Ka Nupepa Kuokoa, Volume XLVI, Number 48, 26 Nowemapa 1909 — HANAU HE WAHINE EKOLU KEIKI Ke Ola Mai nei Lakou Apau me na Ola Kino Maikai Mauka ae Nei o Pauoa. [ARTICLE]

HANAU HE WAHINE EKOLU KEIKI

Ke Ola Mai nei Lakou Apau me na Ola Kino Maikai Mauka ae Nei o Pauoa.

No kekahi manawa loihi ae nei ka lohe ole ia ana o ka hanau ana o kekahi wahine Pukiki i kana mau keiki ekolu, a hiki i keia mau la iho nei, akahi no a hoikeia mai ka lohe i keia keena, eia ka ua hanau inai he wahine i na keiki ekolu, a ke ola mai nei lakou apau me na ola kino maikai. Ma ka la 12 o ka mahina aku nei o Aperila ua hanau mai la na ka wahine a Manueia Pernandez, he Pukiki e noho nei ma Pauoa Tie ekolu mau keiki i ka manawa hookahi, he elua he mau keikikane, a he hookahi kaikkmahina, a o

ka mea hilu loa, o ia no ka like o k» lakou mau helehelena. He umi-kumamakahi ka nui o na ke* iki a kela mau makua, a o ka mua lo& o ka hanau ana o ka makuahine i kan* keiki, he keikikane, ua nui oia, aia ma kahi o ka umi-kumamahiku ona mau makahiki a ke noho hana nei malok» o keia keena pa'i nupepa. I ka lua mai o ka hanau ana o keia ■wahine, ua hanau mahoe mai la elua mau keiki, he keikikane a he kaikama.liine, a eia laua ke ola nei me na ola kino maikai i keia manawa, no laua na makahiki he umi-kumamalima pakhi, a o keia lianau ana iho la hoi, h» ekolu keiki i ka wa hookahi. Ina pela iho la ke ano o ka hanau mau o kela wahine Pukiki, aole o kana mai ka hikiwawe o ka nui o ka lau& mau keiki, oiai eia no laua iloko o ko laua mau la e hoolu'e mai ai i na keiki, aia ka makuakane ma kahi o ke kanaha a oi makahiki, a he kanakolii hoi a oi makahiki o ka wahine.