Ka Nupepa Kuokoa, Volume XLVI, Number 48, 26 November 1909 — HE MOOLELO NO LUI DANABA A I OLE Mai ke Kulana Kuewa a ka Hanahana ame ka Waiwai. [ARTICLE]

HE MOOLELO NO LUI DANABA A I OLE Mai ke Kulana Kuewa a ka Hanahana ame ka Waiwai.

MOKIINA V. ( "E manao ana ka hoi au lie lopi wale no la keia ma ka a-i o Lui, a i kuu hoao ana ae uae e welie i ua lopi nei, o ka hemo ae la no ia o keia dala," wahi a Kimo me kona manao ua loaa pono ka mea nana i aihue i ke dala a Aka o ka nalowale ana. Ua hoopihaia o Lui me ka liilahila, aole iio kona manaoia mai nana i aihue i kela ilala a Aka, aka no kona makemake ole e ike waleia ae ka makana i haawiia aku iaia mai kekahi kaikamahine uuku aku, ana e minamina loa la i ka lohe waleia mai o kona moa. "Auhea oe e Lui," i kahea mai ai o Alani me ka leo nui. He aha ke ano o keia-mea a'u e ike nei?" "O keia dala gula i hoopaaia i keia kaula, he makana ia 1 haawiia mai ia'u* e kekahi mea," wahi a Lui o ka pane ana aku me ka maka ? u ole. _ . "Ua haawiia mai anei kena dala ia oe e kekahi mea. Ina peanawai i haawi mai ia oe?" "Na kekahi wahi kaikamahine uuku i haawi mai ia'u iloko o kekahi makahiki i hala ae nei, iloko o ka malnna o lune." "A mai ia manawa mai no anei kou lei mau ana ī kena (iaia gula ma ko a-i?" .. . "Aq mai ia manawa mai ko'u lei man ana i keia makana a hiki wale iho la i ko oukou ike ana mai nei," a kulou iho la o Lui īlalo, no ka piha i ke kaumaha, a kona mau hoa nae ame Alani o ka manao ana mai ua pili paha ka liewa aihue iaia. "Ke manao nei au, o ka oiaio wale no kau e hoike mai nei ia'u e Lui," i pane mai ai o Alani mei ka leo kuoo, aia nae maluna o kona mau maka e hoike mai ana i kona kanalua no na olelo a Lui o ke kamailio mua ana aku. "Ke kamailio wale aku nei no au i ka oiao imua ou, a īmua hoi o kuu mau hoakula nei," me ke kau ana akuo na maka o Lui maluna o kana kumu, me ka hele hoi o kona mau papalina a ula. Iloko o kela manawa i hele okoa mai ai o Aka imua, me ka awihi ana mai me ka piha ika hoowahawaha no Lui, a i mai la : "Ke manao nei au oua dala gula nei kela a ? u oka nalowale ana, ake koi>aku nei au ia oe e Alani, e kauoha aku oe ia Lui e haawi mai īa u 1 keia ma"E hoomanawanui oe e Aka pela, he mau ninau ka'u 1 makemake ai e ninau aku ia Lui. E Lui e lawe mai oe i kena dala ia u 1 keia manawa!" . , , . Ua wehe ae la o Lui i ke kaula mai kona a-i ae, alaila, nana īho la 1 kana waiwai makamae no kekahi nianawa, alaila ua ku ae la oia īluna a lawe aku la a haawi ia Mr. Alani. . Aia na maka o kana kuniukula ke kau mai la maluna o Lui, a o kana e ike mai la aole he wahi kanalua iki iloko o Lui no kona hewa ole, a ano hopohopo iho la hoi no ke kuhiia aku nana i aihue ke dala a ke keiki a ka lunakanawai, a manao iho la oia aole no paha i pili ka hewa ia Lui, aka ua ikaika loa nae ka ike ma ka aoao e ku-e ana īaia. "Owai ka inoa o kela kaikamahine nana i haawi mai i keia dala īa oe e like me kau i hoike mai nei ia makou?" i ninau mai ai o Alani me ke ake e imi aku i ka oiaio o na mea a Lui i hoi'ke ai ia lakou ma kela la. "Aole au i maopopo maoli i kona inoa, eia nae, ua lohe au 1 ke katea ana aku o kana kauwa iaia ma ka inoa o .\lagarita. "Eia oia ihea e noho nei i keia manawa?" i pane hou mai ai no o Alani. " ... | "Aole e hiki iau ke hoike aku i kona wahi e noho nei i keia ma- | nawa, aka i ka manawa o ke kaa ana mai o kena dala malalo o ko u malu mai iaia mai, e noho ana oia ma ke alanui e holo la mai Burukalina aku a hiki i ke kulanakauhale o Bosetona." "E hoike mai oe e Lui i ke ano o ka loaa ana aku o keia dala giila ia oe ma ke ano makana?" Ua hoike aku la o Lui me ka pololei i ka moolelo o kona hele holoholo ana ma kela kakahiaka ana o ka hele ana mai ke kulanakauhale mai a hiki i kona ku ana mawaho o ka pa o ka home o Magarita mamuli o ka lohe ana i ka walaau o na kamalii maloko o kela pa. ' "Haha'i pu aku la no hoi oia no kona laweia ana e Maganta īloko e ka hale kuke e hanaiia ai i na mea i hoomakaukauia no kona la hanau, me ka haawiia ana mai o kela dala iaia, a iaia i hooki iho ai i ka hoike ana aku i kana moolelo, ua manaoio loa o Alani, ua hoike aku o Lui 1 ka oiaio ame ka pololei. Ua noonoo iho la o Alani no kekahi mau minuke loihi no kana mea e hana mai ai, alaila ua nana mai la oia ia Lui a i mai la: "la'u e malama ai keia dala a hiki i kuu huli ana i na mea oiaio e pili ana i keia mea." "Ua loihi maoli ko'u malama ana i keia dala a minamina loa ai au ? kona kaawale ana mai ia'u aku," i pane aku ai 6 Lui me ka leo i piha me ke kaumaha, a aneane maoli no oia e uwe iho. i "Ina e hiki ana ia'u ke imi aku a loaa na mea oiaio e hiki ai ke hooiaioia o oe ka ona nona keia waiwai, alaila o ka manawa ia a'u e haawi hou aku ai ia oe, a pela hoi i ka manawa e ikeia ae ai ke dala i nalowale ai a Aka." , . , i Aole 'a Lui mau kamailio hou aku i kana kumu, aka ua hoi aku la oia no kona noho me ka helehelena kaumaha, a t no ke koena o kela la kula, ua noho kukule waleia no eia, a i ka hookuu ana o ke kula, ua hoi pololei aku la oia no kona wahi me ke kamailio ole aku i kekahi o kona mau hoa kula ma ia hoi ana ana.

Ke ike la no nae o Lui, aia ka hoohuoi o na keiki nialuna ona, a ua hele maoli oia a«piha me ke kaumaha. Iloko o kekahi mau la ma ia hope mai, aole i kamailio waleia ke-i kahi mau olelo e p?li ana no kela dala a Lui i keia ai, aka e ikeia ana no nae ka akoakoa ana o na keiki ma na puuluulu mamua o ka wa e komo ai o ke kula a ma ka manawa hoomaha no hoi, me ko lakou noke nui ana i ke kamailio e pili ana no Lui. I kekahi auwina la Poaono nae, ia Lui e noke ana i ka holehole i na aa kulina maloko o ka hale hoahu o na kulina, ua hoopuiwaia aku oia mamuli o ka weheia ana mai o ka puka a ku ana no o Mr. Alani kana kumukula ma ka puka a i mai la. "I hele mai la au e kii ia oe, no ka hele pu ana me- a'u no ke kulanakauhale o Bosetona i keia la, a ua kamailio mua akn nei au ia Mr. Baraunu, a ua olelo mai nei kela ia'u, ua hiki ia oe ke hele me ka waiho jna i kau hana a hiki i ka huli hoi ana mai." Ua hoike koke mai la o Lui i kona ano hauoli no keia'hele aku bna me Alani no kahi e loaa ai kela kaikamahine i hoike ma kona aoao, eia nae, aole no i hololea kona noonoo, no ka mea aia no na hoohuoi ana no kona hewa malunā o Alani ame ka poe paha apau i lohe i na mea e pili ana no ke dala ā Aka o ka nalowale a aihueia ana paha. "Heaha la hoi e hele aku kaua i keia manawa, ,, ao ka holo koke aku la no ia o Lui e komo i lole hou nona, a iaia i oili mai ai iwaho, e Vu aku ana o Alani me kona kaa i makaukau no ka holo ana aku no ke kulanakauhale. # Ke holo la ko laua kaa me ka noke mau ana no o Alani 1 ke kamailio ia Lui ma na mea like ole, a ia laua i hoea ai ma kekahi wahi e mana ana he mau alanui elua, ua hoohuli ae 'la o Alani i ko laua alafnele nia kekahi alanui okoa, a o ia ka Lui o ka i ana mai:

"Aole keia o ke alanui e hiki aku ai i Bosetona, «ia kaua ihea e hele nei?" "Ua maopopo no ia'u, aole keia o ke alanui e hiki aku ai i Boselona, aka e hele ana kaua ma" Burukalina aku, oiai aole he maikai iki o kuu noonoo no kela dala e manaoia nei nau i aihue, pela au i manao ai e hookaawale i keia auwina la i manawa no kaua e hele ai e huli i ko Magarita, no kuu ake no e ike mai na keiki apau oloko o ka'u kula i ka pli ole ana o ka hewa ia oe." "He keu maoli np kou maikai e Alani, o ka lawe ana mai i na koikoi no ka imi ana aku i ka pono ma ko'u aoao," a ia manawa i halo'ilo'i mai ai na waimaka mai kona mau lihilihi maka mai, me ka eueu pu ana ae hoi o kona mau lehelehe. "E hiki ana no nae paha ia oe ke hoomaopopo i ka hale o Magarita i noho ai ea ?" i ninau hou mai ai o Alani, me ka piha aloha no keia keiki ana i manao loa ai, oia kekahi o na keiki hoopono hookahi i halawai pu me ia. "Aole loa au e poina i kela hale ame kona pa e hoopuni ana, a aole no lioi au i poina i kela puka pa a Ma{sarita o ka haawi ana mai i kela dala ia'u," a akahi no a ikeia aku ka mohala maikai mai o kana nana ana i kana kumu, no ka mea ua ike iho la oia, ua manaoio loa o Alani i kana mau mea o ka haha'i ana aku iaia e like me kana moolelo o ke kamailio ana imua o na keiki apau maloko o kela kula. Ke hoomau la no laua i ka holo ana, a e kamailio mau mai ana no hoi o Alani ma kekahi mau mea e hoo!lanaia ai ko Lui manao, a he hapaha hora paha ia hoo/nau ana aku a laua i ka holo ma kela alanui, hooho ana no o Lui ika i ana ae: "Aia ua hale la o Magarita ke ku mai la," me ke kuhikuhi ana aku i kekalii hale nani e ku mai ana ma kekahi kahua kiekie ma ka aoao mauka o ke alanui akea. Ua hookahaha loaia mai nae ko laua.manao i ko laua hele ana aku noloko o ka pa, ua paniia na puka apau o ua hale nei, aole he poe e noho ana iloko, a o ia ka Alani o ka pane ana mai ia Lui: "Ke manao nei au ua hala lakou apau no ka hema a i ole no ke kulanakauhale paha no ka hoohala ana i ke kau hooilo, a he keu aku iiae hoi ke poho o keia holo ana mai nei a kaua," a i ka ike ana aku a Lui i ke kaumaha o ka helehelena o kana kuinu, ua nana ae la oia iaia i pane aku la: "Auhea oe e Mr. Alani, o kela da'la au e paa la, na'u ponoi no kela, aole hoi i aihueia mai e a'u mai ia Aka mai. Mai ko'u wahi wa uuku mai a ke heīe aku nei au e kanaka makua, aole loa au i hoao e aihue i kekahi mea mai kekahi poe mai, a no ka mea ua ike no au he hana hewa loa ke kii ana aku i ka mea aole na'u :ia/'.

"Ke hilinai aku nei au i kau mau olelo apau e kuu keiki, a ke lana iiei kuu manao e hiki mai ana no ka manawa e hoopauia ae ai na hooh uoi ana a ka lehulehu mai ko lakou mau noonoo ae nou, a 0 ka'u wale no e i aku nei ia oe, e hoolana i ka manao, a e hoomanawanui no kaua a malia o huli hoi mai no keia ohana iloko o ke kupulau, alaila ia ma--nawa kaua e hele hou mai ai e ninau ia Magarita, o kou hoike hookahi 1 wale no ia ma kou aoao nana e hoopakele ae ia oe, mai keia hewa koikoi |ae." I Mamua nae o ka huli hoi ana aku o kela ohana no ko lakou home e like me ia a laua nei i manao wale ai, ua pau e kela pilikia o Lui i ka hooponoponoia mamuli o kekahi ulia laki o ka halawai e ana me Magarita, e hoomanawanui iho nae hoi ka oilo a hiki mai i ka hoea ana mai ia ma»awa. MOKUNA VI. 0 ko laua nei hele ia i ka holoholo a hiki i ke ahiahi ana, ua hoihoi aku la o Alani ia Lui no kahi o Baraunu, me ka hoike pu ana aku hoi i ke kanaka mahiai no ka holopono ole o ka laua huakai o ka hele ana ma kela lā. Iwaena nae o ka hooilo, a ma kekahi la ua kukala mai la o Alani i na keiki o ke kula no kona makemake e haawi i manawa no na keiki e hauoli ai, ma ka hele ana e holo hau, ma ka Poakolu, ke ikeia ka maikai o ia la, he manao hoi i apo lokahiia aku e na keiki apau nje ka olioli. Ma ka halekula na keiki apau e akoakoa ai ma ka hora ekahi o kela Poakolu, alaila kau maluna o kekahi mau kaa nunui no ka lawe hele ana ia lakou e hoomakaikai ma na wahi lehuleliu no na mile he umi a umikumamalua paha, a ia lakou e huli hoi mai ai ma ke ahiahi, e hoomakaukauia ana he paina no lakou ma ka halekula e ko lakou mau makuk ame na hoaloha, a he manawa hoi ia no ka hauoli ana o na keiki ma ia ahiahi imua o ke alo o ko lakou mau hoaloha ame na makua. Ma kela la a Alani o ka hoolaha ana mai i keia hana ana o ka hoo!ala ana 110 ka hauoli o na keiki, ua nui maoli ko lakou ohohia no ka hoea koke mai o kela la, a ia hoomaha ana no o ke kula ma ka hora umikumamalua o Aka Asa, ke keiki mua loa i hele aku a hoike aku la ia Alani, ua makemake oia e lawe pu mai i kekahi o kona mau hoaloha ina kela la no ka holoholo pu ana me ka nui o na kanialii o kela kula. Ua ae aku Ia no o Alani i kela noi a Aka, me ka haupu mua ole nae ia ae ana aku ana i ke komo pu ana mai o kekahi mau hoaloha o Aka, ka mea nana e akaa ae i na mea pohihihi e hoopuni ana ia Lui, no kela dala gula i loaa aku ai malalo o kona malu. 1 ka hoea ana mai i ka Poakolu, o kekahi ia o na la kalae maikai,* a ma ka hora ekahi ponoi, ua akoakoa mai la na kamalii apau a aia hoi he elua mau kaa holohau nunui me na paa lio e kali ana no ka lawe ana i na kamalii no ka .hooholoholo ana nia na wahi a lakou i makemake ai. Aia o Lui Danaba iwaena o kela poe kamalii, a oia pu no kekahi i hoopihaia me ka hauoli, me ka noonoo nui ole no na mea a na kama lii e hana mai ai nona, a no Aka nae, aole ona makemake iki e hookokoke mai ia Lui, mahope auanei ala mai no kela manao hoowahawaha ona no Lui, o ka puka ma i no ia o kana mau, olelo pahenehene nona e lilo ai kona hauoli i mea ole. I ka akoakoa ana o na keiki apau mialuna o ke kaa, o ka hoomaka aku la no ia o ke kalaiwa e kiani i kana huipa, a holo aku la ke kaa iloko o na leo hooho huro a na keiki, e' hoopaiakuli ana i ka lewa. Holo aku la kekahi o ua mau kaa nei a ku mawaho o ka hale nani 0 Lunakanawai Asa, ka o Aka, a ia wa i holo mai ai he elua mau kaikamahine opiopio, no 'laua paha na mkahiki pakahi he umikumamalua anie umi-kumamaha. . Ua hele ua mau kaikamahine ia a paa i na lole hoopumehana e hiki ole ai ke ike maopopo loaia aku ke kaokoa o ka helehelena o kekahi mai kekahi mai, koe wale no nae ka ike ana aku i ko laua mau papalina ua hele a memele me he mau ohia pala haama la no ke kuahiwi, a he kulana ulumahiehie hoi ko laua me ka piha i ka eleu e like me ka nui no hoi o na kamalii maluna o kela kaa. j I ua mau kaikamahine la o ke kau ana mai iluna o ke kaa me ka nui o na kamalii, ua lilo laua i mea nana nuiia e na kamalii, a o ka oi ioa aku nae o na keikikane, a ia lakou i holo aku ai, aole o kana mai ka noke o na keiki i ka uwauwa. I ka piha ana ia lakou o na mile he umi ma ka holo kaa ana, ua huli hoi hou mai Ia lakou no ka halekula, a he oiaio ua makaukau na meaai no lakou i hoomakaukauia e ko lakou mau makua. Ua hoea pu mai no hoi iwaena o na hoaloha o na keiki kula o Mr. ame Mrs. Baraunu, no ko laua makemake no e ike ia Lui. No Lui nae ma kela la, no ka akahi no paha a kau iluna o ke kaa no ka hele ana me ka nui o na kamalii, ua piha loa oia i ka hauoli, he hauoli hoi i loaa ole iaia mamua, a iaia i hoi mai ai no ka halekula, me he mea la he keiki hou loa oia ke nana aku, aole hoi e like me kela ano haka-nu ona o na la i hala aku. I ka wa o na keiki i komo aku ai iloko o ka halekula a noho akil maluna o na pakaukau i hoomakaukauia ai na meaai, ua ike iho la o Lui aia oia ke noho aku nei ma kekahi aoao aku o kana kumu, a o Aka hoi ame na kaikamahine malihini elua rria na aoao o Aka, a ia Lui i alawa aku ai a ike i kekahi o na kaikamahine malihini, ua haikea koke ae la kona helehelena, a me he mea la aia paha kekahi hana nui iloko o kona noonoo ia „wa, aole e hiki iaia ke ai aku i kana mau meaai aka, ua noho kukule wale no oia a hiki i ka maona ana o na mea apau. I hakalia no a hookuu ka ai ana o na kamalii, o ko Lui hele koke aku la no ia a i aku la i kana kumu ia Alani: "Ua ike no nae paha oe 1 ka inoa o kela kaimahine malihini me ka lauoho haulaula ea ? O kela

kaikamahipe no hoi e noho pu ana me oe ma ko aoao hema. Ina hoi ua loaa kena inoa ia oe, e oluolu oe e hoike mai ia u?" "Auwe! ooe mai la ka ia e Lui. He keu kela oke kaikamahine u'i, a o ka inoa o ua kāikamahine la au e ninau mai nei ,oia no o Magarita Haukona, o ko kaikamahine paha lioi ia e iini nei e ike ea?" u O! aole no ka au i kuhihewa! O kela ke kaikamahine nana i haawi mai ia'u i kela dala gula, e hele koke aku oe e ninau iaia i keia manawa ano, he makemake loa au e loaa mai na hooia ana mai iaia mai no ko'u hewa ole," a naka ae la o Lui me ka piha i ka haalulu ame ka pihoihoi. Ua leha mai la na maka o Alani maluna o Lui me ke pahaohao a pane mai la: "Aole anei oe i kuhihewa no kela kaikamahine ?" "Aole loa au i kuhihewa, o ka'u no ia i haupu mua «.i o ua kaikamahine nei no kela, a pela au i hele okoa mai la e ninau aku ia oe ina j..aha o Magarita io kona inoa." "Ina pela e hahai mai ia'u, a e hele ae kaua e ike iaia i keia manawa," a o ko Lui hahai aku la no ia mahope o kana kumu no kahi a na kamalii e akoakoa ana, me ka hoopuni ana i kela mau kaikamahine malihini. O ka lua o kela mau kaikamahine oia o Miss Paka, a nana e hookamaaina ana ia Magarita i ka nui o na kamalii o kela kula ana o ke kamaaina ana, a o keia kaikamahine ka hoahanau ponoi o Aka Asa, a iloko o ke kula, he mau hoaloha pilipaa loa o Magarita me Miss Paka, a ia lakou no nae e nanea ana ua hiki aku la o Alani ame Lui malaila. Ua ike no o Magarita ia Lui ma ke pakaukau, a o kana e haohao iina pehea la kela keiki i ai nui ole ai, oiai ua pololi maoli na keiki apau, :i o keia hoi, aole ona hoihoi mai i ka ai, a he ano kaumalia hoi oia ke nana aku. Ua ano e maoli o Lui i keia manawa mai kela wa mai o ka hui mua ana o kela mau keiki, ma ka manawa a Māgarita o ka haawi niakana ana aku i kela dala gula, a pela i hoohewahewa ai o Magarita iaia, a īa Alani nae i ku aku ai mahope o lakou, ua hoomaka aku la oia e kamailio i ka i ana aku: "E Magarita i lawe mai la au i keia keonimana no ka hoikeike ana aku imua ou, malia paha ua kamaaina mua no oe iaia!" Ua nana mai la o Magarita mai ia Alani mai a ia Lui, a ike aku la oia o ke keiki no ana o ka ike ana i ka ai nui ole maluna o ke pakaukau, a hoomaka ae la kona helehelepa e mae me ka pupuku pu ana ae o kona mau ku'emaka no ka hiki ole iaia ke hoomanao no kona halawai mua £.na me ke keiki e ku aku ana imua o kona alo. Aia oia ke ku malie loa mai la me ka nana ana no īa Lui, oiai hoi ka nui o na kamalii e ku pohai mai ana ma kona mau aoao me ka uumi z»na i ko lakou hanu, no ka lohe aku i ka olelo hooholo e puka mai ana mai kona mau lehelehe mai, a o Aka hoi kekahi iwaena o lakou e kakali mai la me ka manao pihoihoi, a no ka hapalua minuke ia ku pane ole ana 0 Magarit, oiai no hoi o Lui e nana aku ana iaia. Ua ike aku la no o Lui i ko Magarita hoohewahewa iaia, a ua kokoke no oia e hoike okoa aku iaia iho, aka aole nae ona makemake e kaa ma kona aoao ke koi ana aku i kela kaikamahine e hooia mai nona» nolaila ua hoomanawanui no oia a hiki i ka lohe pono ana o na mea apau mai kona lehelehe ponoi mai i ka pane e akaka ai ka pono ame ka liewa o kana mau olelo i hoike mua ai ia lakou. Me he ao opua la nae i kau ae a nalohia aku, pela iho la i mohala maikai mai ai ka helehelena o Magarita, puai mai la hoi ka minoaka ma kena papalina, a i mai la ia Lui: "Ke hoomanao nei au, o oe no ka ke keiki o ka hoea ana mai ma kela la a kuu mau makua i haawi ai i ahaaina no kuu la hanau he hookani makahiki i hala ae nei, a ke ike aku nei au ia oe, ua ano e loa oe mai kela manawa mai o ko kaua halawai mua loa ana, a nawai no la e ole ko'u hoohewahewa ia oe." Ia pau ana no o kela mau huaolelo i ke kamailio ia e Magarita, o ka manawa koke na ia i noke ae ai na kamalii i ka uwa, no ka mea akar hi no lakou a hoomaopopo, o keia ka ke kaikamahine a Lui o ka hoike ana aku ia lakou no ka makana ana iaia me kela dala gula, aka no Magrita nae, ua hele kona noonoo a pioloke, no ka maopopo ole iaia o keia kumu uwa o na kamalii, aka ua.kau aku la o Alani i kona lima iluna no ka hoomalu ana i kana mau keiki, a i aku la ia Magarita me ka leo malie: "'Ke hoomanao la no nae paha oe i ka makana au o ka haawi ana dku iaia ma kela la o ko olua halawai ana ea?" "O he wahi makana ano ole wale no ia," i pane mai ai o Magarita me ka pii ana ae oka ula ma kona mau papalina. "He wahi dala gula 1 hou puka ia e hoopaa iho ai i ke kaula," a leha mai la oia ia Lui a hoomau hou mai la i ke kamailio ana. "No kuu manao e lilo ana kela makana i mea hoohauoli aku iaia, pela au i haawi aku ai, a no ka lilo ana no hoi i mea hoomanao nana no ia la hanau o'u." Aia iloko o Lui ka manao e hele aku a kukuli malalo o na kapuai o ke kaikamahine nana i hoopuka mai i na olelo e kaawale ae ai na ahewa ana mai iaia aku, aka ua neenee loa aku la nae oia a kokoke iai Alani a i aku la: "E oluolu anei oe e hoihoi mai i kuu dala i keia manawa, no ka mea ma keia hope aku, e lilo auanei kela dala i anuu mua loa nana e hapai aku ia'u no ka panepoo o ka hanohano ame ka waiwai." Aole o Alani i pane mai ia Lui, aka wehe ae la' oia i kekahi wahi poho uuku mailoko ae o kona puliki, a waiho mai la iloko o ka lima o Lui, a o ka manawa ia a ua keiki nei i wehe ae ai i ke dala gula a hoolewalewa ae la iluna me kona huli ana aku imua o Magarita a i aku la:

"Ma kela manawa au o ka haawi ana mai i keia inakana me kou mau lima ponoi, ua hoike aku au ia Qe, aole loa au e hoopoina i kau makana, a mai ia manawa mai kuu malama loa ana i keia dala a hiki i ko ike hou ana mai la, aole au i hoopunipuni aku ia oe.". Ua hiki ole ia Magarita ke kaohi aku i kona mau waimaka, aka ua ae aku la no oia e hoopuluia kona mau papalina nohea e kela mau kulu waimaka o ke aloha a hoopalahalaha mai la i kekahi o kona mau lima a i mai la:: "E ho mai ana hoi oe i kena dala e nana hou aku au, aole au i manao mua, e lilo ana keia makana i mea pulania loaia e oe e kuu hoaloha." "Ua lilo ko makana i mea nui ia'u, a ina no he hiki ia'u ke ola 110 nook&hi haneri makahiki ma keia hope aku, aole loa oia e kaawale mai ka'u malama ana." Mai loihi aku no paha na kamailio ana mawaena o kela mau opio, aka ua kahea e aku la nae o AAani i na keiki apau e hoakoakoa hou maloko o ka halekula, a oiai na mea apau e nonoho ana maluna o ko iakou mau noho, ua ku ae la o Alani iluna a hoike mai la no kona hoomakaukau ana i kekahi papa hoonohonoho no ka hauoli o na malihini o ke kipa ana aku e ike i na keiki ma kela ahiahi. Ua haawiia e na haumana kahiko he mau ha'iolelo pokopoko, a ua konoia aku no hoi kekahi mau malihini e haaw r i mai he mau olelo paipai no na kamalii, a ua piha hauoli maoli na mea apau ma kela ahiahi. Mamua nae o ka hookuuia ana aku o kela ame keia e hoi no ko lakou mau home, ua ku mai la o Mr. Alani iluna a haawi mai la he ha'iolelo i ka i ana mai: "E »a lede ame na keonimana, mamua o ko kakou hoi ana aku no ko kakou mau home pakahi i keia ahiahi, he mea pono ia'u ke hoike aku ia oukou i kekahi hoakaka pokole i mea e hoauheeia aku ai na manao hoohuoi maluna o kekahi o ka'u mau haumana kula a'u nae, manao nei, sole hookahi iwaena o oukou i nele ka hoomaopopo ana no ia mea. "Iloko o k£kahi mau .pule ae nei i hala, ua nalowale iho la he dala na kekahi o ka'u mau haumana i hoopaaia maluna o ke kaula o kana uwaki, a oiai e noho ana makou me ka maopopo ole o ka mea nana i aihue aku i ua dala la, ua kau aku la na hoohuoi ana maluna o Lui Danaba mamuli o ka loaa ana aku o kekahi dala i kulike loa me ka mea i r.alowale ai mallo o kona malu. "Ua hoike mai oia, nana ponoi no kela dala i haawi inakanaia aku iaia e kekalii hoaloha he hookahi makahiki ae nei i haln. a oial oia hookahi wale iho no ka mea i ike i kana mea e kamailio niai ana, nolaila aole e hiki ke hilinaiia aku kana mau olelo, nolaila ua maa no ke kau ana o na hoohuoi ana maluna ona a hiki wale i ka la aku la ma nehinei. (Aole i pau.)