Ka Nupepa Kuokoa, Volume XLVI, Number 48, 26 November 1909 — HOIKE HOI O NA KULA SABATI O MAUI KOMOHANA. [ARTICLE]

HOIKE HOI O NA KULA SABATI O MAUI KOMOHANA.

Lhaaina, Nov. 17, 1909. Mr. Lunahooponopono o ka Nupepa Kuoka. Aloha:—He wahi ukana ka'u e hooili aku nei, maluna o kou hokua ahonui, a nau hoi ia e ahai ae, a hai aku i na Kula Sabati o Maui Komahana, a, oia iho keia: Hoike Hui o na Kula Sabati o Maui Komohana. E Hoike Hui ana na Kula Sabati apau o Maui Komahana, :ma kn la ekahi o lanuari, A. D. 1910, ma Hale Aloha, Lahaina, Kalana o Maui, Teritore o Hawaii. Ke noiia aku nei na Kahu Kula S'abati Apana apau, e lioomakaukau i ko oukou mau Kula Sabati no ka La Hoike i haiia maluna ae. E malama, ,pu ia; ana he Aha Mele ma ka po ana iho. E a'o i na Jiaawina me ka naauao, a e ao pu i na mele me ka nani mahiehie, a pela no hoi me na himeni Aha Mele. Na Haawiina—Lahainaluna, Haawina o lulai; Ka.anapali, Haawina o Augate; Olowalu, Haawina o Sepatemaba; Honokohau, Haawina o Okatoba; Lanai, Haawina o Novemaba; Wainee, Haawina o Dekemaba. Imua e na kula o Maui Komohana, i hookahi ka liana. "0 ka Lokahi, oia ka ikaika,'' no ka mea, he makahiki hou ae keia, e hoonioni a hoanohou ae ko kakou hana, mai emi hope hoi kekahi kula. Imua, imua aku, a imua loa. E ana ka hoike, ma ka hora 10 a. m., a e kai huakai ana na knla mai C'ampbell Park mai. E lawe pn mai i ko oukou mau hae o na makahiki i hala, ina eia ke koe nei. Ina aole hae, e liuliu e hoomakaukau, mamua o ka hiki ana mai o ka La Hoike. Owau iho no me ka oiaio, ko oukou hoa kauwa iloko o Kristo lesu ka Haku. MOLOLANI K. BENJAMIN, K. K. B. Nui o Maui Komohana,