi mau makahiki loihi he 34 a oi, a i keia manawa ua makemake lakou e lawe hou mai i ua aina la a paa iloko o ko lakou poho lima. Aohe i ae mai ka Loio Kuhina i kana koi, a i mea e loaa ai na hoakaka manao oi ae, ua launa maoli ae ka Loio Kuhina me ke Kiaaina, a ma ka leka

a ke Kiaaina i hoouua ae ai e hoakaka piha ana ia i kona manao ku-e i ke koi a ka Bishop Estate ma o kona loio la, a e paa mau aku ana ke Teritore i ua aina la me he mea la no ka manawa pau oJe.