Ka Nupepa Kuokoa, Volume XLVI, Number 48, 26 November 1909 — HE HOALOHALOHA. [ARTICLE]

HE HOALOHALOHA.

E Mr. Lunahooponopono o ke Kuokoa, Welina pu kaua me ke alolia pumehana: E oluolu hoi oe e hookomo iho i kuu wahi puolo e kau ae la maluna i ike mai ai na ohana o maua me kuu kaikuaana hele loa e noho mai la i Hawaii moku o Keawe, ka aina kulaiwi o maua me kuu kaikuaana, aloha no! O ia ka 'u e aloha ae nei i ka home kakela o maua, e pau ana kona holoholo hou ana iloko o kou mau keena nani. E ka u)u kukui o ke au kukui ula, ua pau kona maalo hou ana malalo o ko oukou mau malumalu. E Makalawena ame Mahaiula ua pau ko plua ike hou ana ia Lucy. E ke a pele e aolf e kiai hou ana o Luey ma kou man pali kahakai. E na pa ala o Hoona ua pau kona

hehi hou ana maluna o oukou. E ka Lae o Keahole a hiki aku i Keohanaiki i ke kawa opu o ka Pukalua e uwe kumakena ana oukou iaia, ua pau kona maalo ana mamua o oukou me ka upena holoholo, aloha wale.

•Aloha wale ia wahi a maua e holoholo ai iuka i kai e imi opiopio ana i ka pono o ke kino. Mea ole ka wela 0 ka la, ka ua, ka makani, i ka hdomanawanui ia e kuu kaikuaana i loaa ai na pono no maua. E Kumua i ka uluwehi o ka palai, aole oia e hoopuluf hou ia ana e kou mau kehau. E Kalaoa i ka uluwehi o na pua aia aku nei paha ilaila o kuaana. Aole, aole oe e ike hou ana iaia! E ka ua lokuioku o Puukala aole oe e hoopulu hou ,ana iaia. E kuaana e, eia aku nei oe iheaf aia aku nei paha oe iluna o Akahi puu kahi i kilohi ai 1 ka nani o ka aina kulaiwi o kaua. E kuaana pau ae nei na pea o ka aina o ka papa o kaua ia'u i ka huli ia ninau ia, aole oe i loaa ia'u. A manao ae nei au e loaa aku ana paha oe ia'u i ka aina hajiau o ka mama aloha o kaua i ka Palilua a liiki mai i ke ehukai o Hookena. Aka ha'i e mai nei nae o Kakelanani home aloha ia'u o ka hala ana iho la no ia. A& aloha no oe i' ko hele hookahi i kou alaliele a aloha no hoi au'ko lei mua a he hope ae nei hoi ka lei keiki. Me keia mau lalani manao ke hooki nei au me' ke aloha poina ole i kuu kaikuaana, Luey Kekuakahili D. Kealoha. Owau ih'o no me ka luuluu, MKS. KEALOHA KAPA,