Ka Nupepa Kuokoa, Volume XLVI, Number 47, 19 Nowemapa 1909 — KA PELEHU AME KA ILIO. [ARTICLE]

KA PELEHU AME KA ILIO.

Ma kekahi o na apana kuaaina o kekahi o na mokuaina o Amenka Huipuia, e noho ana kekahi mau. ohana paionia ma na aina hookuonoono. E hooikaika ana keia poe ohana like ole ma na mea e loaa ai ia lakou na mea e ola ai ko lakou noho ana ma keia ao, e like me na mea like ole a lakou i manao ai he pono, e laa ka hanai holoholona, mahi ana i ka aina me ke kanu ana i na mea kanu like ole. Eia iwaena o keia mau ohana lehulehu, elua mau ohana ku-ee a maikai ole o ka noho «na. Mamuli o ka pilikia i loaa i kekahi o keia mau ohana ma kekahi mokuaina e aku, ua haalele iho la ka makuakane ame ka makuahine i keia wahi no kekahi mau pule me ke kauoha ana iho i ka laua keiki o 16 makahiki, e noho ma ko lakou home e malama i na holoholona ame na mea kanu a hiki i ko laua huli hoi ana mai. . I kekahi la oiai ke keiki e hele ana e nana i ka mahinaai, ua komo mai la kekahi pelehu kane ma kekahi aoao o ko lakou nei pa, a alualuia aku la e ka ilio a ke keiki a pau i ka ai ia me ka mokaki o ka hulu maoa maanei, a i ke keiki i huli hoi mai ai ike mai la oia i ka makuakane o keia oIA.na e ku-ee mau nei me lakou nei e kpmo aku ana i ko lakou nei puka pa me na maka ua hele a enaena i ka huhu. "E Kimo, i keia kakahiana nui, ua haohao au i ka nalowale o kuu pelehu

kane, ua noke au i ka huli a hiki i ka loaa ana mai nei o ka hulu ia'u e mokaki ana mahope o ka halelio o oukou, a ina oe e uku mai ana i $2.50 hoopau wale au, ke ole oe e uku mai, e hoopii ana au ia oe, no ka mea ua ike mai nei au i ko ilio e ai ana i kuu manu.'' "Aole au e uku aku ana ia oe, ina makemake oe e hoopii hana aku oe e lik-e me kou makemake," wahi a Kimo. He oiaio ua hooko keia kanaka i kana olelo ua hopuia o Kimo, a laweia imua o Lunakanawai e hookolokolo ia ai. '' E Kimo, ke kaumaha nei au no keia hihia i laweia mai imua o'u no kou pepehi ana i ka pelehu a-Kamika, heaha la kau olelo pane, ua hewa a hewa ole anei oe!" wahi a ka Lunakanawai.'' "Aole au i hewa," wahi a Kimo. "Ua makaukau anei oe i ka hoike ma kou aoao e nee ai ka hihia imua," wahi hou a ka Lunakanawai? "Ae" wahi hou a ke keiki. "Owai kou hoike e. Kimol" "0 Kamika no hoi, ka mea nana ka pelehu." \ Nolaila, kahea aku Ia ka Lunakanawai ia Kamika e hele mai ma ka noho o ka poe hoike. "E Kimo, ua hiki ia oe ke ninau i ka hoike e like me ka nui o kau mau ninau e makemake ai," wahi a ka Lunakanawai. "E Kamika, olelo mai hoi oe ia'u ua ike oe i kuu ilio e ai ana i ko pelehu," wahi a ke keiki. "Oia hoi kuu mea i hoopii ai ia oe, no kuu ike ania i ko ilio e ai ana i kuu pelehu," wahi a Kamika. I "B ka Lunakanawai," wahi a Kimo i ku ae ai iluna. 11 Aole au i manao ua pololei ko'u hopuia ana, ua ha'i mai nei hoi o Kamika na kuu ilio i ai i ka pelehu ana, o ka pololei e hoopuka aku oe i palapala hopu a noouna aku i kekahi makai e hopu i ka ilio a lawe mai e hoopaa i ka halepaahao, a i ka ilio o Kamika e nol aku ai i ke dala ana." No keia pane a ke keiki, ua hiki ole i ka Lunakanawai ke uumi iho i kona aka, a hiki i kona akaaka okoa ] ama, ma ke kahea pu ana mai i ke j keiki e hele aku imua ona. "E ke keiki o hoi ke hookuu aku nei au ia oe." I ko Kimo nui ana ae a kanakamakua, oia kekahi o na loio akamai a kaulana loa i kona mau la.